zh-Hant-HK.md

996.ICU

「996」工作制，即係每日朝早 9 點返工，一直做到夜晚 9 點，每星期返 6 日。

「996」工作制嘅每星期工作時間最少 6x12=72 小時。

中國大陸返工時間嘅規管現況（標準工時）：
一日返 8 粒鐘，平均每星期返唔超過 40 個鐘；OT 最多一日 3 粒鐘、一個月 36 個鐘，而 OT 嘅糧係唔可以低過平時嘅 150%。一個星期最多返 48 個鐘。平均每個月有 21.75 日係計糧嘅。

相關法規

“996”工作制，是對包括中華人民共和國憲法在內的如下法律法規的公然違反。

《中華人民共和國憲法》

第二章第四十三條：

中華人民共和國勞動者有休息嘅權利。
國家發展勞動者休息同埋休養嘅設施，規定職工嘅工作時間同埋休假制度。

《中華人民共和國勞動法》

第一章第三條：

勞動者享有平等就業同埋選擇職業嘅權利、取得勞動報酬嘅權利、休息休假嘅權利、獲得勞動安全衛生保護嘅權利、接受職業技能培訓嘅權利、享受社會保險同埋福利嘅權利、提請勞動爭議處理嘅權利以及法律規定嘅其他勞動權利。

第四章第三十六條：

國家實行勞動者每日返工時間唔超過八個鐘、平均每星期返工時間唔超過四十四個鐘嘅工時制度。

第四章第三十九條：

企業因生產特點實行唔到本法第三十六條、第三十八條規定嘅，經勞動行政部門批准，可以實行其他工作同埋休息辦法。

第四章第四十一條：

用人單位由於生產經營需要，經過同工會同埋勞動者協商後可以延長返工時間，一般每日唔可以超過一個鐘；因為特殊原因需要延長返工時間嘅，係保障勞動者身體健康嘅條件下延長返工時間每日唔可以超過三個鐘，但係每月唔可以超過三十六個鐘。

第四章第四十三條：

用人單位唔可以違反本法規定延長勞動者嘅工作時間。

第四章第四十四條：

有下列是但一個情形，用人單位應當按照以下標準支付高於勞動者正常返工時間工資嘅工資報酬：
（一）安排勞動者延長工作時間嘅，支付不低於工資嘅百分之一百五十嘅工資報酬；
（二）休息日安排勞動者工作又唔可以安排補休嘅，支付不低於工資嘅百分之二百嘅工資報酬；
（三）法定休假日安排勞動者工作嘅，支付不低於工資嘅百分之三百嘅工資報酬。

第十二章第九十條：

用人單位違反本法規定，延長勞動者工作時間嘅，由勞動行政部門畀警告，責令改正，並可以罰錢。

第十二章第九十一條：

用人單位有下列侵害勞動者合法權益情形之一嘅，由勞動行政部門責令支付勞動者嘅工資報酬、經濟補償，並可以責令賠錢：
……
（二）拒不支付勞動者延長工作時間工資報酬嘅 ……

《中華人民共和國勞動合同法》

第三章第三十一條：

用人單位應當嚴格執行勞動定額標準，唔可以強迫或者變相強迫勞動者 OT。用人單位安排 OT 嘅，應當按照國家有關規定向勞動者支付 OT 費。

第五章第六十二條：

用工單位應當履行下列義務：
……
（三）支付 OT 費、績效獎金，提供同工作崗位相關嘅福利待遇；
……

第七章第八十五條：

用人單位有下列情形之一嘅，由勞動行政部門責令限期出糧、OT 費或者經濟補償；勞動報酬低於當地最低工資標準嘅，應當支付相關嘅差額部分；過期唔畀嘅，責令用人單位按應付金額百分之五十以上百分之一百以下嘅標準向勞動者加付賠償金：
（一）未按照勞動合同嘅約定或者國家規定及時足額支付勞動者勞動報酬嘅；
（二）低於當地最低工資標準支付勞動者工資嘅；
（三）安排 OT 而唔畀 OT 費嘅；
……

《國務院關於職工工作時間嘅規定》

第三條：

職工每日返工8個鐘、每星期返工40個鐘。

第六條：

任何單位同個人都唔可以擅自延長職工返工時間。因特殊情況同埋緊急任務確實需要 OT 嘅，按照國家有關規定執行。

第七條：

國家機關、公司實行統一嘅返工時間，星期六同星期日係休息日。
企業同實行唔到前款規定嘅統一工作時間嘅公司，可以根據實際情況靈活安排每星期嘅休息日。

相關事件

• 由 2016 年 9 月頭開始，陸續有網友爆料話，58同城實行所有員工 996 工作制，而且星期六日 OT 無糧出。公司方面覆返，為咗應付生意嘅高峰期，公司每年 9、10 月份都會咁樣安排，屬於好正常嘅活動，而今次「996 動員」並唔係強制嘅。（58同城實行全員996工作制 被指意圖逼員工主動辭職. 中國央廣網. 2016-09-01. ）

• 2018 年 11 月，聚美優品係成都研發部實行 996 工作制，話係正常返工時間，拒絕畀 OT 費同埋唔畀調假。員工話正常請 1 日假會以 11 個鐘嘅放假時間去計。星期六請假要 Send Email 後由部門總經理審批。2019 年 1 月旗下新零售汪汪集團員工，被迫放棄一切調假時間同埋工齡，並簽約到聚美優品，否則就會被無情炒魷魚。（{{來源請求}}）

• 2019 年 1 月，杭州電商公司有贊係公司年會宣佈未來會執行 996 工作制，CEO 白鴉回應話「幾年後望返轉頭，咁樣絕對係一件好事」。（年會成了「鴻門宴」，這家公司「強制996」被員工舉報. 聯商網. 2019-01-22. ）

• 2019 年 3 月，爆出京東開始實行分部門嘅 996 或 995 工作制，京東公關係脈脈平台話：「全情投入」。（京東回應995工作制：不會強制要求 但要全情投入. 網易科技. 2019-03-12. ）

---

按照勞動法規定，996 工作制下只有拎到目前份糧嘅 2.275 倍，先可以追得上個經濟而唔蝕底。

咩係 996.ICU？返工就 996，病咗就 ICU。

Developers' lives matter.