texts/aristophanes.birds.tess

<aristoph. birds. 1> ὀρθὴν κελεύεις, ᾗ τὸ δένδρον φαίνεται;
<aristoph. birds. 2> διαρραγείης: ἥδε δ' αὖ κρώζει πάλιν.
<aristoph. birds. 3> τί ὦ πόνηρ' ἄνω κάτω πλανύττομεν;
<aristoph. birds. 4> ἀπολούμεθ' ἄλλως τὴν ὁδὸν προφορουμένω.
<aristoph. birds. 5> τὸ δ' ἐμὲ κορώνῃ πειθόμενον τὸν ἄθλιον
<aristoph. birds. 6> ὁδοῦ περιελθεῖν στάδια πλεῖν ἢ χίλια.
<aristoph. birds. 7> τὸ δ' ἐμὲ κολοιῷ πειθόμενον τὸν δύσμορον
<aristoph. birds. 8> ἀποσποδῆσαι τοὺς ὄνυχας τῶν δακτύλων.
<aristoph. birds. 9> ἀλλ' οὐδ' ὅπου γῆς ἐσμὲν οἶδ' ἔγωγ' ἔτι.
<aristoph. birds. 10> ἐντευθενὶ τὴν πατρίδ' ἂν ἐξεύροις σύ που;
<aristoph. birds. 11> οὐδ' ἂν μὰ Δία γ' ἐντεῦθεν ̓Εξηκεστίδης.
<aristoph. birds. 12> οἴμοι.   σὺ μὲν ὦ τᾶν τὴν ὁδὸν ταύτην ἴθι.
<aristoph. birds. 13> ἦ δεινὰ νὼ δέδρακεν οὑκ τῶν ὀρνέων,
<aristoph. birds. 14> ὁ πινακοπώλης φιλοκράτης μελαγχολῶν,
<aristoph. birds. 15> ὃς τώδ' ἔφασκε νῷν φράσειν τὸν Τηρέα
<aristoph. birds. 16> τὸν ἔποφ' ὃς ὄρνις ἐγένετ' ἐκ τῶν ὀρνέων:
<aristoph. birds. 17> κἀπέδοτο τὸν μὲν Θαρρελείδου τουτονὶ
<aristoph. birds. 18> κολοιὸν ὀβολοῦ, τηνδεδὶ τριωβόλου.
<aristoph. birds. 19> τὼ δ' οὐκ ἄρ' ᾔστην οὐδὲν ἄλλο πλὴν δάκνειν.
<aristoph. birds. 20> καὶ νῦν τί κέχηνας; ἔσθ' ὅποι κατὰ τῶν πετρῶν
<aristoph. birds. 21> ἡμᾶς ἔτ' ἔξεις. οὐ γάρ ἐστ' ἐνταῦθά τις
<aristoph. birds. 22> ὁδός.   οὐδὲ μὰ Δί' ἐνταῦθά γ' ἀτραπὸς οὐδαμοῦ.
<aristoph. birds. 23> οὐδ' ἡ κορώνη τῆς ὁδοῦ τι λέγει πέρι;
<aristoph. birds. 24> οὐ ταὐτὰ κρώζει μὰ Δία νῦν τε καὶ τότε.
<aristoph. birds. 25> τί δὴ λέγει περὶ τῆς ὁδοῦ;   τί δ' ἄλλο γ' ἢ
<aristoph. birds. 26> βρύκους' ἀπέδεσθαί φησί μου τοὺς δακτύλους;
<aristoph. birds. 27> οὐ δεινὸν οὖν δῆτ' ἐστὶν ἡμᾶς δεομένους
<aristoph. birds. 28> ἐς κόρακας ἐλθεῖν καὶ παρεσκευασμένους
<aristoph. birds. 29> ἔπειτα μὴ 'ξευρεῖν δύνασθαι τὴν ὁδόν;
<aristoph. birds. 30> ἡμεῖς γάρ, ὦνδρες οἱ παρόντες ἐν λόγῳ,
<aristoph. birds. 31> νόσον νοσοῦμεν τὴν ἐναντίαν Σάκᾳ:
<aristoph. birds. 32> ὁ μὲν γὰρ ὢν οὐκ ἀστὸς ἐσβιάζεται,
<aristoph. birds. 33> ἡμεῖς δὲ φυλῇ καὶ γένει τιμώμενοι,
<aristoph. birds. 34> ἀστοὶ μετ' ἀστῶν, οὐ σοβοῦντος οὐδενὸς
<aristoph. birds. 35> ἀνεπτόμεσθ' ἐκ τῆς πατρίδος ἀμφοῖν ποδοῖν,
<aristoph. birds. 36> αὐτὴν μὲν οὐ μισοῦντ' ἐκείνην τὴν πόλιν
<aristoph. birds. 37> τὸ μὴ οὐ μεγάλην εἶναι φύσει κεὐδαίμονα
<aristoph. birds. 38> καὶ πᾶσι κοινὴν ἐναποτεῖσαι χρήματα.
<aristoph. birds. 39> οἱ μὲν γὰρ οὖν τέττιγες ἕνα μῆν' ἢ δύο
<aristoph. birds. 40> ἐπὶ τῶν κραδῶν ᾄδους', ̓Αθηναῖοι δ' ἀεὶ
<aristoph. birds. 41> ἐπὶ τῶν δικῶν ᾄδουσι πάντα τὸν βίον.
<aristoph. birds. 42> διὰ ταῦτα τόνδε τὸν βάδον βαδίζομεν,
<aristoph. birds. 43> κανοῦν δ' ἔχοντε καὶ χύτραν καὶ μυρρίνας
<aristoph. birds. 44> πλανώμεθα ζητοῦντε τόπον ἀπράγμονα,
<aristoph. birds. 45> ὅποι καθιδρυθέντε διαγενοίμεθ' ἄν.
<aristoph. birds. 46> ὁ δὲ στόλος νῷν ἐστι παρὰ τὸν Τηρέα
<aristoph. birds. 47> τὸν ἔποπα, παρ' ἐκείνου πυθέσθαι δεομἐνω,
<aristoph. birds. 48> εἴ που τοιαύτην εἶδε πόλιν ᾗ 'πέπτετο.
<aristoph. birds. 49> οὗτος.   τί ἔστιν;   ἡ κορώνη μοι πάλαι
<aristoph. birds. 50> ἄνω τι φράζει.   χὠ κολοιὸς οὑτοσὶ
<aristoph. birds. 51> ἄνω κέχηνεν ὡσπερεὶ δεικνύς τί μοι,
<aristoph. birds. 52> κοὐκ ἔσθ' ὅπως οὐκ ἔστιν ἐνταῦθ' ὄρνεα.
<aristoph. birds. 53> εἰσόμεθα δ' αὐτίκ', ἢν ποιήσωμεν ψόφον.
<aristoph. birds. 54> ἀλλ' οἶσθ' ὃ δρᾶσον; τῷ σκέλει θένε τὴν πέτραν.
<aristoph. birds. 55> σὺ δὲ τῇ κεφαλῇ γ', ἵν' ᾖ διπλάσιος ὁ ψόφος.
<aristoph. birds. 56> σὺ δ' οὖν λίθῳ κόψον λαβών.   πάνυ γ', εἰ δοκεῖ.
<aristoph. birds. 57> παῖ παῖ.   τί λέγεις οὗτος; τὸν ἔποπα παῖ καλεῖς;
<aristoph. birds. 58> οὐκ ἀντὶ τοῦ παιδός ς' ἐχρῆν ἐποποῖ καλεῖν;
<aristoph. birds. 59> ἐποποῖ. ποιήσεις ἔτι με κόπτειν αὖθις αὖ.
<aristoph. birds. 60> ἐποποῖ.   τίνες οὗτοι; τίς ὁ βοῶν τὸν δεσπότην;
<aristoph. birds. 61> ̓́Απολλον ἀποτρόπαιε τοῦ χασμήματος.
<aristoph. birds. 62> οἴμοι τάλας ὀρνιθοθήρα τουτωί.
<aristoph. birds. 63> οὕτως τι δεινὸν οὐδὲ κάλλιον λέγειν.
<aristoph. birds. 64> ἀπολεῖσθον.   ἀλλ' οὐκ ἐσμὲν ἀνθρώπω.   τί δαί;
<aristoph. birds. 65> ̔Υποδεδιὼς ἔγωγε Διβυκὸν ὄρνεον.
<aristoph. birds. 66> οὐδὲν λέγεις.   καὶ μὴν ἐροῦ τὰ πρὸς ποδῶν.
<aristoph. birds. 67> ὁδὶ δὲ δὴ τίς ἐστιν ὄρνις; οὐκ ἐρεῖς;
<aristoph. birds. 68> ̓Επικεχοδὼς ἔγωγε Φασιανικός.
<aristoph. birds. 69> ἀτὰρ σὺ τί θηρίον ποτ' εἶ πρὸς τῶν θεῶν;
<aristoph. birds. 70> ὄρνις ἔγωγε δοῦλος.   ἡττήθης τινὸς
<aristoph. birds. 71> ἀλεκτρυόνος;   οὐκ ἀλλ' ὅτε περ ὁ δεσπότης
<aristoph. birds. 72> ἔποψ ἐγένετο, τότε γενέσθαι μ' ηὔξατο
<aristoph. birds. 73> ὄρνιν, ἵν' ἀκόλουθον διάκονόν τ' ἔχῃ.
<aristoph. birds. 74> δεῖται γὰρ ὄρνις καὶ διακόνου τινός;
<aristoph. birds. 75> οὗτός γ', ἅτ' οἶμαι πρότερον ἄνθρωπός ποτ' ὤν,
<aristoph. birds. 76> τοτὲ μὲν ἐρᾷ φαγεῖν ἀφύας Φαληρικάς:
<aristoph. birds. 77> τρέχω 'π' ἀφύας λαβὼν ἐγὼ τὸ τρύβλιον.
<aristoph. birds. 78> ἔτνους δ' ἐπιθυμεῖ, δεῖ τορύνης καὶ χύτρας:
<aristoph. birds. 79> τρέχω 'πὶ τορύνην.   τροχίλος ὄρνις οὑτοσί.
<aristoph. birds. 80> οἶσθ' οὖν ὃ δρᾶσον ὦ τροχίλε; τὸν δεσπότην
<aristoph. birds. 81> ἡμῖν κάλεσον.   ἀλλ' ἀρτίως νὴ τὸν Δία
<aristoph. birds. 82> εὕδει καταφαγὼν μύρτα καὶ σέρφους τινάς.
<aristoph. birds. 83> ὅμως ἐπέγειρον αὐτόν.   οἶδα μὲν σαφῶς
<aristoph. birds. 84> ὅτι ἀχθέσεται, σφῷν δ' αὐτὸν οὕνεκ' ἐπεγερῶ.
<aristoph. birds. 85> κακῶς σύ γ' ἀπόλοι', ὥς μ' ἀπέκτεινας δέει.
<aristoph. birds. 86> οἴμοι κακοδαίμων χὠ κολοιός μοἴχεται
<aristoph. birds. 87> ὑπὸ τοῦ δέους.   ὦ δειλότατον σὺ θηρίον,
<aristoph. birds. 88> δείσας ἀφῆκας τὸν κολοιόν;   εἰπέ μοι,
<aristoph. birds. 89> σὺ δὲ τὴν κορώνην οὐκ ἀφῆκας καταπεσών;
<aristoph. birds. 90> μὰ Δί' οὐκ ἔγωγε.   ποῦ γάρ ἐστ';   ἀπέπτετο.
<aristoph. birds. 91> οὐκ ἆρ' ἀφῆκας; ὦγάθ' ὡς ἀνδρεῖος εἶ.
<aristoph. birds. 92> ἄνοιγε τὴν ὕλην, ἵν' ἐξέλθω ποτέ.
<aristoph. birds. 93> ὦ ̔Ηράκλεις τουτὶ τί ποτ' ἐστὶ τὸ θηρίον;
<aristoph. birds. 94> τίς ἡ πτέρωσις; τίς ὁ τρόπος τῆς τριλοφίας;
<aristoph. birds. 95> τίνες εἰσί μ' οἱ ζητοῦντες;   οἱ δώδεκα θεοὶ
<aristoph. birds. 96> εἴξασιν ἐπιτρῖψαί σε.   μῶν με σκώπτετον
<aristoph. birds. 97> ὁρῶντε τὴν πτέρωσιν; ἦν γὰρ ὦ ξένοι
<aristoph. birds. 98> ἄνθρωπος.   οὐ σοῦ καταγελῶμεν.   ἀλλὰ τοῦ;
<aristoph. birds. 99> τὸ ῥάμφος ἡμῖν σου γέλοιον φαίνεται.
<aristoph. birds. 100> τοιαῦτα μέντοι Σοφοκλέης λυμαίνεται
<aristoph. birds. 101> ἐν ταῖς τραγῳδίαισιν ἐμὲ τὸν Τηρέα.
<aristoph. birds. 102> Τηρεὺς γὰρ εἶ σύ; πότερον ὄρνις ἢ ταὧς;
<aristoph. birds. 103> ὄρνις ἔγωγε.   κᾆτά σοι ποῦ τὰ πτερά;
<aristoph. birds. 104> ἐξερρύηκε.   πότερον ὑπὸ νόσου τινός;
<aristoph. birds. 105> οὔκ, ἀλλὰ τὸν χειμῶνα πάντα τὤρνεα
<aristoph. birds. 106> πτερορρυεῖ τε καὖθις ἕτερα φύομεν.
<aristoph. birds. 107> ἀλλ' εἴπατόν μοι σφὼ τίν' ἐστόν;   νώ; βροτώ.
<aristoph. birds. 108> ποδαπὼ τὸ γένος;   ὅθεν αἱ τριήρεις αἱ καλαί.
<aristoph. birds. 109> μῶν ἡλιαστά;   μἀλλὰ θατέρου τρόπου,
<aristoph. birds. 110> ἀπηλιαστά.   σπείρεται γὰρ τοῦτ' ἐκεῖ
<aristoph. birds. 111> τὸ σπέρμ';   ὀλίγον ζητῶν ἂν ἐξ ἀγροῦ λάβοις.
<aristoph. birds. 112> πράγους δὲ δὴ τοῦ δεομένω δεῦρ' ἤλθετον;
<aristoph. birds. 113> σοὶ ξυγγενέσθαι βουλομένω.   τίνος πέρι;
<aristoph. birds. 114> ὅτι πρῶτα μὲν ἦσθ' ἄνθρωπος ὥσπερ νὼ ποτέ,
<aristoph. birds. 115> κἀργύριον ὠφείλησας ὥσπερ νὼ ποτέ,
<aristoph. birds. 116> κοὐκ ἀποδιδοὺς ἔχαιρες ὥσπερ νὼ ποτέ:
<aristoph. birds. 117> εἶτ' αὖθις ὀρνίθων μεταλλάξας φύσιν
<aristoph. birds. 118> καὶ γῆν ἐπέπτου καὶ θάλατταν ἐν κύκλῳ,
<aristoph. birds. 119> καὶ πάνθ' ὅσαπερ ἄνθρωπος ὅσα τ' ὄρνις φρονεῖς:
<aristoph. birds. 120> ταῦτ οὖν ἱκέται νὼ πρὸς σὲ δεῦρ' ἀφίγμεθα,
<aristoph. birds. 121> εἴ τινα πόλιν φράσειας ἡμῖν εὔερον
<aristoph. birds. 122> ὥσπερ σισύραν ἐγκατακλινῆναι μαλθακήν.
<aristoph. birds. 123> ἔμειτα μείζω τῶν Κραναῶν ζητεῖς πόλιν;
<aristoph. birds. 124> μείζω μὲν οὐδέν, προσφορωτέραν δὲ νῷν.
<aristoph. birds. 125> ἀριστοκρατεῖσθαι δῆλος εἶ ζητῶν.   ἐγώ;
<aristoph. birds. 126> ἥκιστα: καὶ γὰρ τὸν Σκελίου βδελύττομαι.
<aristoph. birds. 127> ποίαν τιν' οὖν ἥδιστ' ἂν οἰκοῖτ' ἂν πόλιν;
<aristoph. birds. 128> ὅπου τὰ μέγιστα πράγματ' εἴη τοιάδε:
<aristoph. birds. 129> ἐπὶ τὴν θύραν μου πρῴ τις ἐλθὼν τῶν φίλων
<aristoph. birds. 130> λέγοι ταδί: “πρὸς τοῦ Διὸς τοὐλυμπίου
<aristoph. birds. 131> ὅπως παρέσει μοι καὶ σὺ καὶ τὰ παιδία
<aristoph. birds. 132> λουσάμενα πρῴ: μέλλω γὰρ ἑστιᾶν γάμους:
<aristoph. birds. 133> καὶ μηδαμῶς ἄλλως ποιήσῃς: εἰ δὲ μή,
<aristoph. birds. 134> μή μοι τότε γ' ἔλθῃς, ὅταν ἐγὼ πράττω κακῶς.”
<aristoph. birds. 135> νὴ Δία ταλαιπώρων γε πραγμάτων ἐρᾷς.
<aristoph. birds. 136> τί δαὶ σύ;   τοιούτων ἐρῶ κἀγώ.   τίνων;
<aristoph. birds. 137> ὅπου ξυναντῶν μοι ταδί τις μέμψεται
<aristoph. birds. 138> ὥσπερ ἀδικηθεὶς παιδὸς ὡραίου πατήρ:
<aristoph. birds. 139> “καλῶς γέ μου τὸν υἱὸν ὦ Στιλβωνίδη
<aristoph. birds. 140> εὑρὼν ἀπιόντ' ἀπὸ γυμνασίου λελουμένον
<aristoph. birds. 141> οὐκ ἔκυσας, οὐ προσεῖπας, οὐ προσηγάγου,
<aristoph. birds. 142> οὐκ ὠρχιπέδισας, ὢν ἐμοὶ πατρικὸς φίλος.”
<aristoph. birds. 143> ὦ δειλακρίων σὺ τῶν κακῶν οἵων ἐρᾷς.
<aristoph. birds. 144> ἀτὰρ ἔστι γ' ὁποίαν λέγετον εὐδαίμων πόλις
<aristoph. birds. 145> παρὰ τὴν ἐρυθρὰν θάλατταν.   οἴμοι μηδαμῶς
<aristoph. birds. 146> ἡμῖν παρὰ τὴν θάλατταν, ἵν' ἀνακύψεται
<aristoph. birds. 147> κλητῆρ' ἄγους' ἕωθεν ἡ Σαλαμινία.
<aristoph. birds. 148> ̔Ελληνικὴν δὲ πόλιν ἔχεις ἡμῖν φράσαι;
<aristoph. birds. 149> τί οὐ τὸν ̓Ηλεῖον Λέπρεον οἰκίζετον
<aristoph. birds. 150> ἐλθόνθ';   ὁτιὴ νὴ τοὺς θεοὺς ὅς' οὐκ ἰδὼν
<aristoph. birds. 151> βδελύττομαι τὸν Λέπρεον ἀπὸ Μελανθίου.
<aristoph. birds. 152> ἀλλ' εἰσὶν ἕτεροι τῆς Λοκρίδος ̓Οπούντιοι,
<aristoph. birds. 153> ἵνα χρὴ κατοικεῖν.   ἀλλ' ἔγωγ' ̓Οπούντιος
<aristoph. birds. 154> οὐκ ἂν γενοίμην ἐπὶ ταλάντῳ χρυσίου.
<aristoph. birds. 155> οὗτος δὲ δὴ τίς ἔσθ' ὁ μετ' ὀρνίθων βίος;
<aristoph. birds. 156> σὺ γὰρ οἶσθ' ἀκριβῶς.   οὐκ ἄχαρις ἐς τὴν τριβήν:
<aristoph. birds. 157> οὗ πρῶτα μὲν δεῖ ζῆν ἄνευ βαλλαντίου.
<aristoph. birds. 158> πολλήν γ' ἀφεῖλες τοῦ βίου κιβδηλίαν.
<aristoph. birds. 159> νεμόμεσθα δ' ἐν κήποις τὰ λευκὰ σήσαμα
<aristoph. birds. 160> καὶ μύρτα καὶ μήκωνα καὶ σισύμβρια.
<aristoph. birds. 161> ὑμεῖς μὲν ἆρα ζῆτε νυμφίων βίον.
<aristoph. birds. 161b> φεῦ φεῦ:
<aristoph. birds. 162> ἦ μέγ' ἐνορῶ βούλευμ' ἐν ὀρνίθων γένει,
<aristoph. birds. 163> καὶ δύναμιν ἣ γένοιτ' ἄν, εἰ πίθοισθέ μοι.
<aristoph. birds. 164> τί σοι πιθώμεσθ';   ὅ τι πίθησθε; πρῶτα μὲν
<aristoph. birds. 165> μὴ περιπέτεσθε πανταχῇ κεχηνότες:
<aristoph. birds. 166> ὡς τοῦτ' ἄτιμον τοὔργον ἐστίν. αὐτίκα
<aristoph. birds. 167> ἐκεῖ παρ' ἡμῖν τοὺς πετομένους ἢν ἔρῃ,
<aristoph. birds. 168> “τίς ὄρνις οὗτος;” ὁ Τελέας ἐρεῖ ταδί:
<aristoph. birds. 169> “ἅνθρωπος ὄρνις ἀστάθμητος πετόμενος,
<aristoph. birds. 170> ἀτέκμαρτος, οὐδὲν οὐδέποτ' ἐν ταὐτῷ μένων.”
<aristoph. birds. 171> νὴ τὸν Διόνυσον εὖ γε μωμᾷ ταυταγί.
<aristoph. birds. 172> τί ἂν οὖν ποιοῖμεν;   οἰκίσατε μίαν πόλιν.
<aristoph. birds. 173> ποίαν δ' ἂν οἰκίσαιμεν ὄρνιθες πόλιν;
<aristoph. birds. 174> ἄληθες; ὦ σκαιότατον εἰρηκὼς ἔπος,
<aristoph. birds. 175> βλέψον κάτω.   καὶ δὴ βλέπω.   βλέπε νῦν ἄνω.
<aristoph. birds. 176> βλέπω.   περίαγε τὸν τράχηλον.   νὴ Δία
<aristoph. birds. 177> ἀπολαύσομαί τί γ', εἰ διαστραφήσομαι.
<aristoph. birds. 178> εἶδές τι;   τὰς νεφέλας γε καὶ τὸν οὐρανόν.
<aristoph. birds. 179> οὐχ οὗτος οὖν δήπου 'στὶν ὀρνίθων πόλος;
<aristoph. birds. 180> πόλος; τίνα τρόπον;   ὥσπερ ἂν εἴποι τις τόπος.
<aristoph. birds. 181> ὅτι δὲ πολεῖται τοῦτο καὶ διέρχεται
<aristoph. birds. 182> ἅπαντα διὰ τούτου, καλεῖται νῦν πόλος.
<aristoph. birds. 183> ἢν δ' οἰκίσητε τοῦτο καὶ φάρξηθ' ἅπαξ,
<aristoph. birds. 184> ἐκ τοῦ πόλου τούτου κεκλήσεται πόλις.
<aristoph. birds. 185> ὥστ' ἄρξετ' ἀνθρώπων μὲν ὥσπερ παρνόπων,
<aristoph. birds. 186> τοὺς δ' αὖ θεοὺς ἀπολεῖτε λιμῷ Μηλίῳ.
<aristoph. birds. 187> πῶς;   ἐν μέσῳ δήπουθεν ἀήρ ἐστι γῆς.
<aristoph. birds. 188> εἶθ' ὥσπερ ἡμεῖς, ἢν ἰέναι βουλώμεθα
<aristoph. birds. 189> Πυθώδε, Βοιωτοὺς δίοδον αἰτούμεθα,
<aristoph. birds. 190> οὕτως, ὅταν θύσωσιν ἄνθρωποι θεοῖς,
<aristoph. birds. 191> ἢν μὴ φόρον φέρωσιν οἱ ὑμῖν οἱ θεοί,
<aristoph. birds. 192> διὰ τῆς πόλεως τῆς ἀλλοτρίας καὶ τοῦ χάους
<aristoph. birds. 193> τῶν μηρίων τὴν κνῖσαν οὐ διαφρήσετε.
<aristoph. birds. 194> ἰοὺ ἰού:
<aristoph. birds. 195> μὰ γῆν μὰ παγίδας μὰ νεφέλας μὰ δίκτυα,
<aristoph. birds. 195> μὴ 'γὼ νόημα κομψότερον ἤκουσά πω:
<aristoph. birds. 196> ὥστ' ἂν κατοικίζοιμι μετὰ σοῦ τὴν πόλιν,
<aristoph. birds. 197> εἰ ξυνδοκοίη τοῖσιν ἄλλοις ὀρνέοις.
<aristoph. birds. 198> τίς ἂν οὖν τὸ πρᾶγμ' αὐτοῖς διηγήσαιτο;   σύ.
<aristoph. birds. 199> ἐγὼ γὰρ αὐτοὺς βαρβάρους ὄντας πρὸ τοῦ
<aristoph. birds. 200> ἐδίδαξα τὴν φωνήν, ξυνὼν πολὺν χρόνον.
<aristoph. birds. 201> πῶς δῆτ' ἂν αὐτοὺς ξυγκαλέσειας;   ῥᾳδίως.
<aristoph. birds. 202> δευρὶ γὰρ ἐσβὰς αὐτίκα μάλ' ἐς τὴν λόχμην,
<aristoph. birds. 203> ἔπειτ' ἀνεγείρας τὴν ἐμὴν ἀηδόνα,
<aristoph. birds. 204> καλοῦμεν αὐτούς: οἱ δὲ νῷν τοῦ φθέγματος
<aristoph. birds. 205> ἐάνπερ ἐπακούσωσι θεύσονται δρόμῳ.
<aristoph. birds. 206> ὦ φίλτατ' ὀρνίθων σὺ μή νυν ἕσταθι:
<aristoph. birds. 207> ἀλλ' ἀντιβολῶ ς' ἄγ' ὡς τάχιστ' ἐς τὴν λόχμην
<aristoph. birds. 208> ἔσβαινε κἀνέγειρε τὴν ἀηδόνα.
<aristoph. birds. 209> ἄγε σύννομέ μοι παῦσαι μὲν ὕπνου,
<aristoph. birds. 210> λῦσον δὲ νόμους ἱερῶν ὕμνων,
<aristoph. birds. 211> οὓς διὰ θείου στόματος θρηνεῖς
<aristoph. birds. 212> τὸν ἐμὸν καὶ σὸν πολύδακρυν ̓́Ιτυν:
<aristoph. birds. 213> ἐλελιζομένης δ' ἱεροῖς μέλεσιν
<aristoph. birds. 214> γένυος ξουθῆς
<aristoph. birds. 215> καθαρὰ χωρεῖ διὰ φυλλοκόμου
<aristoph. birds. 216> μίλακος ἠχὼ πρὸς Διὸς ἕδρας,
<aristoph. birds. 217> ἵν' ὁ χρυσοκόμας Φοῖβος ἀκούων
<aristoph. birds. 218> τοῖς σοῖς ἐλέγοις ἀντιψάλλων
<aristoph. birds. 219> ἐλεφαντόδετον φόρμιγγα θεῶν
<aristoph. birds. 220> ἵστησι χορούς: διὰ δ' ἀθανάτων
<aristoph. birds. 221> στομάτων χωρεῖ ξύμφωνος ὁμοῦ
<aristoph. birds. 222> θεία μακάρων ὀλολυγή.
<aristoph. birds. 222b> （αὐλεῖ）
<aristoph. birds. 223> ὦ Ζεῦ βασιλεῦ τοῦ φθέγματος τοὐρνιθίου:
<aristoph. birds. 224> οἶον κατεμελίτωσε τὴν λόχμην ὃλην.
<aristoph. birds. 225> οὗτος.   τί ἔστιν; οὐ σιωπήσει;   τί δαί;
<aristoph. birds. 226> οὕποψ μελῳδεῖν αὖ παρασκευάζεται.
<aristoph. birds. 227> ἐποποῖ ποποποποποποποῖ,
<aristoph. birds. 228> ἰὼ ἰὼ ἰτὼ ἰτὼ ἰτὼ ἰτὼ,
<aristoph. birds. 229> ἴτω τις ὧδε τῶν ἐμῶν ὁμοπτέρων:
<aristoph. birds. 230> ὅσοι τ' εὐσπόρους ἀγροίκων γύας
<aristoph. birds. 231> νέμεσθε, φῦλα μυρία κριθοτράγων
<aristoph. birds. 232> σπερμολόγων τε γένη
<aristoph. birds. 233> ταχὺ πετόμενα, μαλθακὴν ἱέντα γῆρυν:
<aristoph. birds. 234> ὅσα τ' ἐν ἄλοκι θαμὰ
<aristoph. birds. 235> βῶλον ἀμφιτιττυβίζεθ' ὧδε λεπτὸν
<aristoph. birds. 236> ἡδομένᾳ φωνᾷ:
<aristoph. birds. 237> τιὸ τιὸ τιὸ τιὸ τιὸ τιὸ τιὸ τιό.
<aristoph. birds. 238> ὅσα θ' ὑμῶν κατὰ κήπους ἐπὶ κισσοῦ
<aristoph. birds. 239> κλάδεσι νομὸν ἔχει,
<aristoph. birds. 240> τά τε κατ' ὄρεα τά τε κοτινοτράγα τά τε κομαροφάγα,
<aristoph. birds. 241> ἀνύσατε πετόμενα πρὸς ἐμὰν αὐδάν:
<aristoph. birds. 242> τριοτὸ τριοτὸ τοτοβρίξ:
<aristoph. birds. 243> οἵ θ' ἑλείας παρ' αὐλῶνας ὀξυστόμους
<aristoph. birds. 245> ἐμπίδας κάπτεθ', ὅσα τ' εὐδρόσους γῆς τόπους
<aristoph. birds. 246> ἔχετε λειμῶνά τ' ἐρόεντα Μαραθῶνος, ὄρνις
<aristoph. birds. 247> πτερυγοποίκιλός τ' ἀτταγᾶς ἀτταγᾶς.
<aristoph. birds. 250> ὧν τ' ἐπὶ πόντιον οἶδμα θαλάσσης
<aristoph. birds. 251> φῦλα μετ' ἀλκυόνεσσι ποτῆται,
<aristoph. birds. 252> δεῦρ' ἴτε πευσόμενοι τὰ νεώτερα,
<aristoph. birds. 253> πάντα γὰρ ἐνθάδε φῦλ' ἀθροί̈ζομεν
<aristoph. birds. 254> οἰωνῶν ταναοδείρων.
<aristoph. birds. 255> ἥκει γὰρ τις δριμὺς πρέσβυς
<aristoph. birds. 256> καινὸς γνώμην
<aristoph. birds. 257> καινῶν τ' ἔργων ἐγχειρητής.
<aristoph. birds. 258> ἀλλ' ἴτ' ἐς λόγους ἅπαντα,
<aristoph. birds. 259> δεῦρο δεῦρο δεῦρο δεῦρο.
<aristoph. birds. 260> τοροτοροτοροτοροτίξ.
<aristoph. birds. 261> κικκαβαῦ κικκαβαῦ.
<aristoph. birds. 262> τοροτοροτοροτορολιλιλίξ.
<aristoph. birds. 263> ὁρᾷς τιν' ὄρνιν;   μὰ τὸν ̓Απόλλω 'γὼ μὲν οὔ:
<aristoph. birds. 264> καίτοι κέχηνά γ' ἐς τὸν οὐρανὸν βλέπων.
<aristoph. birds. 265> ἄλλως ἄρ' οὕποψ, ὡς ἔοικ', ἐς τὴν λόχμην
<aristoph. birds. 266> ἐσβὰς ἐπῷζε χαραδριὸν μιμούμενος.
<aristoph. birds. 267> τοροτὶξ τοροτίξ.
<aristoph. birds. 268> ὦγάθ' ἀλλ' εἶς οὑτοσὶ καὶ δή τις ὄρνις ἔρχεται.
<aristoph. birds. 269> νὴ Δί' ὄρνις δῆτα. τίς ποτ' ἐστίν; οὐ δήπου ταὧς;
<aristoph. birds. 270> οὗτος αὐτὸς νῷν φράσει: τίς ἐστιν ὄρνις οὑτοσί;
<aristoph. birds. 271> οὗτος οὐ τῶν ἠθάδων τῶνδ' ὧν ὁρᾶθ' ὑμεῖς ἀεί,
<aristoph. birds. 272> ἀλλὰ λιμναῖος.   βαβαὶ καλός γε καὶ φοινικιοῦς.
<aristoph. birds. 273> εἰκότως γε: καὶ γὰρ ὄνομ' αὐτῷ 'στὶ φοινικόπτερος.
<aristoph. birds. 274> οὗτος ὦ σέ τοι.   τί βωστρεῖς;   ἕτερος ὄρνις οὑτοσί.
<aristoph. birds. 275> νὴ Δί' ἕτερος δῆτα χοὖτος ἔξεδρον χρόαν ἔχων.
<aristoph. birds. 276> τίς ποτ' ἔσθ' ὁ μουσόμαντις ἄτοπος ὄρνις ὀρειβάτης;
<aristoph. birds. 277> ὄνομα τούτῳ Μῆδός ἐστο.   Μῆδος; ὦναξ ̔Ηράκλεις:
<aristoph. birds. 278> εἶτα πῶς ἄνευ καμήλου Μῆδος ὤν εἰσέπτετο;
<aristoph. birds. 279> ἕτερος αὖ λόφον κατειληφώς τις ὄρνις οὑτοσί.
<aristoph. birds. 280> τί τὸ τέρας τουτί ποτ' ἐστίν; οὐ σὺ μόνος ἄρ' ἦσθ' ἔποψ,
<aristoph. birds. 280> ἀλλὰ χοὖτος ἕτερος;   οὑτοσὶ μέν ἐστι Φιλοκλέους
<aristoph. birds. 281> ἐξ ἔποπος, ἐγὼ δὲ τούτου πάππος, ὥσπερ εἰ λέγοις
<aristoph. birds. 282> ̔Ιππόνικος Καλλίου κἀξ ̔Ιππονίκου Καλλίας.
<aristoph. birds. 283> Καλλίας ἄρ' οὗτος οὕρνις ἐστίν: ὡς πτερορρυεῖ.
<aristoph. birds. 285> ἅτε γὰρ ὢν γενναῖος ὑπό τε συκοφαντῶν τίλλεται,
<aristoph. birds. 286> αἵ τε θήλειαι προσεκτίλλουσιν αὐτοῦ τὰ πτερά.
<aristoph. birds. 287> ὦ Πόσειδον ἕτερος αὖ τις βαπτὸς ὄρνις οὑτοσί.
<aristoph. birds. 288> τίς ὀνομάξεταί ποθ' οὗτος;   οὑτοσὶ κατωφαγᾶς.
<aristoph. birds. 289> ἔστι γὰρ κατωφαγᾶς τις ἄλλος ἢ Κλεώνυμος;
<aristoph. birds. 290> πῶς ἂν οὖν Κλεώνυμός γ' ὢν οὐκ ἀπέβαλε τὸν λόφον;
<aristoph. birds. 291> ἀλλὰ μέντοι τίς ποθ' ἡ λόφωσις ἡ τῶν ὀρνέων;
<aristoph. birds. 292> ἦ 'πὶ τὸν δίαυλον ἦλθον;   ὥσπερ οἱ Κᾶρες μὲν οὖν
<aristoph. birds. 293> ἐπὶ λόφων οἰκοῦσιν ὦγάθ' ἀσφαλείας οὔνεκα.
<aristoph. birds. 294> ὦ Πόσειδον οὐχ ὁρᾷς ὅσον συνείλεκται κακὸν
<aristoph. birds. 295> ὀρνέων;   ὦναξ ̓́Απολλον τοῦ νέφους. ἰοὺ ἰού,
<aristoph. birds. 296> οὐδ' ἰδεῖν ἔτ' ἔσθ' ὑπ' αὐτῶν πετομένων τὴν εἴσοδον.
<aristoph. birds. 297> οὑτοσὶ πέρδιξ, ἐκεινοσί γε νὴ Δί' ἀτταγᾶς,
<aristoph. birds. 298> οὑτοσὶ δὲ πηνέλοψ, ἐκεινηὶ δέ γ' ἀλκυών.
<aristoph. birds. 299> τίς γάρ ἐσθ' οὕπισθεν αὐτῆς;   ὅστις ἐστί; κειρύλος.
<aristoph. birds. 300> κειρύλος γάρ ἐστιν ὄρνις;   οὐ γάρ ἐστι Σποργίλος;
<aristoph. birds. 301> χαὐτηί γε γλαῦξ.   τί φῄς; τίς γλαῦκ' ̓Αθήναζ' ἤγαγεν;
<aristoph. birds. 302> κίττα τρυγὼν κορυδὸς ἐλεᾶς ὑποθυμὶς περιστερὰ
<aristoph. birds. 303> νέρτος ἱέραξ φάττα κόκκυξ ἐρυθρόπους κεβλήπυρις
<aristoph. birds. 304> πορφυρὶς κερχνῂς κολυμβὶς ἀμπελὶς φήην δρύοψ.
<aristoph. birds. 305> ἰοὺ ἰοὺ τῶν ὀρνέων, ἰοὺ ἰοὺ τῶν κοψίχων:
<aristoph. birds. 306> οἶα πιππίζουσι καὶ τρέχουσι διακεκραγότες.
<aristoph. birds. 307> ἆρ' ἀπειλοῦσίν γε νῷν; οἴμοι, κεχήνασίν γέ τοι
<aristoph. birds. 308> καὶ βλέπουσιν ἐς σὲ κἀμέ.    τοῦτο μὲν κἀμοὶ δοκεῖ.
<aristoph. birds. 310> ποποποποποποποποποποῖ ποῦ μ' ἄρ' ὃς
<aristoph. birds. 311> ἐκάλεσε; τίνα τόπον ἄρα ποτὲ νέμεται;
<aristoph. birds. 312> οὑτοσὶ πάλαι πάρειμι κοὐκ ἀποστατῶ φίλων.
<aristoph. birds. 313> τί τί τί τί τί τί τί τί: τίνα λόγον ἄρα ποτὲ
<aristoph. birds. 315> πρὸς ἐμὲ φίλον ἔχων;
<aristoph. birds. 316> κοινὸν ἀσφαλῆ δίκαιον ἡδὺν ὠφελήσιμον.
<aristoph. birds. 317> ἄνδρε γὰρ λεπτὼ λογιστὰ δεῦρ' ἀφῖχθον ὡς ἐμέ.
<aristoph. birds. 318> ποῦ; πᾷ; πῶς φῄς;
<aristoph. birds. 320> φήμ' ἀπ' ἀνθρώπων ἀφῖχθαι δεῦρο πρεσβύτα δύο:
<aristoph. birds. 321> ἥκετον δ' ἔχοντε πρέμνον πράγματος πελωρίου.
<aristoph. birds. 322> ὦ μέγιστον ἐξαμαρτὼν ἐξ ὅτου 'τράφην ἐγώ,
<aristoph. birds. 323> πῶς λέγεις;   μήπω φοβηθῇς τὸν λόγον.   τί μ' ἠργάσω;
<aristoph. birds. 324> ἄνδρ' ἐδεξάμην ἐραστὰ τῆσδε τῆς ξυνουσίας.
<aristoph. birds. 325> καὶ δέδρακας τοῦτο τοὔργον;   καὶ δεδρακώς γ' ἥδομαι.
<aristoph. birds. 326> κἀστὸν ἤδη που παρ' ἡμῖν;   εἰ παρ' ὑμῖν εἴμ' ἐγώ.
<aristoph. birds. 327> ἔα ἔα,
<aristoph. birds. 328> προδεδόμεθ' ἀνόσιά τ' ἐπάθομεν:
<aristoph. birds. 329> ὃς γὰρ φίλος ἦν ὁμότροφά θ' ἡμῖν
<aristoph. birds. 330> ἐνέμετο πεδία παρ' ἡμῖν,
<aristoph. birds. 331> παρέβη μὲν θεσμοὺς ἀρχαίους,
<aristoph. birds. 332> παρέβη δ' ὅρκους ὀρνίθων:
<aristoph. birds. 333> ἐς δὲ δόλον ἐκάλεσε, παρέβαλέ τ' ἐμὲ παρὰ
<aristoph. birds. 334> γένος ἀνόσιον, ὅπερ ἐξότ' ἐγένετ' ἐπ' ἐμοὶ
<aristoph. birds. 335> πολέμιον ἐτράφη.
<aristoph. birds. 336> ἀλλὰ πρὸς τοῦτον μὲν ἡμῖν ἐστιν ὕστερος λόγος:
<aristoph. birds. 337> τὼ δὲ πρεσβύτα δοκεῖ μοι τώδε δοῦναι τὴν δίκην
<aristoph. birds. 338> διαφορηθῆναί θ' ὑφ' ἡμῶν.  ὡς ἀπωλόμεσθ' ἄρα.
<aristoph. birds. 339> αἴτιος μέντοι σὺ νῷν εἶ τῶν κακῶν τούτων μόνος.
<aristoph. birds. 340> ἐπὶ τί γάρ μ' ἐκεῖθεν ἦγες;  ἵν' ἀκολουθοίης ἐμοί.
<aristoph. birds. 341> ἵνα μὲν οὖν κλάοιμι μεγάλα.  τοῦτο μὲν ληρεῖς ἔχων
<aristoph. birds. 342> κάρτα: πῶς κλαύσει γάρ, ἢν ἅπαξ γε τὠφθαλμὼ 'κκοπῇς;
<aristoph. birds. 343> ἰὼ ἰώ,
<aristoph. birds. 344> ἔπαγ' ἔπιθ' ἐπίφερε πολέμιον
<aristoph. birds. 345> ὁρμὰν φονίαν, πτέρυγά τε παντᾷ
<aristoph. birds. 346> ἐπίβαλε περί τε κύκλωσαι:
<aristoph. birds. 347> ὡς δεῖ τώδ' οἰμώζειν ἄμφω
<aristoph. birds. 348> καὶ δοῦναι ῥύγχει φορβάν.
<aristoph. birds. 349> οὔτε γὰρ ὄρος σκιερὸν οὔτε νέφος αἰθέριον
<aristoph. birds. 350> οὔτε πολιὸν πέλαγος ἔστιν ὅ τι δέξεται
<aristoph. birds. 351> τώδ' ἀποφυγόντε με.
<aristoph. birds. 352> ἀλλὰ μὴ μέλλωμεν ἤδη τώδε τίλλειν καὶ δάκνειν.
<aristoph. birds. 353> ποῦ 'σθ' ὁ ταξίαρχος; ἐπαγέτω τὸ δεξιὸν κέρας.
<aristoph. birds. 354> τοῦτ' ἐκεῖνο: ποῖφύγω δύστηνος;  οὗτος οὐ μενεῖς;
<aristoph. birds. 355> ἵν' ὑπὸ τούτων διαφορηθῶ;  πῶς γὰρ ἂν τούτους δοκεῖς
<aristoph. birds. 356> ἐκφυγεῖν;  οὐκ οἶδ' ὅπως ἄν.  ἀλλ' ἐγώ τοί σοι λέγω,
<aristoph. birds. 357> ὅτι μένοντε δεῖ μάχεσθαι λαμβάνειν τε τῶν χυτρῶν.
<aristoph. birds. 358> τί δὲ χύτρα νώ γ' ὠφελήσει;  γλαῦξ μὲν οὐ πρόσεισι νῷν.
<aristoph. birds. 359> τοῖς δὲ γαμψώνυξι τοισδί;  τὸν ὀβελίσκον ἁρπάσας
<aristoph. birds. 360> εἶτα κατάπηξον πρὸ σαυτοῦ.  τοῖσι δ' ὀφθαλμοῖσι τί;
<aristoph. birds. 361> ὀξύβαφον ἐντευθενὶ προσδοῦ λαβὼν ἢ τρύβλιον.
<aristoph. birds. 362> ὦ σοφώτατ', εὖ γ' ἀνηῦρες αὐτὸ καὶ στρατηγικῶς:
<aristoph. birds. 363> ὑπερακοντίζεις σύ γ' ἤδη Νικίαν ταῖς μηχαναῖς.
<aristoph. birds. 364> ἐλελελεῦ χώρει κάθες τὸ ῥύγχος: οὐ μέλλειν ἐχρῆν.
<aristoph. birds. 365> ἕλκε τίλλε παῖε δεῖρε, κόπτε πρώτην τὴν χύτραν.
<aristoph. birds. 366> εἰπέ μοι τί μέλλετ' ὦ πάντων κάκιστα θηρίων
<aristoph. birds. 367> ἀπολέσαι παθόντες οὐδὲν ἄνδρε καὶ διασπάσαι
<aristoph. birds. 368> τῆς ἐμῆς γυναικὸς ὄντε ξυγγενεῖ καὶ φυλέτα;
<aristoph. birds. 369> φεισόμεσθα γάρ τι τῶνδε μᾶλλον ἡμεῖς ἢ λύκων;
<aristoph. birds. 370> ἢ τίνας τεισαίμεθ' ἄλλους τῶνδ' ἂν ἐχθίους ἔτι;
<aristoph. birds. 371> εἰ δὲ τὴν φύσιν μὲν ἐχθροὶ τὸν δὲ νοῦν εἰσιν φίλοι,
<aristoph. birds. 372> καὶ διδάξοντές τι δεῦρ' ἥκουσιν ὑμᾶς χρήσιμον;
<aristoph. birds. 373> πῶς δ' ἂν οἵδ' ἡμᾶς τι χρήσιμον διδάξειάν ποτε
<aristoph. birds. 374> ἢ φράσειαν, ὄντες ἐχθροὶ τοῖσι πάπποις τοῖς ἐμοῖς;
<aristoph. birds. 375> ἀλλ' ἀπ' ἐχθρῶν δῆτα πολλὰ μανθάνουσιν οἱ σοφοί.
<aristoph. birds. 376> ἡ γὰρ εὐλάβεια σῴζει πάντα. παρὰ μὲν οὖν φίλου
<aristoph. birds. 377> οὐ μάθοις ἂν τοῦθ', ὁ δ' ἐχθρὸς εὐθὺς ἐξηνάγκασεν.
<aristoph. birds. 378> αὐτίχ' αἱ πόλεις παρ' ἀνδρῶν γ' ἔμαθον ἐχθρῶν κοὐ φίλων
<aristoph. birds. 379> ἐκπονεῖν θ' ὑψηλὰ τείχη ναῦς τε κεκτῆσθαι μακράς:
<aristoph. birds. 380> τὸ δὲ μάθημα τοῦτο σῴζει παῖδας οἶκον χρήματα.
<aristoph. birds. 381> ἔστι μὲν λόγων ἀκοῦσαι πρῶτον, ὡς ἡμῖν δοκεῖ,
<aristoph. birds. 382> χρήσιμον: μάθοι γὰρ ἄν τις κἀπὸ τῶν ἐχθρῶν σοφόν.
<aristoph. birds. 383> οἵδε τῆς ὀργῆς χαλᾶν εἴξασιν. ἄναγ' ἐπὶ σκέλος.
<aristoph. birds. 384> καὶ δίκαιόν γ' ἐστὶ κἀμοὶ δεῖ νέμειν ὑμᾶς χάριν.
<aristoph. birds. 385> ἀλλὰ μὴν οὐδ' ἄλλο σοί πω πρᾶγμ' ἐνηντιώμεθα.
<aristoph. birds. 386> μᾶλλον εἰρήνην ἄγουσι νὴ Δί', ὥστε τὴν χύτραν
<aristoph. birds. 387> τώ τε τρυβλίω καθίει:
<aristoph. birds. 388> καὶ τὸ δόρυ χρή, τὸν ὀβελίσκον,
<aristoph. birds. 389> περιπατεῖν ἔχοντας ἡμᾶς
<aristoph. birds. 390> τῶν ὅπλων ἐντός, παρ' αὐτὴν
<aristoph. birds. 391> τὴν χύτραν ἄκραν ὁρῶντας
<aristoph. birds. 392> ἐγγύς: ὡς οὐ φευκτέον νῷν.
<aristoph. birds. 393> ἐτεὸν ἢν δ' ἄρ' ἀποθάνωμεν,
<aristoph. birds. 394> κατορυχθησόμεσθα ποῦ γῆς;
<aristoph. birds. 395> ὁ Κεραμεικὸς δέξεται νώ.
<aristoph. birds. 396> δημοσίᾳ γὰρ ἵνα ταφῶμεν,
<aristoph. birds. 397> φήσομεν πρὸς τοὺς στρατηγοὺς
<aristoph. birds. 398> μαχομένω τοῖς πολεμίοισιν
<aristoph. birds. 399> ἀποθανεῖν ἐν ̓Ορνεαῖς.
<aristoph. birds. 400> ἄναγ' ἐς τάξιν πάλιν ἐς ταὐτόν,
<aristoph. birds. 401> καὶ τὸν θυμὸν κατάθου κύψας
<aristoph. birds. 402> παρὰ τὴν ὀργὴν ὥσπερ ὁπλίτης:
<aristoph. birds. 403> κἀναπυθώμεθα τούσδε τίνες ποτὲ
<aristoph. birds. 404> καὶ πόθεν ἔμολον
<aristoph. birds. 405> † ἐπὶ τίνα τ' ἐπίνοιαν. †
<aristoph. birds. 406> ἰὼ ἔποψ σέ τοι καλῶ.
<aristoph. birds. 407> καλεῖς δὲ τοῦ κλύειν θέλων;
<aristoph. birds. 408> τίνες ποθ' οἵδε καὶ πόθεν;
<aristoph. birds. 409> ξείνω σοφῆς ἀφ' ̔Ελλάδος.
<aristoph. birds. 410> τύχη δὲ ποία κομίζει
<aristoph. birds. 411> ποτ' αὐτὼ πρὸς ὄρνιθας
<aristoph. birds. 412> ἐλθεῖν;   ἔρως
<aristoph. birds. 413> βίου διαίτης τε καὶ
<aristoph. birds. 414> σοῦ ξυνοικεῖν τέ σοι
<aristoph. birds. 415> καὶ ξυνεῖναι τὸ πᾶν.
<aristoph. birds. 416> τί φῄς;
<aristoph. birds. 417> λέγουσι δὴ τίνας λόγους;
<aristoph. birds. 418> ἄπιστα καὶ πέρα κλύειν.
<aristoph. birds. 419> ὁρᾷ τι κέρδος ἐνθάδ' ἄξιον
<aristoph. birds. 420> μονῆς, ὅτῳ πέποιθ'
<aristoph. birds. 421> ἐμοὶ ξυνὼν
<aristoph. birds. 420> κρατεῖν ἂν ἢ τὸν ἐχθρὸν ἢ
<aristoph. birds. 421> φίλοισιν ὠφελεῖν ἔχειν;
<aristoph. birds. 422> λέγει μέγαν τιν' ὄλβον οὔτε
<aristoph. birds. 423> λεκτὸν οὔτε πιστόν: ὡς
<aristoph. birds. 424> σὰ γὰρ τὰ πάντα ταῦτα καὶ
<aristoph. birds. 425> τὸ τῇδε καὶ τὸ κεῖσε καὶ
<aristoph. birds. 426> τὸ δεῦρο προσβιβᾷ λέγων.
<aristoph. birds. 427> πότερα μαινόμενος;
<aristoph. birds. 428> ἄφατον ὡς φρόνιμος.
<aristoph. birds. 429> ἔνι σοφόν τι φρενί;
<aristoph. birds. 430> πυκνότατον κίναδος,
<aristoph. birds. 431> σόφισμα κύρμα τρῖμμα παιπάλημ' ὅλον.
<aristoph. birds. 432> λέγειν λέγειν κέλευέ μοι.
<aristoph. birds. 433> κλύων γὰρ ὧν σύ μοι λέγεις
<aristoph. birds. 434> λόγων ἀνεπτέρωμαι.
<aristoph. birds. 435> ἄγε δὴ σὺ καὶ σὺ τὴν πανοπλίαν μὲν πάλιν
<aristoph. birds. 436> ταύτην λαβόντε κρεμάσατον τύχἀγαθῇ
<aristoph. birds. 437> ἐς τὸν ἰπνὸν εἴσω πλησίον τοὐπιστάτου:
<aristoph. birds. 438> σὺ δὲ τούσδ' ἐφ' οἷσπερ τοῖς λόγοις συνέλεξ' ἐγὼ
<aristoph. birds. 439> φράσον, δίδαξον.   μὰ τὸν ̓Απόλλω 'γὼ μὲν οὔ,
<aristoph. birds. 440> ἢν μὴ διάθωνταί γ' οἵδε διαθήκην ἐμοὶ
<aristoph. birds. 441> ἥνπερ ὁ πίθηκος τῇ γυναικὶ διέθετο,
<aristoph. birds. 442> ὁ μαχαιροποιός, μήτε δάκνειν τούτους ἐμὲ
<aristoph. birds. 443> μήτ' ὀρχίπεδ' ἕλκειν μήτ' ὀρύττειν —   οὔτι που
<aristoph. birds. 444> τόν —; οὐδαμῶς.   οὔκ, ἀλλὰ τὠφθαλμὼ λέγω.
<aristoph. birds. 445> διατίθεμαι 'γώ.   κατόμοσόν νυν ταῦτά μοι.
<aristoph. birds. 445> ὄμνυμ' ἐπὶ τούτοις, πᾶσι νικᾶν τοῖς κριταῖς
<aristoph. birds. 446> καὶ τοῖς θεαταῖς πᾶσιν.   ἔσται ταυταγί.
<aristoph. birds. 447> εἰ δὲ παραβαίην, ἑνὶ κριτῇ νικᾶν μόνον.
<aristoph. birds. 448> ἀκούετε λεῴ: τοὺς ὁπλίτας νυνμενὶ
<aristoph. birds. 449> ἀνελομένους θὤπλ' ἀπιέναι πάλιν οἴκαδε,
<aristoph. birds. 450> σκοπεῖν δ' ὅ τι ἂν προγράφωμεν ἐν τοῖς πινακίοις.
<aristoph. birds. 451> δολερὸν μὲν ἀεὶ κατὰ πάντα δὴ τρόπον
<aristoph. birds. 452> πέφυκεν ἄνθρωπος: σὺ δ' ὅμως λέγε μοι.
<aristoph. birds. 453> τάχα γὰρ τύχοις ἂν
<aristoph. birds. 454> χρηστὸν ἐξειπὼν ὅ τι μοι παρορᾷς, ἢ
<aristoph. birds. 455> δύναμίν τινα μείζω
<aristoph. birds. 456> παραλειπομένην ὑπ' ἐμῆς φρενὸς ἀξυνέτου:
<aristoph. birds. 457> σὺ δὲ τοῦθ' οὑρᾷς λέγ' ἐς κοινόν.
<aristoph. birds. 458> ὃ γὰρ ἂν σὺ τύχῃς μοι
<aristoph. birds. 459> ἀγαθὸν πορίσας, τοῦτο κοινὸν ἔσται.
<aristoph. birds. 460> ἀλλ' ἐφ' ὅτῳπερ πράγματι τὴν σὴν ἥκεις γνώμην ἀναπείσας,
<aristoph. birds. 461> λέγε θαρρήσας: ὡς τὰς σπονδὰς οὐ μὴ πρότεροι παραβῶμεν.
<aristoph. birds. 462> καὶ μὴν ὀργῶ νὴ τὸν Δία καὶ προπεφύραται λόγος εἷς μοι,
<aristoph. birds. 463> ὃν διαμάττειν οὐ κωλύει: φέρε παῖ στέφανον: καταχεῖσθαι
<aristoph. birds. 464> κατὰ χειρὸς ὕδωρ φερέτω ταχύ τις.  δειπνήσειν μέλλομεν; ἢ τί;
<aristoph. birds. 465> μὰ Δί' ἀλλὰ λέγειν ζητῶ τι πάλαι μέγα καὶ λαρινὸν ἔπος τι,
<aristoph. birds. 466> ὅ το τὴν τούτων θραύσει ψυχήν: οὕτως ὑμῶν ὑπεραλγῶ,
<aristoph. birds. 467> οἵτινες ὄντες πρότερον βασιλῆς —  ἡμεῖς βασιλῆς; τίνος;  ὑμεῖς
<aristoph. birds. 468> πάντων ὁπός' ἔστιν, ἐμοῦ πρῶτον, τουδί, καὶ τοῦ Διὸς αὐτοῦ,
<aristoph. birds. 469> ἀρχαιότεροι πρότεροί τε Κρόνου καὶ Τιτάνων ἐγένεσθε,
<aristoph. birds. 470> καὶ γῆς.  καὶ γῆς;  νὴ τὸν ̓Απόλλω.
<aristoph. birds. 470> τουτὶ μὰ Δί' οὐκ ἐπεπύσμην.
<aristoph. birds. 471> ἀμαθὴς γὰρ ἔφυς κοὐ πολυπράγμων, οὐδ' Αἴσωπον πεπάτηκας,
<aristoph. birds. 472> ὃς ἔφασκε λέγων κορυδὸν πάντων πρώτην ὄρνιθα γενέσθαι,
<aristoph. birds. 473> προτέραν τῆς γῆς, κἄπειτα νόσῳ τὸν πατέρ' αὐτῆς ἀποθνῄσκειν:
<aristoph. birds. 474> γῆν δ' οὐκ εἶναι, τὸν δὲ προκεῖσθαι πεμπταῖον: τὴν δ' ἀποροῦσαν
<aristoph. birds. 475> ὑπ' ἀμηχανίας τὸν πατέρ' αὑτῆς ἐν τῇ κεφαλῇ κατορύξαι.
<aristoph. birds. 476> ὁ πατὴρ ἄρα τῆς κορυδοῦ νυνὶ κεῖται τεθνεὼς Κεφαλῆσιν.
<aristoph. birds. 477> οὔκουν δῆτ' εἰ πρότεροι μὲν γῆς πρότεροι δὲ θεῶν ἐγένοντο,
<aristoph. birds. 478> ὡς πρεσβυτάτων αὐτῶν ὄντῶν ὀρθῶς ἐσθ' ἡ βασιλεία;
<aristoph. birds. 479> νὴ τὸν ̓Απόλλω: πάνυ τοίνυν χρὴ ῥύγχος βόσκειν σε τὸ λοιπόν:
<aristoph. birds. 480> οὐκ ἀποδώσει ταχέως ὁ Ζεὺς τὸ σκῆπτρον τῷ δρυκολάπτῃ.
<aristoph. birds. 481> ὡς δ' οὐχὶ θεοὶ τοίνυν ἦρχον τῶν ἀνθρώπων τὸ παλαιόν,
<aristoph. birds. 482> ἀλλ' ὄρνιθες, κἀβασίλευον, πόλλ' ἐστὶ τεκμήρια τούτων.
<aristoph. birds. 483> αὐτίκα δ' ὑμῖν πρῶτ' ἐπιδείξω τὸν ἀλεκτρυόν', ὡς ἐτυράννει
<aristoph. birds. 484> ἦρχέ τε Περσῶν πρῶτον πάντων Δαρείου καὶ Μεγαβάζου,
<aristoph. birds. 485> ὥστε καλεῖται Περσικὸς ὄρνις ἀπὸ τῆς ἀρχῆς ἔτ' ἐκείνης.
<aristoph. birds. 486> διὰ ταῦτ' ἄρ' ἔχων καὶ νῦν ὥσπερ βασιλεὺς ὁ μέγας διαβάσκει
<aristoph. birds. 487> ἐπὶ τῆς κεφαλῆς τὴν κυρβασίαν τῶν ὀρνίθων μόνος ὀρθήν.
<aristoph. birds. 488> οὕτω δ' ἴσχυσέ τε καὶ μέγας ἦν τότε καὶ πολύς, ὥστ' ἔτι καὶ νῦν
<aristoph. birds. 489> ὑπὸ τῆς ῥώμης τῆς τότ' ἐκείνης, ὁπόταν μόνον ὄρθριον ᾄσῃ,
<aristoph. birds. 490> ἀναπηδῶσιν πάντες ἐπ' ἔργον χαλκῆς κεραμῆς σκυλοδέψαι
<aristoph. birds. 491> σκυτῆς βαλανῆς ἀλφιταμοιβοὶ τορνευτολυρασπιδοπηγοί:
<aristoph. birds. 492> οἱ δὲ βαδίζους' ὑποδησάμενοι νύκτωρ.  ἐμὲ τοῦτό γ' ἐρώτα.
<aristoph. birds. 493> χλαῖναν γὰρ ἀπώλες' ὁ μοχθηρὸς Φρυγίων ἐρίων διὰ τοῦτον.
<aristoph. birds. 494> ἐς δεκάτην γάρ ποτε παιδαρίου κληθεὶς ὑπέπινον ἐν ἄστει,
<aristoph. birds. 495> κἄρτι καθηῦδον, καὶ πρὶν δειπνεῖν τοὺς ἄλλους οὗτος ἄρ' ᾖσεν:
<aristoph. birds. 496> κἀγὼ νομίσας ὄρθρον ἐχώρουν ̓Αλιμουντάδε, κἄρτι προκύπτω
<aristoph. birds. 497> ἔξω τείχους καὶ λωποδύτης παίει ῥοπάλῳ με τὸ νῶτον:
<aristoph. birds. 498> κἀγὼ πίπτω μέλλω τε βοᾶν, ὁ δ' ἀπέβλισε θοἰμάτιόν μου.
<aristoph. birds. 499> ἰκτῖνος δ' οὖν τῶν ̔Ελλήνων ἦρχεν τότε κἀβασίλευεν.
<aristoph. birds. 500> τῶν ̔Ελλήνων;  καὶ κατέδειξέν γ' οὗτος πρῶτος βασιλεύων
<aristoph. birds. 501> προκυλινδεῖσθαι τοῖς ἰκτίνοις.  νὴ τὸν Διόνυσον, ἐγὼ γοῦν
<aristoph. birds. 502> ἐκυλινδούμην ἰκτῖνον ἰδών: κᾆθ' ὕπτιος ὢν ἀναχάσκων
<aristoph. birds. 503> ὀβολὸν κατεβρόχθισα: κᾆτα κενὸν τὸν θύλακον οἴκαδ' ἀφεῖλκον.
<aristoph. birds. 504> Αἰγύπτου δ' αὖ καὶ Φοινίκης πάσης κόκκυξ βασιλεὺς ἦν:
<aristoph. birds. 505> χὠπόθ' ὁ κόκκυξ εἴποι “κόκκυ,” τότ' ἂν οἱ Φοίνικες ἅπαντες
<aristoph. birds. 506> τοὺς πυροὺς ἂν καὶ τὰς κριθὰς ἐν τοῖς πεδίοις ἐθέριζον.
<aristoph. birds. 507> τοῦτ' ἄρ' ἐκεῖν' ἦν τοὔπος ἀληθῶς: “κόκκυψωλοὶ πεδίονδε.”
<aristoph. birds. 508> ἦρχον δ' οὕτω σφόδρα τὴν ἀρχήν, ὥστ' εἴ τις καὶ βασιλεύοι
<aristoph. birds. 509> ἐν ταῖς πόλεσιν τῶν ̔Ελλήνων ̓Αγαμέμνων ἢ Μενέλαος,
<aristoph. birds. 510> ἐπὶ τῶν σκήπτρων ἐκάθητ' ὄρνις μετέχων ὅ τι δωροδοκοίη.
<aristoph. birds. 511> τουτὶ τοίνυν οὐκ ᾔδη 'γώ: καὶ δῆτά μ' ἐλάμβανε θαῦμα,
<aristoph. birds. 512> ὁπότ' ἐξέλθοι Πρίαμός τις ἔχων ὄρνιν ἐν τοῖσι τραγῳδοῖς,
<aristoph. birds. 513> ὁ δ' ἄρ' εἱστήκει τὸν Λυσικράτη τηρῶν ὅ τι δωροδοκοίη.
<aristoph. birds. 514> ὃ δὲ δεινότατόν γ' ἐστὶν ἁπάντων, ὁ Ζεὺς γὰρ ὁ νῦν βασιλεύων
<aristoph. birds. 515> αἰετὸν ὄρνιν ἕστηκεν ἔχων ἐπὶ τῆς κεφαλῆς βασιλεὺς ὤν,
<aristoph. birds. 516> ἡ δ' αὖ θυγάτηρ γλαῦχ', ὁ δ' ̓Απόλλων ὥσπερ θεράπων ἱέρακα.
<aristoph. birds. 517> νὴ τὴν Δήμητρ' εὖ ταῦτα λέγεις. τίνος οὕνεκα ταῦτ' ἄρ' ἔχουσιν;
<aristoph. birds. 518> ἵν' ὅταν θύων τις ἔπειτ' αὐτοῖς ἐς τὴν χεῖρ', ὡς νόμος ἐστίν,
<aristoph. birds. 519> τὰ σπλάγχνα διδῷ, τοῦ Διὸς αὐτοὶ πρότεροι τὰ σπλάγχνα λάβωσιν.
<aristoph. birds. 520> ὤμνυ τ' οὐδεὶς τότ' ἂν ἀνθρώπων θεόν, ἀλλ' ὄρνιθας ἅπαντες:
<aristoph. birds. 521> Λάμπων δ' ὄμνυς' ἔτι καὶ νυνὶ τὸν χῆν', ὅταν ἐξαπατᾷ τι.
<aristoph. birds. 522> οὕτως ὑμᾶς πάντες πρότερον μεγάλους ἁγίους τ' ἐνόμιζον,
<aristoph. birds. 523> νῦν δ' ἀνδράποδ' ἠλιθίους Μανᾶς:
<aristoph. birds. 524> ὥσπερ δ' ἤδη τοὺς μαινομένους
<aristoph. birds. 525> βάλλους' ὑμᾶς, κἀν τοῖς ἱεροῖς
<aristoph. birds. 526> πᾶς τις ἐφ' ὑμῖν ὀρνιθευτὴς
<aristoph. birds. 527> ἵστησι βρόχους παγίδας ῥάβδους
<aristoph. birds. 528> ἕρκη νεφέλας δίκτυα πηκτάς:
<aristoph. birds. 529> εἶτα λαβόντες πωλοῦς' ἁθρόους:
<aristoph. birds. 530> οἱ δ' ὠνοῦνται βλιμάζοντες:
<aristoph. birds. 531> κοὐδ' οὖν, εἴπερ ταῦτα δοκεῖ δρᾶν,
<aristoph. birds. 532> ὀπτησάμενοι παρέθενθ' ὑμᾶς,
<aristoph. birds. 533> ἀλλ' ἐπικνῶσιν τυρὸν ἔλαιον
<aristoph. birds. 534> σίλφιον ὄξος καὶ τρίψαντες
<aristoph. birds. 535> κατάχυσμ' ἕτερον γλυκὺ καὶ λιπαρόν,
<aristoph. birds. 536> κἄπειτα κατεσκέδασαν θερμὸν
<aristoph. birds. 537> τοῦτο καθ' ὑμῶν
<aristoph. birds. 538> αὐτῶν ὥσπερ κενεβρείων.
<aristoph. birds. 539> πολὺ δὴ πολὺ δὴ χαλεπωτάτους λόγους
<aristoph. birds. 540> ἤνεγκας ἄνθρωφ'. ὡς ἐδάκρυσά γ' ἐμῶν
<aristoph. birds. 541> πατέρων κάκην, οἳ
<aristoph. birds. 542> τάσδε τὰς τιμὰς προγόνων παραδόντων
<aristoph. birds. 543> ἐπ' ἐμοῦ κατέλυσαν.
<aristoph. birds. 544> σὺ δέ μοι κατὰ δαίμονα καί τινα συντυχίαν
<aristoph. birds. 545> ἀγαθὴν ἥκεις ἐμοὶ σωτήρ.
<aristoph. birds. 546> ἀναθεὶς γὰρ ἐγώ σοι
<aristoph. birds. 547> τὰ νεοττία κἀμαυτὸν οἰκήσω.
<aristoph. birds. 548> ἀλλ' ὅ τι χρὴ δρᾶν, σὺ δίδασκε παρών: ὡς ζῆν οὐκ ἄξιον ἡμῖν,
<aristoph. birds. 549> εἰ μὴ κομιούμεθα παντὶ τρόπῳ τὴν ἡμετέραν βασιλείαν.
<aristoph. birds. 550> καὶ δὴ τοίνυν πρῶτα διδάσκω μίαν ὀρνίθων πόλιν εἶναι,
<aristoph. birds. 551> κἄπειτα τὸν ἀέρα πάντα κύκλῳ καὶ πᾶν τουτὶ τὸ μεταξὺ
<aristoph. birds. 552> περιτειχίζειν μεγάλαις πλίνθοις ὀπταῖς ὥσπερ Βαβυλῶνα.
<aristoph. birds. 553> ὦ Κεβριόνη καὶ Πορφυρίων ὡς σμερδαλέον τὸ πόλισμα.
<aristoph. birds. 554> κἄπειτ' ἢν τοῦτ' ἐπανεστήκῃ, τὴν ἀρχὴν τὸν Δί' ἀπαιτεῖν:
<aristoph. birds. 555> κἂν μὲν μὴ φῇ μηδ' ἐθελήσῃ μηδ' εὐθὺς γνωσιμαχήσῃ,
<aristoph. birds. 556> ἱερὸν πόλεμον πρωὐδᾶν αὐτῷ, καὶ τοῖσι θεοῖσιν ἀπειπεῖν
<aristoph. birds. 557> διὰ τῆς χώρας τῆς ὑμετέρας ἐστυκόσι μὴ διαφοιτᾶν,
<aristoph. birds. 558> ὥσπερ πρότερον μοιχεύσοντες τὰς ̓Αλκμήνας κατέβαινον
<aristoph. birds. 559> καὶ τὰς ̓Αλόπας καὶ τὰς Σεμέλας: ἤνπερ δ' ἐπίως', ἐπιβάλλειν
<aristoph. birds. 560> σφραγῖδ' αὐτοῖς ἐπὶ τὴν ψωλήν, ἵνα μὴ βινῶς' ἔτ' ἐκείνας.
<aristoph. birds. 561> τοῖς δ' ἀνθρώποις ὄρνιν ἕτερον πέμψαι κήρυκα κελεύω,
<aristoph. birds. 562> ὡς ὀρνίθων βασιλευόντων θύειν ὄρνισι τὸ λοιπόν,
<aristoph. birds. 563> κἄπειτα θεοῖς ὕστερον αὖθις: προσνείμασθαι δὲ πρεπόντως
<aristoph. birds. 564> τοῖσι θεοῖσιν τῶν ὀρνίθων ὃς ἂν ἁρμόττῃ καθ' ἕκαστον:
<aristoph. birds. 565> ἢν ̓Αφροδίτῃ θύῃ, πυροὺς ὄρνιθι φαληρίδι θύειν:
<aristoph. birds. 566> ἢν δὲ Ποσειδῶνί τις οἶν θύῃ, νήττῃ πυροὺς καθαγίζειν:
<aristoph. birds. 567> ἢν δ' ̔Ηρακλέει θύῃ τι, λάρῳ ναστοὺς θύειν μελιτοῦντας:
<aristoph. birds. 568> κἂν Διὶ θύῃ βασιλεῖ κριόν, βασιλεύς ἐστ' ὀρχίλος ὄρνις,
<aristoph. birds. 569> ᾧ προτέρῳ δεῖ τοῦ Διὸς αὐτοῦ σέρφον ἐνόρχην σφαγιάζειν.
<aristoph. birds. 570> ἥσθην σέρφῳ σφαγιαζομένῳ. βροντάτω νῦν ὁ μέγας Ζάν.
<aristoph. birds. 571> καὶ πῶς ἡμᾶς νομιοῦσι θεοὺς ἄνθρωποι κοὐχὶ κολοιούς,
<aristoph. birds. 572> οἳ πετόμεσθα πτέρυγάς τ' ἔχομεν;  ληρεῖς: καὶ νὴ Δί' ὅ γ' ̔Ερμῆς
<aristoph. birds. 573> πέτεται θεὸς ὢν πτέρυγάς τε φορεῖ, κἄλλοι γε θεοὶ πάνυ πολλοί.
<aristoph. birds. 574> αὐτίκα Νίκη πέτεται πτερύγοιν χρυσαῖν καὶ νὴ Δί' ̓́Ερως γε:
<aristoph. birds. 575> ̔́Ηρην δέ γ' ̔́Ομηρος ἔφασκ' ἰκέλην εἶναι τρήρωνι πελείῃ.
<aristoph. birds. 576> ὁ Ζεὺς δ' ἡμῖν οὐ βροντήσας πέμψει πτερόεντα κεραυνόν;
<aristoph. birds. 577> ἢν δ' οὖν ὑμᾶς μὲν ὑπ' ἀγνοίας εἶναι νομίσωσι τὸ μηδέν,
<aristoph. birds. 578> τούτους δὲ θεοὺς τοὺς ἐν ̓Ολύμπῳ τότε χρὴ στρούθων νέφος ἀρθὲν
<aristoph. birds. 579> καὶ σπερμολόγων ἐκ τῶν ἀγρῶν τὸ σπέρμ' αὐτῶν ἀνακάψαι:
<aristoph. birds. 580> κἄπειτ' αὐτοῖς ἡ Δημήτηρ πυροὺς πεινῶσι μετρείτω.
<aristoph. birds. 581> οὐκ ἐθελήσει μὰ Δί', ἀλλ' ὄψει προφάσεις αὐτὴν παρέχουσαν.
<aristoph. birds. 582> οἱ δ' αὖ κόρακες τῶν ζευγαρίων, οἷσιν τὴν γῆν καταροῦσιν,
<aristoph. birds. 583> καὶ τῶν προβάτων τοὺς ὀφθαλμοὺς ἐκκοψάντων ἐπὶ πείρᾳ:
<aristoph. birds. 584> εἶθ' ὅ γ' ̓Απόλλων ἰατρός γ' ὢν ἰάσθω: μισθοφορεῖ δέ.
<aristoph. birds. 585> μὴ πρίν γ' ἂν ἐγὼ τὼ βοιδαρίω τὠμὼ πρώτιστ' ἀποδῶμαι.
<aristoph. birds. 586> ἢν δ' ἡγῶνται σὲ θεὸν σὲ βίον σὲ δὲ γῆν σὲ Κρόνον σὲ Ποσειδῶ,
<aristoph. birds. 587> ἀγάθ' αὐτοῖσιν πάντα παρέσται.  λέγε δή μοι τῶν ἀγαθῶν ἕν.
<aristoph. birds. 588> πρῶτα μὲν αὐτῶν τὰς οἰνάνθας οἱ πάρνοπες οὐ κατέδονται,
<aristoph. birds. 589> ἀλλὰ γλαυκῶν λόχος εἷς αὐτοὺς καὶ κερχνῄδων ἐπιτρίψει.
<aristoph. birds. 590> εἶθ' οἱ κνῖπες καὶ ψῆνες ἀεὶ τὰς συκᾶς οὐ κατέδονται,
<aristoph. birds. 591> ἀλλ' ἀναλέξει πάντας καθαρῶς αὐτοὺς ἀγέλη μία κιχλῶν.
<aristoph. birds. 592> πλουτεῖν δὲ πόθεν δώσομεν αὐτοῖς; καὶ γὰρ τούτου σφόδρ' ἐρῶσιν.
<aristoph. birds. 593> τὰ μέταλλ' αὐτοῖς μαντευομένοις οὗτοι δώσουσι τὰ χρηστά,
<aristoph. birds. 594> τάς τ' ἐμπορίας τὰς κερδαλέας πρὸς τὸν μάντιν κατεροῦσιν,
<aristoph. birds. 595> ὥστ' ἀπολεῖται τῶν ναυκλήρων οὐδείς.  πῶς οὐκ ἀπολεῖται;
<aristoph. birds. 596> προερεῖ τις ἀεὶ τῶν ὀρνίθων μαντευομένῳ περὶ τοῦ πλοῦ:
<aristoph. birds. 597> “νυνὶ μὴ πλεῖ, χειμὼν ἔσται:” “νυνὶ πλεῖ, κέρδος ἐπέσται.”
<aristoph. birds. 598> γαῦλον κτῶμαι καὶ ναυκληρῶ, κοὐκ ἂν μείναιμι παρ' ὑμῖν.
<aristoph. birds. 599> τοὺς θησαυρούς τ' αὐτοῖς δείξους' οὓς οἱ πρότεροι κατέθεντο
<aristoph. birds. 600> τῶν ἀργυρίων: οὗτοι γὰρ ἴσασι: λέγουσι δέ τοι τάδε πάντες,
<aristoph. birds. 601> “οὐδεὶς οἶδεν τὸν θησαυρὸν τὸν ἐμὸν πλὴν εἴ τις ἄρ' ὄρνις.”
<aristoph. birds. 602> πωλῶ γαῦλον, κτῶμαι σμινύην, καὶ τὰς ὑδρίας ἀνορύττω.
<aristoph. birds. 603> πῶς δ' ὑγιείαν δώσους' αὐτοῖς, οὖσαν παρὰ τοῖσι θεοῖσιν;
<aristoph. birds. 604> ἢν εὖ πράττως', οὐχ ὑγιεία μεγάλη τοῦτ' ἐστί; σάφ' ἴσθι,
<aristoph. birds. 605> ὡς ἄνθρωπός γε κακῶς πράττων ἀτεχνῶς οὐδεὶς ὑγιαίνει.
<aristoph. birds. 606> πῶς δ' ἐς γῆράς ποτ' ἀφίξονται; καὶ γὰρ τοῦτ' ἔστ' ἐν ̓Ολύμπῳ:
<aristoph. birds. 607> ἢ παιδάρι' ὄντ' ἀποθνῄσκειν δεῖ;  μὰ Δί' ἀλλὰ τριακόσι' αὐτοῖς
<aristoph. birds. 608> ἔτι προσθήσους' ὄρνιθες ἔτη.  παρὰ τοῦ;  παρ' ὅτου; παρ' ἑαυτῶν.
<aristoph. birds. 609> οὐκ οἶσθ' ὅτι πέντ' ἀνδρῶν γενεὰς ζώει λακέρυζα κορώνη;
<aristoph. birds. 610> αἰβοῖ πολλῷ κρείττους οὗτοι τοῦ Διὸς ἡμῖν βασιλεύειν.
<aristoph. birds. 611> οὐ γὰρ πολλῷ;
<aristoph. birds. 612> πρῶτον μέν γ' οὐχὶ νεὼς ἡμᾶς
<aristoph. birds. 613> οἰκοδομεῖν δεῖ λιθίνους αὐτοῖς,
<aristoph. birds. 614> οὐδὲ θυρῶσαι χρυσαῖσι θύραις,
<aristoph. birds. 615> ἀλλ' ὑπὸ θάμνοις καὶ πρινιδίοις
<aristoph. birds. 616> οἰκήσουσιν. τοῖς δ' αὖ σεμνοῖς
<aristoph. birds. 617> τῶν ὀρνίθων δένδρον ἐλάας
<aristoph. birds. 618> ὁ νεὼς ἔσται: κοὐκ ἐς Δελφοὺς
<aristoph. birds. 619> οὐδ' εἰς ̓́Αμμων' ἐλθόντες ἐκεῖ
<aristoph. birds. 620> θύσομεν, ἀλλ' ἐν ταῖσιν κομάροις
<aristoph. birds. 621> καὶ τοῖς κοτίνοις στάντες ἔχοντες
<aristoph. birds. 622> κριθὰς πυροὺς εὐξόμεθ' αὐτοῖς
<aristoph. birds. 623> ἀνατείνοντες τὼ χεῖρ' ἀγαθῶν
<aristoph. birds. 624> διδόναι τι μέρος: καὶ ταῦθ' ἡμῖν
<aristoph. birds. 625> παραχρῆμ' ἔσται
<aristoph. birds. 626> πυροὺς ὀλίγους προβαλοῦσιν.
<aristoph. birds. 627> ὦ φίλτατ' ἐμοὶ πολὺ πρεσβυτῶν ἐξ ἐχθίστου μεταπίπτων,
<aristoph. birds. 628> οὐκ ἔστιν ὅπως ἂν ἐγώ ποθ' ἑκὼν τῆς σῆς γνώμης ἔτ' ἀφείμην.
<aristoph. birds. 629> ἐπαυχήσας δὲ τοῖσι σοῖς λόγοις
<aristoph. birds. 630> ἐπηπείλησα καὶ κατώμοσα,
<aristoph. birds. 631> ἢν σὺ παρ' ἐμὲ θέμενος
<aristoph. birds. 632> ὁμόφρονας λόγους δικαίους
<aristoph. birds. 633> ἀδόλους ὁσίους
<aristoph. birds. 634> ἐπὶ θεοὺς ἴῃς, ἐμοὶ
<aristoph. birds. 635> φρονῶν ξυνῳδά, μὴ πολὺν χρόνον
<aristoph. birds. 636> θεοὺς ἔτι σκῆπτρα τἀμὰ τρίψειν.
<aristoph. birds. 637> ἀλλ' ὅσα μὲν δεῖ ῥώμῃ πράττειν, ἐπὶ ταῦτα τεταξόμεθ' ἡμεῖς:
<aristoph. birds. 638> ὅσα δὲ γνώμῃ δεῖ βουλεύειν, ἐπὶ σοὶ τάδε πάντ' ἀνάκειται.
<aristoph. birds. 639> καὶ μὴν μὰ τὸν Δί' οὐχὶ νυστάζειν ἔτι
<aristoph. birds. 640> ὥρα 'στὶν ἡμῖν οὐδὲ μελλονικιᾶν,
<aristoph. birds. 641> ἀλλ' ὡς τάχιστα δεῖ τι δρᾶν: πρῶτον δέ γε
<aristoph. birds. 642> εἰσέλθετ' ἐς νεοττιάν γε τὴν ἐμὴν
<aristoph. birds. 643> καὶ τἀμὰ κάρφη καὶ τὰ παρόντα φρύγανα,
<aristoph. birds. 644> καὶ τοὔνομ' ἡμῖν φράσατον.   ἀλλὰ ῥᾴδιον.
<aristoph. birds. 645> ἐμοὶ μὲν ὄνομα Πισθέταιρος, τῳδεδὶ
<aristoph. birds. 645> Εὐελπίδης Κριῶθεν.   ἀλλὰ χαίρετον
<aristoph. birds. 646> ἄμφω.   δεχόμεθα.   δεῦρο τοίνυν εἴσιτον.
<aristoph. birds. 647> ἴωμεν: εἰσηγοῦ σὺ λαβὼν ἡμᾶς.   ἴθι.
<aristoph. birds. 648> ἀτὰρ τὸ δεῖνα, δεῦρ' ἐπανάκρουσαι πάλιν.
<aristoph. birds. 649> φέρ' ἴδω, φράσον νῷν, πῶς ἐγώ τε χοὐτοσὶ
<aristoph. birds. 650> ξυνεσόμεθ' ὑμῖν πετομένοις οὐ πετομένω;
<aristoph. birds. 651> καλῶς.   ὅρα νυν, ὡς ἐν Αἰσώπου λόγοις
<aristoph. birds. 652> ἐστὶν λεγόμενον δή τι, τὴν ἀλώπεχ', ὡς
<aristoph. birds. 653> φλαύρως ἐκοινώνησεν αἰετῷ ποτέ.
<aristoph. birds. 654> μηδὲν φοβηθῇς: ἔστι γάρ τι ῥιζίον,
<aristoph. birds. 655> ὃ διατραγόντ' ἔσεσθον ἐπτερωμένω.
<aristoph. birds. 656> οὕτω μὲν εἰσίωμεν. ἄγε δὴ Ξανθία
<aristoph. birds. 657> καὶ Μανόδωρε λαμβάνετε τὰ στρώματα.
<aristoph. birds. 658> οὗτος σὲ καλῶ, σὲ λέγω.    τί καλεῖς;    τούτους μὲν ἄγων μετὰ σαυτοῦ
<aristoph. birds. 659> ἀρίστισον εὖ: τὴν δ' ἡδυμελῆ ξύμφωνον ἀηδόνα Μούσαις
<aristoph. birds. 660> κατάλειφ' ἡμῖν δεῦρ' ἐκβιβάσας, ἵνα παίσωμεν μετ' ἐκείνης.
<aristoph. birds. 661> ὦ τοῦτο μεντοι νὴ Δί' αὐτοῖσιν πιθοῦ:
<aristoph. birds. 662> ἐκβίβασον ἐκ τοῦ βουτόμου τοὐρνίθιον.
<aristoph. birds. 663> ἐκβίβασον αὐτοῦ πρὸς θεῶν αὐτήν, ἵνα
<aristoph. birds. 664> καὶ νὼ θεασώμεσθα τὴν ἀηδόνα.
<aristoph. birds. 665> ἀλλ' εἰ δοκεῖ σφῷν, ταῦτα χρὴ δρᾶν. ἡ Πρόκνη
<aristoph. birds. 666> ἔκβαινε καὶ σαυτὴν ἐπιδείκνυ τοῖς ξένοις.
<aristoph. birds. 667> ὦ Ζεῦ πολυτίμηθ' ὡς καλὸν τοὐρνίθιον,
<aristoph. birds. 668> ὡς δ' ἁπαλόν, ὡς δὲ λευκόν.   ἆρά γ' οἶσθ' ὅτι
<aristoph. birds. 669> ἐγὼ διαμηρίζοιμ' ἂν αὐτὴν ἡδέως;
<aristoph. birds. 670> ὅσον δ' ἔχει τὸν χρυσόν, ὥσπερ παρθένος.
<aristoph. birds. 671> ἐγὼ μὲν αὐτὴν κἂν φιλῆσαί μοι δοκῶ.
<aristoph. birds. 672> ἀλλ' ὦ κακόδαιμον ῥύγχος ὀβελίσκοιν ἔχει.
<aristoph. birds. 673> ἀλλ' ὥσπερ ᾠὸν νὴ Δί' ἀπολέψαντα χρὴ
<aristoph. birds. 674> ἀπὸ τῆς κεφαλῆς τὸ λέμμα κᾆθ' οὕτω φιλεῖν.
<aristoph. birds. 675> ἴωμεν.   ἡγοῦ δὴ σὺ νῷν τύχἀγαθῇ.
<aristoph. birds. 676> ὦ φίλη, ὦ ξουθή,
<aristoph. birds. 677> ὦ φίλτατον ὀρνέων
<aristoph. birds. 678> πάντων, ξύννομε τῶν ἐμῶν
<aristoph. birds. 679> ὕμνων, ξύντροφ' ἀηδοῖ,
<aristoph. birds. 680> ἦλθες ἦλθες ὤφθης,
<aristoph. birds. 681> ἡδὺν φθόγγον ἐμοὶ φέρους'.
<aristoph. birds. 682> ἀλλ' ὦ καλλιβόαν κρέκους'
<aristoph. birds. 683> αὐλὸν φθέγμασιν ἠρινοῖς,
<aristoph. birds. 684> ἄρχου τῶν ἀναπαίστων.
<aristoph. birds. 685> ἄγε δὴ φύσιν ἄνδρες ἀμαυρόβιοι, φύλλων γενεᾷ προσόμοιοι,
<aristoph. birds. 686> ὀλιγοδρανέες, πλάσματα πηλοῦ, σκιοειδέα φῦλ' ἀμενηνά,
<aristoph. birds. 687> ἀπτῆνες ἐφημέριοι ταλαοὶ βροτοὶ ἀνέρες εἰκελόνειροι,
<aristoph. birds. 688> προσέχετε τὸν νοῦν τοῖς ἀθανάτοις ἡμῖν τοῖς αἰὲν ἐοῦσιν,
<aristoph. birds. 689> τοῖς αἰθερίοις τοῖσιν ἀγήρῳς τοῖς ἄφθιτα μηδομένοισιν,
<aristoph. birds. 690> ἵν' ἀκούσαντες πάντα παρ' ἡμῶν ὀρθῶς περὶ τῶν μετεώρων.
<aristoph. birds. 691> φύσιν οἰωνῶν γένεσίν τε θεῶν ποταμῶν τ' ̓Ερέβους τε Χάους τε
<aristoph. birds. 692> εἰδότες ὀρθῶς, Προδίκῳ παρ' ἐμοῦ κλάειν εἴπητε τὸ λοιπόν.
<aristoph. birds. 693> Χάος ἦν καὶ Νὺξ ̓́Ερεβός τε μέλαν πρῶτον καὶ Τάρταρος εὐρύς,
<aristoph. birds. 694> γῆ δ' οὐδ' ἀὴρ οὐδ' οὐρανὸς ἦν: ̓Ερέβους δ' ἐν ἀπείροσι κόλποις
<aristoph. birds. 695> τίκτει πρώτιστον ὑπηνέμιον Νὺξ ἡ μελανόπτερος ᾠόν,
<aristoph. birds. 696> ἐξ οὖ περιτελλομέναις ὥραις ἔβλαστεν ̓́Ερως ὁ ποθεινός,
<aristoph. birds. 697> στίλβων νῶτον πτερύγοιν χρυσαῖν, εἰκὼς ἀνεμώκεσι δίναις.
<aristoph. birds. 698> οὗτος δὲ Χάει πτερόεντι μιγεὶς νυχίῳ κατὰ Τάρταρον εὐρὺν
<aristoph. birds. 699> ἐνεόττευσεν γένος ἡμέτερον, καὶ πρῶτον ἀνήγαγεν ἐς φῶς.
<aristoph. birds. 700> πρότερον δ' οὐκ ἦν γένος ἀθανάτων, πρὶν ̓́Ερως ξυνέμειξεν ἅπαντα:
<aristoph. birds. 701> ξυμμιγνυμένων δ' ἑτέρων ἑτέροις γένετ' οὐρανὸς ὠκεανός τε
<aristoph. birds. 702> καὶ γῆ πάντων τε θεῶν μακάρων γένος ἄφθιτον. ὦδε μέν ἐσμεν
<aristoph. birds. 703> πολὺ πρεσβύτατοι πάντων μακάρων. ἡμεῖς δ' ὡς ἐσμὲν ̓́Ερωτος
<aristoph. birds. 704> πολλοῖς δῆλον: πετόμεσθά τε γὰρ καὶ τοῖσιν ἐρῶσι σύνεσμεν:
<aristoph. birds. 705> πολλοὺς δὲ καλοὺς ἀπομωμοκότας παῖδας πρὸς τέρμασιν ὥρας
<aristoph. birds. 706> διὰ τὴν ἰσχὺν τὴν ἡμετέραν διεμήρισαν ἄνδρες ἐρασταί,
<aristoph. birds. 707> ὁ μὲν ὄρτυγα δοὺς ὁ δὲ πορφυρίων' ὁ δὲ χῆν' ὁ δὲ Περσικὸν ὄρνιν.
<aristoph. birds. 708> πάντα δὲ θνητοῖς ἐστὶν ἀφ' ἡμῶν τῶν ὀρνίθων τὰ μέγιστα.
<aristoph. birds. 709> πρῶτα μὲν ὥρας φαίνομεν ἡμεῖς ἦρος χειμῶνος ὀπώρας:
<aristoph. birds. 710> σπείρειν μέν, ὅταν γέρανος κρώζους' ἐς τὴν Λιβύην μεταχωρῇ.
<aristoph. birds. 711> καὶ πηδάλιον τότε ναυκλήρῳ φράζει κρεμάσαντι καθεύδειν,
<aristoph. birds. 712> εἶτα δ' ̓Ορέστῃ χλαῖναν ὑφαίνειν, ἵνα μὴ ῥιγῶν ἀποδύῃ.
<aristoph. birds. 713> ἰκτῖνος δ' αὖ μετὰ ταῦτα φανεὶς ἑτέραν ὥραν ἀποφαίνει,
<aristoph. birds. 714> ἡνίκα πεκτεῖν ὥρα προβάτων πόκον ἠρινόν: εἶτα χελιδών,
<aristoph. birds. 715> ὅτε χρὴ χλαῖναν πωλεῖν ἤδη καὶ ληδάριόν τι πρίασθαι.
<aristoph. birds. 716> ἐσμὲν δ' ὑμῖν ̓́Αμμων Δελφοὶ Δωδώνη Φοῖβος ̓Απόλλων.
<aristoph. birds. 717> ἐλθόντες γὰρ πρῶτον ἐπ' ὄρνις οὕτω πρὸς ἅπαντα τρέπεσθε,
<aristoph. birds. 718> πρός τ' ἐμπορίαν, καὶ πρὸς βιότου κτῆσιν, καὶ πρὸς γάμον ἀνδρός.
<aristoph. birds. 719> ὄρνιν τε νομίζετε πάνθ' ὅσαπερ περὶ μαντείας διακρίνει:
<aristoph. birds. 720> φήμη γ' ὑμῖν ὄρνις ἐστί, πταρμόν τ' ὄρνιθα καλεῖτε,
<aristoph. birds. 721> ξύμβολον ὄρνιν, φωνὴν ὄρνιν, θεράποντ' ὄρνιν, ὄνον ὄρνιν.
<aristoph. birds. 722> ἆρ' οὐ φανερῶς ἡμεῖς ὑμῖν ἐσμὲν μαντεῖος ̓Απόλλων;
<aristoph. birds. 723> ἢν οὖν ἡμᾶς νομίσητε θεούς,
<aristoph. birds. 724> ἕξετε χρῆσθαι μάντεσι Μούσαις
<aristoph. birds. 725> αὔραις ὥραις χειμῶνι θέρει
<aristoph. birds. 726> μετρίῳ πνίγει: κοὐκ ἀποδράντες
<aristoph. birds. 727> καθεδούμεθ' ἄνω σεμνυνόμενοι
<aristoph. birds. 728> παρὰ ταῖς νεφέλαις ὥσπερ χὠ Ζεύς:
<aristoph. birds. 729> ἀλλὰ παρόντες δώσομεν ὑμῖν
<aristoph. birds. 730> αὐτοῖς, παισίν, παίδων παισίν,
<aristoph. birds. 731> πλουθυγιείαν
<aristoph. birds. 732> εὐδαιμονίαν βίον εἰρήνην
<aristoph. birds. 733> νεότητα γέλωτα χοροὺς θαλίας
<aristoph. birds. 734> γάλα τ' ὀρνίθων. ὥστε παρέσται
<aristoph. birds. 735> κοπιᾶν ὑμῖν ὑπὸ τῶν ἀγαθῶν:
<aristoph. birds. 736> οὕτω πλουτήσετε πάντες.
<aristoph. birds. 737> Μοῦσα λοχμαία,
<aristoph. birds. 738> τιὸ τιὸ τιὸ τιὸ τιὸ τιὸ τιοτίγξ,
<aristoph. birds. 739> ποικίλη, μεθ' ἧς ἐγὼ
<aristoph. birds. 740> νάπαισι καὶ κορυφαῖς ἐν ὀρείαις,
<aristoph. birds. 741> τιὸ τιὸ τιὸ τιοτίγξ,
<aristoph. birds. 742> ἱζόμενος μελίας ἐπὶ φυλλοκόμου,
<aristoph. birds. 743> τιὸ τιὸ τιὸ τιοτίγξ,
<aristoph. birds. 744> δι' ἐμῆς γένυος ξουθῆς μελέων
<aristoph. birds. 745> Πανὶ νόμους ἱεροὺς ἀναφαίνω
<aristoph. birds. 746> σεμνά τε μητρὶ χορεύματ' ὀρείᾳ,
<aristoph. birds. 747> τοτοτοτοτοτοτοτοτοτίγξ,
<aristoph. birds. 748> ἔνθεν ὡστερεὶ μέλιττα
<aristoph. birds. 749> Φρύνιχος ἀμβροσίων μελέων ἀπεβόσκετο καρπὸν ἀεὶ
<aristoph. birds. 750> φέρων γλυκεῖαν ᾠδάν.
<aristoph. birds. 751> τιὸ τιὸ τιὸ τιοτίγξ.
<aristoph. birds. 752> εἰ μετ' ὀρνίθων τις ὑμῶν ὦ θεαταὶ βούλεται
<aristoph. birds. 753> διαπλέκειν ζῶν ἡδέως τὸ λοιπόν, ὡς ἡμᾶς ἴτω.
<aristoph. birds. 755> ὅσα γάρ ἐστιν ἐνθάδ' αἰσχρὰ τῷ νόμῳ κρατούμενα,
<aristoph. birds. 756> ταῦτα πάντ' ἐστὶν παρ' ἡμῖν τοῖσιν ὄρνισιν καλά.
<aristoph. birds. 757> εἰ γὰρ ἐνθάδ' ἐστὶν αἰσχρὸν τὸν πατέρα τύπτειν νόμῳ,
<aristoph. birds. 758> τοῦτ' ἐκεῖ καλὸν παρ' ἡμῖν ἐστιν, ἤν τις τῷ πατρὶ
<aristoph. birds. 759> προσδραμὼν εἴπῃ πατάξας, “αἶρε πλῆκτρον, εἰ μαχεῖ.”
<aristoph. birds. 760> εἰ δὲ τυγχάνει τις ὑμῶν δραπέτης ἐστιγμένος,
<aristoph. birds. 761> ἀτταγᾶς οὗτος παρ' ἡμῖν ποικίλος κεκλήσεται.
<aristoph. birds. 762> εἰ δὲ τυγχάνει τις ὢν Φρὺξ μηδὲν ἦττον Σπινθάρου,
<aristoph. birds. 763> φρυγίλος ὄρνις ἐνθάδ' ἔσται, τοῦ Φιλήμονος γένους.
<aristoph. birds. 764> εἰ δὲ δοῦλός ἐστι καὶ Κὰρ ὥσπερ ̓Εξηκεστίδης,
<aristoph. birds. 765> φυσάτω πάππους παρ' ἡμῖν, καὶ φανοῦνται φράτερες.
<aristoph. birds. 766> εἰ δ' ὁ Πεισίου προδοῦναι τοῖς ἀτίμοις τὰς πύλας
<aristoph. birds. 767> βούλεται, πέρδιξ γενέσθω, τοῦ πατρὸς νεοττίον:
<aristoph. birds. 768> ὡς παρ' ἡμῖν οὐδὲν αἰσχρόν ἐστιν ἐκπερδικίσαι.
<aristoph. birds. 769> τοιάδε κύκνοι,
<aristoph. birds. 770> τιὸ τιὸ τιὰ τιὸ τιὸ τιοτίγξ,
<aristoph. birds. 771> συμμιγῆ βοὴν ὁμοῦ
<aristoph. birds. 772> πτεροῖς κρέκοντες ἴακχον ̓Απόλλω,
<aristoph. birds. 773> τιὸ τιὸ τιὸ τιοτίγξ,
<aristoph. birds. 774> ὄχθῳ ἐφεζόμενοι παρ' ̔́Εβρον ποταμόν,
<aristoph. birds. 775> τιὸ τιὸ τιὸ τιοτίγξ,
<aristoph. birds. 776> διὰ δ' αἰθέριον νέφος ἦλθε βοά:
<aristoph. birds. 777> πτῆξε δὲ φῦλά τε ποικίλα θηρῶν,
<aristoph. birds. 778> κύματά τ' ἔσβεσε νήνεμος αἴθρη,
<aristoph. birds. 779> τοτοτοτοτοτοτοτοτοτίγξ:
<aristoph. birds. 780> πᾶς δ' ἐπεκτύπης' ̓́Ολυμπος:
<aristoph. birds. 781> εἷλε δὲ θάμβος ἄνακτας: ̓Ολυμπιάδες δὲ μέλος Χάριτες
<aristoph. birds. 782> Μοῦσαί τ' ἐπωλόλυξαν.
<aristoph. birds. 783> τιὸ τιὸ τιὸ τιοτίγξ.
<aristoph. birds. 785> οὐδέν ἐστ' ἄμεινον οὐδ' ἥδιον ἢ φῦσαι πτερά.
<aristoph. birds. 786> αὐτίχ' ὑμῶν τῶν θεατῶν εἴ τις ἧν ὑπόπτερος,
<aristoph. birds. 787> εἶτα πεινῶν τοῖς χοροῖσι τῶν τραγῳδῶν ἤχθετο,
<aristoph. birds. 788> ἐκπτόμενος ἂν οὗτος ἠρίστησεν ἐλθὼν οἴκαδε,
<aristoph. birds. 789> κᾆτ' ἂν ἐμπλησθεὶς ἐφ' ἡμᾶς αὖθις αὖ κατέπτετο.
<aristoph. birds. 790> εἴ τε Πατροκλείδης τις ὑμῶν τυγχάνει χεζητιῶν,
<aristoph. birds. 791> οὐκ ἂν ἐξίδισεν ἐς θοἰμάτιον, ἀλλ' ἀνέπτετο,
<aristoph. birds. 792> κἀποπαρδὼν κἀναπνεύσας αὖθις αὖ κατέπτετο:
<aristoph. birds. 793> εἴ τε μοιχεύων τις ὑμῶν ἐστιν ὅστις τυγχάνει,
<aristoph. birds. 794> κᾆθ' ὁρᾷ τὸν ἄνδρα τῆς γυναικὸς ἐν βουλευτικῷ,
<aristoph. birds. 795> οὗτος ἂν πάλιν παρ' ὑμῶν πτερυγίσας ἀνέπτετο,
<aristoph. birds. 796> εἶτα βινήσας ἐκεῖθεν αὖθις αὖ κατέπτετο.
<aristoph. birds. 797> ἆρ' ὑπόπτερον γενέσθαι παντός ἐστιν ἄξιον;
<aristoph. birds. 798> ὡς Διειτρέφης γε πυτιναῖα μόνον ἔχων πτερὰ
<aristoph. birds. 799> ᾑρέθη φύλαρχος, εἶθ' ἵππαρχος, εἶτ' ἐξ οὐδενὸς
<aristoph. birds. 800> μεγάλα πράττει κἀστὶ νυνὶ ξουθὸς ἱππαλεκτρυών.
<aristoph. birds. 801> ταυτὶ τοιαυτί: μὰ Δί' ἐγὼ μὲν πρᾶγμά πω
<aristoph. birds. 802> γελοιότερον οὐκ εἶδον οὐδεπώποτε.
<aristoph. birds. 803> ἐπὶ τῷ γελᾷς;   ἐπὶ τοῖσι σοῖς ὠκυπτέροις.
<aristoph. birds. 804> οἶσθ' ᾧ μάλιστ' ἔοικας ἐπτερωμένος;
<aristoph. birds. 805> εἰς εὐτέλειαν χηνὶ συγγεγραμμένῳ.
<aristoph. birds. 806> σὺ δὲ κοψίχῳ γε σκάφιον ἀποτετιλμένῳ.
<aristoph. birds. 807> ταυτὶ μὲν ᾐκάσμεσθα κατὰ τὸν Αἰσχύλον:
<aristoph. birds. 808> τάδ' οὐχ ὑπ' ἄλλων ἀλλὰ τοῖς αὑτῶν πτεροῖς.
<aristoph. birds. 809> ἄγε δὴ τί χρὴ δρᾶν;   πρῶτον ὄνομα τῇ πόλει
<aristoph. birds. 810> θέσθαι τι μέγα καὶ κλεινόν, εἶτα τοῖς θεοῖς
<aristoph. birds. 811> θῦσαι μετὰ τοῦτο.   ταῦτα κἀμοὶ συνδοκεῖ.
<aristoph. birds. 812> φέρ' ἴδω, τί δ' ἡμῖν τοὔνομ' ἔσται τῇ πόλει;
<aristoph. birds. 813> βούλεσθε τὸ μέγα τοῦτο τοὐκ Λακεδαίμονος
<aristoph. birds. 814> Σπάρτην ὄνομα καλῶμεν αὐτήν;   ̔Ηράκλεις:
<aristoph. birds. 815> Σπάρτην γὰρ ἂν θείμην ἐγὼ τἠμῇ πόλει;
<aristoph. birds. 816> οὐδ' ἂν χαμεύνῃ πάνυ γε κειρίαν γ' ἔχων.
<aristoph. birds. 817> τί δῆτ' ὄνομ' αὐτῇ θησόμεσθ';   ἐντευθενὶ
<aristoph. birds. 818> ἐκ τῶν νεφελῶν καὶ τῶν μετεώρων χωρίων
<aristoph. birds. 819> χαῦνόν τι πάνυ.   βούλει Νεφελοκοκκυγίαν;
<aristoph. birds. 820> ἰοὺ ἰού:
<aristoph. birds. 820> καλόν γ' ἀτεχνῶς σὺ καὶ μέγ' ηὗρες τοὔνομα.
<aristoph. birds. 821> ἆρ' ἐστὶν αὑτηγὶ Νεφελοκοκκυγία,
<aristoph. birds. 822> ἵνα καὶ τὰ Θεογένους τὰ πολλὰ χρήματα
<aristoph. birds. 823> τά τ' Αἰσχίνου γ' ἅπαντα;   καὶ λῷστον μὲν οὖν
<aristoph. birds. 824> τὸ Φλέγρας πεδίον, ἵν' οἱ θεοὶ τοὺς γηγενεῖς
<aristoph. birds. 825> ἀλαζονευόμενοι καθυπερηκόντισαν.
<aristoph. birds. 826> λιπαρὸν τὸ χρῆμα τῆς πόλεως. τίς δαὶ θεὸς
<aristoph. birds. 827> πολιοῦχος ἔσται; τῷ ξανοῦμεν τὸν πέπλον;
<aristoph. birds. 828> τί δ' οὐκ ̓Αθηναίαν ἐῶμεν Πολιάδα;
<aristoph. birds. 829> καὶ πῶς ἂν ἔτι γένοιτ' ἂν εὔτακτος πόλις,
<aristoph. birds. 830> ὅπου θεὸς γυνὴ γεγονυῖα πανοπλίαν
<aristoph. birds. 831> ἕστηκ' ἔχουσα, Κλεισθένης δὲ κερκίδα;
<aristoph. birds. 832> τίς δαὶ καθέξει τῆς πόλεως τὸ Πελαργικόν;
<aristoph. birds. 833> ὄρνις ἀφ' ἡμῶν τοῦ γένους τοῦ Περσικοῦ,
<aristoph. birds. 834> ὅσπερ λέγεται δεινότατος εἶναι πανταχοῦ
<aristoph. birds. 835> ̓́Αρεως νεοττός.   ὦ νεοττὲ δέσποτα:
<aristoph. birds. 836> ὡς δ' ὁ θεὸς ἐπιτήδειος οἰκεῖν ἐπὶ πετρῶν.
<aristoph. birds. 837> ἄγε νυν σὺ μὲν βάδιζε πρὸς τὸν ἀέρα
<aristoph. birds. 838> καὶ τοῖσι τειχίζουσι παραδιακόνει,
<aristoph. birds. 839> χάλικας παραφόρει, πηλὸν ἀποδὺς ὄργασον,
<aristoph. birds. 840> λεκάνην ἀνένεγκε, κατάπες' ἀπὸ τῆς κλίμακος,
<aristoph. birds. 841> φύλακας κατάστησαι, τὸ πῦρ ἔγκρυπτ' ἀεί,
<aristoph. birds. 842> κωδωνοφορῶν περίτρεχε καὶ κάθευδ' ἐκεῖ:
<aristoph. birds. 843> κήρυκα δὲ πέμψον τὸν μὲν ἐς θεοὺς ἄνω,
<aristoph. birds. 844> ἕτερον δ' ἄνωθεν ἆυ παρ' ἀνθρώπους κάτω,
<aristoph. birds. 845> κἀκεῖθεν αὖθις παρ' ἐμέ.   σὺ δέ γ' αὐτοῦ μένων
<aristoph. birds. 846> οἴμωζε παρ' ἔμ'.   ἴθ' ὦγάθ' οἷ πέμπω ς' ἐγώ.
<aristoph. birds. 847> οὐδὲν γὰρ ἄνευ σοῦ τῶνδ' ἃ λέγω πεπράξεται.
<aristoph. birds. 848> ἐγὼ δ' ἵνα θύσω τοῖσι καινοῖσιν θεοῖς,
<aristoph. birds. 849> τὸν ἱερέα πέμψοντα τὴν πομπὴν καλῶ.
<aristoph. birds. 850> παῖ παῖ, τὸ κανοῦν αἴρεσθε καὶ τὴν χέρνιβα.
<aristoph. birds. 851> ὁμορροθῶ, συνθέλω,
<aristoph. birds. 852> συμπαραινέσας ἔχω
<aristoph. birds. 853> προσόδια μεγάλα σεμνὰ προσιέναι θεοῖσιν,
<aristoph. birds. 855> ἅμα δὲ προσέτι χάριτος ἕνεκα προβάτιόν τι θύειν.
<aristoph. birds. 856> ἴτω ἴτω δὲ Πυθιὰς βοὰ θεῷ,
<aristoph. birds. 857> συνᾳδέτω δὲ Χαῖρις ᾠδάν.
<aristoph. birds. 858> παῦσαι σὺ φυσῶν. ̔Ηράκλεις τουτὶ τί ἦν;
<aristoph. birds. 860> τουτὶ μὰ Δί' ἐγὼ πολλὰ δὴ καὶ δείν' ἰδὼν
<aristoph. birds. 861> οὔπω κόρακ' εἶδον ἐμπεφορβειωμένον.
<aristoph. birds. 862> ἱερεῦ σὸν ἔργον, θῦε τοῖς καινοῖς θεοῖς.
<aristoph. birds. 864> δράσω τάδ'. ἀλλὰ ποῦ 'στιν ὁ τὸ κανοῦν ἔχων;
<aristoph. birds. 865> εὔχεσθε τῇ ̔Εστίᾳ τῇ ὀρνιθείῳ καὶ τῷ ἰκτίνῳ τῷ ἑστιούχῳ καὶ ὄρνισιν ̓Ολυμπίοις καὶ ̓Ολυμπίῃσι πᾶσι καὶ πάσῃσιν —
<aristoph. birds. 866> ὦ Σουνιέρακε χαῖρ' ἄναξ Πελαργικέ.
<aristoph. birds. 867> καὶ κύκνῳ Πυθίῳ καὶ Δηλίῳ καὶ Λητοῖ ̓Ορτυγομήτρᾳ καὶ ̓Αρτέμιδι ̓Ακαλανθίδι —
<aristoph. birds. 868> οὐκέτι Κολαινὶς ἀλλ' ̓Ακαλανθὶς ̓́Αρτεμις.
<aristoph. birds. 876> καὶ φρυγίλῳ Σαβαζίῳ καὶ στρούθῳ μεγάλῃ μητρὶ θεῶν καὶ ἀνθρώπων —
<aristoph. birds. 877> δέσποινα Κυβέλη, στροῦθε, μῆτερ Κλεοκρίτου.
<aristoph. birds. 878> διδόναι Νεφελοκοκκυγιεῦσιν ὑγιείαν καὶ σωτηρίαν αὐτοῖσι καὶ Χίοισι —
<aristoph. birds. 880> Χίοισιν ἥσθην πανταχοῦ προσκειμένοις.
<aristoph. birds. 881> καὶ ἥρωσιν ὄρνισι καὶ ἡρώων παισί, πορφυρίωνι καὶ πελεκᾶντι καὶ πελεκίνῳ καὶ φλέξιδι καὶ τέτρακι καὶ ταὧνι καὶ ἐλεᾷ καὶ βασκᾷ καὶ ἐλασᾷ καὶ ἐρωδιῷ καὶ καταρράκτῃ καὶ μελαγκορύφῳ καὶ αἰγιθάλλῳ —
<aristoph. birds. 882> παῦ' ἐς κόρακας, παῦσαι καλῶν. ἰοὺ ἰού,
<aristoph. birds. 890> ἐπὶ ποῖον ὦ κακόδαιμον ἱερεῖον καλεῖς
<aristoph. birds. 891> ἁλιαιέτους καὶ γῦπας; οὐχ ὁρᾷς ὅτι
<aristoph. birds. 892> ἰκτῖνος εἷς ἂν τοῦτό γ' οἴχοιθ' ἁρπάσας;
<aristoph. birds. 893> ἄπελθ' ἀφ' ἡμῶν καὶ σὺ καὶ τὰ στέμματα:
<aristoph. birds. 894> ἐγὼ γὰρ αὐτὸς τουτογὶ θύσω μόνος.
<aristoph. birds. 895> εἶτ' αὖθις αὖ τἄρα σοι
<aristoph. birds. 896> δεῖ με δεύτερον μέλος
<aristoph. birds. 897> χέρνιβι θεοσεβὲς ὅσιον ἐπιβοᾶν, καλεῖν δὲ
<aristoph. birds. 900> μάκαρας, ἕνα τινὰ μόνον, εἴπερ ἱκανὸν ἕξετ' ὄψον.
<aristoph. birds. 901> τὰ γὰρ παρόντα θύματ' οὐδὲν ἄλλο πλὴν
<aristoph. birds. 902> γένειόν ἐστι καὶ κέρατα.
<aristoph. birds. 903> θύοντες εὐξώμεσθα τοῖς πτερίνοις θεοῖς.
<aristoph. birds. 904> Νεφελοκοκκυγίαν τὰν εὐδαίμονα
<aristoph. birds. 905> κλῇσον ὦ Μοῦσα τεαῖς ἐν ὓμνων ἀοιδαῖς.
<aristoph. birds. 906> τουτὶ τὸ πρᾶγμα ποδαπόν; εἰπέ μοι τίς εἶ;
<aristoph. birds. 907> ἐγὼ μελιγλώσσων ἐπέων ἱεὶς ἀοιδὰν
<aristoph. birds. 908> Μουσάων θεράπων ὀτρηρός,
<aristoph. birds. 910> κατὰ τὸν ̔́Ομηρον.
<aristoph. birds. 911> ἔπειτα δῆτα δοῦλος ὢν κόμην ἔχεις;
<aristoph. birds. 912> οὔκ, ἀλλὰ πάντες ἐσμὲν οἱ διδάσκαλοι
<aristoph. birds. 913> Μουσάων θεράποντες ὀτρηροί,
<aristoph. birds. 914> κατὰ τὸν ̔́Ομηρον.
<aristoph. birds. 915> οὐκ ἐτὸς ὀτρηρὸν καὶ τὸ ληδάριον ἔχεις.
<aristoph. birds. 916> ἀτὰρ ὦ ποιητὰ κατὰ τί δεῦρ' ἀνεφθάρης;
<aristoph. birds. 917> μέλη πεποίηκ' ἐς τὰς Νεφελοκοκκυγίας
<aristoph. birds. 918> τὰς ὑμετέρας κύκλιά τε πολλὰ καὶ καλὰ
<aristoph. birds. 919> καὶ παρθένεια καὶ κατὰ τὰ Σιμωνίδου.
<aristoph. birds. 920> ταυτὶ σὺ πότ' ἐποίησας; ἀπὸ ποίου χρόνου;
<aristoph. birds. 921> πάλαι πάλαι δὴ τήνδ' ἐγὼ κλῄζω πόλιν.
<aristoph. birds. 922> οὐκ ἄρτι θύω τὴν δεκάτην ταύτης ἐγώ,
<aristoph. birds. 923> καὶ τοὔνομ' ὥσπερ παιδίῳ νῦν δὴ 'θέμην;
<aristoph. birds. 924> ἀλλά τις ὠκεῖα Μουσάων φάτις
<aristoph. birds. 925> οἷάπερ ἵππων ἀμαρυγά.
<aristoph. birds. 926> σὺ δὲ πάτερ κτίστορ Αἴτνας,
<aristoph. birds. 927> ζαθέων ἱερῶν ὁμώνυμε,
<aristoph. birds. 928> δὸς ἐμὶν ὅ τι περ
<aristoph. birds. 929> τεᾷ κεφαλᾷ θέλῃς
<aristoph. birds. 930> πρόφρων δόμεν ἐμὶν τείν.
<aristoph. birds. 931> τουτὶ παρέξει τὸ κακὸν ἡμῖν πράγματα,
<aristoph. birds. 932> εἰ μή τι τούτῳ δόντες ἀποφευξούμεθα.
<aristoph. birds. 933> οὗτος, σὺ μέντοι σπολάδα καὶ χιτῶν' ἔχεις,
<aristoph. birds. 934> ἀπόδυθι καὶ δὸς τῷ ποιητῇ τῷ σοφῷ.
<aristoph. birds. 935> ἔχε τὴν σπολάδα: πάντως δέ μοι ῥιγῶν δοκεῖς.
<aristoph. birds. 936> τόδε μὲν οὐκ ἀέκουσα φίλα
<aristoph. birds. 937> Μοῦσα δῶρον δέχεται:
<aristoph. birds. 938> τὺ δὲ τεᾷ φρενὶ μάθε Πινδάρειον ἔπος —
<aristoph. birds. 940> ἅνθρωπος ἡμῶν οὐκ ἀπαλλαχθήσεται.
<aristoph. birds. 941> νομάδεσσι γὰρ ἐν Σκύθαις
<aristoph. birds. 942> ἀλᾶται Στράτων,
<aristoph. birds. 943> ὃς ὑφαντοδόνατον ἔσθος οὐ πέπαται:
<aristoph. birds. 944> ἀκλεὴς δ' ἔβα σπολὰς ἄνευ χιτῶνος.
<aristoph. birds. 945> ξύνες ὅ τοι λέγω.
<aristoph. birds. 946> ξυνῆχ' ὅτι βούλει τὸν χιτωνίσκον λαβεῖν.
<aristoph. birds. 947> ἀπόδυθι: δεῖ γὰρ τὸν ποιητὴν ὠφελεῖν.
<aristoph. birds. 948> ἄπελθε τουτονὶ λαβών.   ἀπέρχομαι,
<aristoph. birds. 949> κἀς τὴν πόλιν γ' ἐλθὼν ποιήσω τοιαδί:
<aristoph. birds. 950> “κλῇσον ὦ χρυσόθρονε τὰν τρομερὰν κρυεράν:
<aristoph. birds. 951> νιφόβολα πεδία πολύπορά τ' ἤλυθον ἀλαλάν.”
<aristoph. birds. 952> νὴ τὸν Δί' ἀλλ' ἤδη πέφευγας ταυταγὶ
<aristoph. birds. 955> τὰ κρυερὰ τονδὶ τὸν χιτωνίσκον λαβών.
<aristoph. birds. 956> τουτὶ μὰ Δί' ἐγὼ τὸ κακὸν οὐδέποτ' ἤλπισα,
<aristoph. birds. 957> οὕτω ταχέως τοῦτον πεπύσθαι τὴν πόλιν.
<aristoph. birds. 958> αὖθις σὺ περιχώρει λαβὼν τὴν χέρνιβα.
<aristoph. birds. 959> εὐφημία 'στω.
<aristoph. birds. 960> μὴ κατάρξῃ τοῦ τράγου.
<aristoph. birds. 960> σὺ δ' εἶ τίς;   ὅστις; χρησμολόγος.   οἴμωζέ νυν.
<aristoph. birds. 961> ὦ δαιμόνιε τὰ θεῖα μὴ φαύλως φέρε:
<aristoph. birds. 962> ὡς ἔστι Βάκιδος χρησμὸς ἄντικρυς λέγων
<aristoph. birds. 963> ἐς τὰς Νεφελοκοκκυγίας.   κὔπειτα πῶς
<aristoph. birds. 964> ταῦτ' οὐκ ἐχρησμολόγεις σὺ πρὶν ἐμὲ τὴν πόλιν
<aristoph. birds. 965> τήνδ' οἰκίσαι;   τὸ θεῖον ἐνεπόδιζέ με.
<aristoph. birds. 966> ἀλλ' οὐδὲν οἷόν ἐστ' ἀκοῦσαι τῶν ἐπῶν.
<aristoph. birds. 967> ἀλλ' ὅταν οἰκήσωσι λύκοι πολιαί τε κορῶναι
<aristoph. birds. 968> ἐν ταὐτῷ τὸ μεταξὺ Κορίνθου καὶ Σικυῶνος, —
<aristoph. birds. 969> τί οὖν προσήκει δῆτ' ἐμοὶ Κορινθίων;
<aristoph. birds. 970> ᾐνίξαθ' ὁ Βάκις τοῦτο πρὸς τὸν ἀέρα.
<aristoph. birds. 971> πρῶτον Πανδώρᾳ θῦσαι λευκότριχα κριόν:
<aristoph. birds. 972> ὃς δέ κ' ἐμῶν ἐπέων ἔλθῃ πρώτιστα προφήτης,
<aristoph. birds. 973> τῷ δόμεν ἱμάτιον καθαρὸν καὶ καινὰ πέδιλα —
<aristoph. birds. 974> ἔνεστι καὶ τὰ πέδιλα;   λαβὲ τὸ βιβλίον.
<aristoph. birds. 975> καὶ φιάλην δοῦναι, καὶ σπλάγχνων χεῖρ' ἐπιπλῆσαι.
<aristoph. birds. 976> καὶ σπλάγχνα διδόν' ἔνεστι;   λαβὲ τὸ βιβλίον.
<aristoph. birds. 977> κἂν μὲν θέσπιε κοῦρε ποιῇς ταῦθ' ὡς ἐπιτέλλω,
<aristoph. birds. 978> αἰετὸς ἐν νεφέλῃσι γενήσεαι: αι' δέ κε μὴ δῷς,
<aristoph. birds. 979> οὐκ ἔσει οὐ τρυγὼν οὐδ' αἰετὸς οὐ δρυκολάπτης.
<aristoph. birds. 980> καὶ ταῦτ' ἔνεστ' ἐνταῦθα;   λαβὲ τὸ βιβλίον.
<aristoph. birds. 981> οὐδὲν ἄρ' ὅμοιός ἐσθ' ὁ χρησμὸς τουτῳί,
<aristoph. birds. 982> ὃν ἐγὼ παρὰ τἀπόλλωνος ἐξεγραψάμην:
<aristoph. birds. 983> αὐτὰρ ἐπὴν ἄκλητος ἰὼν ἄνθρωπος ἀλαζὼν
<aristoph. birds. 984> λυπῇ θύοντας καὶ σπλαγχνεύειν ἐπιθυμῇ,
<aristoph. birds. 985> δὴ τότε χρὴ τύπτειν αὐτὸν πλευρῶν τὸ μεταξὺ —
<aristoph. birds. 986> οὐδὲν λέγειν οἶμαί σε.   λαβὲ τὸ βιβλίον.
<aristoph. birds. 987> καὶ φείδου μηδὲν μηδ' αἰετοῦ ἐν νεφέλῃσιν,
<aristoph. birds. 988> μήτ' ἢν Λάμπων ᾖ μήτ' ἢν ὁ μέγας Διοπείθης.
<aristoph. birds. 989> καὶ ταῦτ' ἔνεστ' ἐνταῦθα;   λαβὲ τὸ βιβλίον.
<aristoph. birds. 990> οὐκ εἶ θύραζ'; ἐς κόρακας.   οἴμοι δείλαιος.
<aristoph. birds. 991> οὔκουν ἑτέρωσε χρησμολογήσεις ἐκτρέχων;
<aristoph. birds. 992> ἥκω παρ' ὑμᾶς —   ἕτερον αὖ τουτὶ κακόν.
<aristoph. birds. 993> τί δ' αὖ σὺ δράσων; τίς δ' ἰδέα βουλεύματος;
<aristoph. birds. 994> τίς ἡ 'πίνοια, τίς ὁ κόθορνος τῆς ὁδοῦ;
<aristoph. birds. 995> γεωμετρῆσαι βούλομαι τὸν ἀέρα
<aristoph. birds. 996> ὑμῖν διελεῖν τε κατὰ γύας.   πρὸς τῶν θεῶν
<aristoph. birds. 997> σὺ δ' εἶ τίς ἀνδρῶν;   ὅστις εἴμ' ἐγώ; Μέτων,
<aristoph. birds. 998> ὃν οἶδεν ̔Ελλὰς χὠ Κολωνός.   εἰπέ μοι,
<aristoph. birds. 999> ταυτὶ δέ σοι τί ἔστι;   κανόνες ἀέρος.
<aristoph. birds. 1000> αὐτίκα γὰρ ἀήρ ἐστι τὴν ἰδέαν ὅλος
<aristoph. birds. 1001> κατὰ πνιγέα μάλιστα. προσθεὶς οὖν ἐγὼ
<aristoph. birds. 1002> τὸν κανόν', ἄνωθεν τουτονὶ τὸν καμπύλον
<aristoph. birds. 1003> ἐνθεὶς διαβήτην — μανθάνεις;   οὐ μανθάνω.
<aristoph. birds. 1004> ὀρθῷ μετρήσω κανόνι προστιθείς, ἵνα
<aristoph. birds. 1005> ὁ κύκλος γένηται σοι τετράγωνος κἀν μέσῳ
<aristoph. birds. 1006> ἀγορά, φέρουσαι δ' ὦσιν εἰς αὐτὴν ὁδοὶ
<aristoph. birds. 1007> ὀρθαὶ πρὸς αὐτὸ τὸ μέσον, ὥσπερ δ' ἀστέρος
<aristoph. birds. 1008> αὐτοῦ κυκλοτεροῦς ὄντος ὀρθαὶ πανταχῇ
<aristoph. birds. 1009> ἀκτῖνες ἀπολάμπωσιν.   ἅνθρωπος Θαλῆς.
<aristoph. birds. 1010> Μέτων —   τί ἔστιν;   οἶσθ' ὁτιὴ φιλῶ ς' ἐγώ,
<aristoph. birds. 1011> κἀμοὶ πιθόμενος ὑπαποκίνει τῆς ὁδοῦ.
<aristoph. birds. 1012> τί δ' ἐστὶ δεινόν;   ὥσπερ ἐν Λακεδαίμονι
<aristoph. birds. 1013> ξενηλατοῦνται καὶ κεκίνηνταί τινες:
<aristoph. birds. 1014> πληγαὶ συχναὶ κατ' ἄστυ.   μῶν στασιάζετε;
<aristoph. birds. 1015> μὰ τὸν Δί' οὐ δῆτ'.   ἀλλὰ πῶς;   ὁμοθυμαδὸν
<aristoph. birds. 1016> σποδεῖν ἅπαντας τοὺς ἀλαζόνας δοκεῖ.
<aristoph. birds. 1017> ὑπάγοιμί τἄρ' ἄν.   νὴ Δί' ὡς οὐκ οἶδ' ἂν εἰ
<aristoph. birds. 1018> φθαίης ἄν: ἐπίκεινται γὰρ ἐγγὺς αὑταιί.
<aristoph. birds. 1019> οἴμοι κακοδαίμων.   οὐκ ἔλεγον ἐγὼ πάλαι;
<aristoph. birds. 1020> οὐκ ἀναμετρήσεις σαυτὸν ἀπιὼν ἀλλαχῇ;
<aristoph. birds. 1021> ποῦ πρόξενοι;   τίς ὁ Σαρδανάπαλλος οὑτοσί;
<aristoph. birds. 1022> ἐπίσκοπος ἥκω δεῦρο τῷ κυάμῳ λαχὼν
<aristoph. birds. 1023> ἐς τὰς Νεφελοκοκκυγίας.   ἐπίσκοπος;
<aristoph. birds. 1024> ἔπεμψε δὲ τίς σε δεῦρο;   φαῦλον βιβλίον
<aristoph. birds. 1025> Τελέου.   τί; βούλει δῆτα τὸν μισθὸν λαβὼν
<aristoph. birds. 1026> μὴ πράγματ' ἔχειν ἀλλ' ἀπιέναι;   νὴ τοὺς θεούς.
<aristoph. birds. 1027> ἐκκλησιάσαι δ' οὖν ἐδεόμην οἴκοι μένων.
<aristoph. birds. 1028> ἔστιν γὰρ ἃ δι' ἐμοῦ πέπρακται Φαρνάκῃ.
<aristoph. birds. 1029> ἄπιθι λαβών: ἔστιν δ' ὁ μισθὸς οὑτοσί.
<aristoph. birds. 1030> τουτὶ τί ἦν;   ἐκκλησία περὶ Φαρνάκου.
<aristoph. birds. 1031> μαρτύρομαι τυπτόμενος ὢν ἐπίσκοπος.
<aristoph. birds. 1032> οὐκ ἀποσοβήσεις; οὐκ ἀποίσεις τὼ κάδω;
<aristoph. birds. 1033> οὐ δεινά; καὶ πέμπουσιν ἤδη 'πισκόπους
<aristoph. birds. 1034> ἐς τὴν πόλιν, πρὶν καὶ τεθύσθαι τοῖς θεοῖς;
<aristoph. birds. 1035> ἐὰν δ' ὁ Νεφελοκοκκυγιεὺς τὸν ̓Αθηναῖον ἀδικῇ —
<aristoph. birds. 1036> τουτὶ τί ἔστιν αὖ κακὸν τὸ βιβλίον;
<aristoph. birds. 1037> ψηφισματοπώλης εἰμὶ καὶ νόμους νέους
<aristoph. birds. 1038> ἥκω παρ' ὑμᾶς δεῦρο πωλήσων.   τὸ τί;
<aristoph. birds. 1040> χρῆσθαι Νεφελοκοκκυγιᾶς τοῖσδε τοῖς μέτροισι καὶ σταθμοῖσι καὶ ψηφίσμασι καθάπερ ̓Ολοφύξιοι.
<aristoph. birds. 1041> σὺ δέ γ' οἷσπερ ὡτοτύξιοι χρήσει τάχα.
<aristoph. birds. 1042> οὗτος τί πάσχεις;   οὐκ ἀποίσεις τοὺς νόμους;
<aristoph. birds. 1045> πικροὺς ἐγώ σοι τήμερον δείξω νόμους.
<aristoph. birds. 1046> καλοῦμαι Πισθέταιρον ὕβρεως ἐς τὸν Μουνιχιῶνα μῆνα.
<aristoph. birds. 1047> ἄληθες οὗτος; ἔτι γὰρ ἐνταῦθ' ἦσθα σύ;
<aristoph. birds. 1050> ἐὰν δέ τις ἐξελαύνῃ τοὺς ἄρχοντας καὶ μὴ δέχηται κατὰ τὴν στήλην —
<aristoph. birds. 1051> οἴμοι κακοδαίμων, καὶ σὺ γὰρ ἐνταῦθ' ἦσθ' ἔτι;
<aristoph. birds. 1052> ἀπολῶ σε καὶ γράφω σε μυρίας δραχμάς.
<aristoph. birds. 1053> ἐγὼ δὲ σοῦ γε τὼ κάδω διασκεδῶ.
<aristoph. birds. 1054> μέμνης' ὅτε τῆς στήλης κατετίλας ἑσπέρας;
<aristoph. birds. 1055> αἰβοῖ: λαβέτω τις αὐτόν. οὗτος οὐ μενεῖς;
<aristoph. birds. 1056> ἀπίωμεν ἡμεῖς ὡς τάχιστ' ἐντευθενὶ
<aristoph. birds. 1057> θύσοντες εἴσω τοῖς θεοῖσι τὸν τράγον.
<aristoph. birds. 1058> ἤδη 'μοὶ τῷ παντόπτᾳ
<aristoph. birds. 1059> καὶ παντάρχᾳ θνητοὶ πάντες
<aristoph. birds. 1060> θύσους' εὐκταίαις εὐχαῖς.
<aristoph. birds. 1061> πᾶσαν μὲν γὰρ γᾶν ὀπτεύω,
<aristoph. birds. 1062> σῴζω δ' εὐθαλεῖς καρποὺς
<aristoph. birds. 1063> κτείνων παμφύλων γένναν
<aristoph. birds. 1064> θηρῶν, ἂ πάντ' ἐν γαίᾳ
<aristoph. birds. 1065> ἐκ κάλυκος αὐξανόμενον γένυσι παμφάγοις
<aristoph. birds. 1066> δένδρεσί τ' ἐφημένα καρπὸν ἀποβόσκεται:
<aristoph. birds. 1067> κτείνω δ' οἳ κήπους εὐώδεις
<aristoph. birds. 1068> φθείρουσιν λύμαις ἐχθίσταις,
<aristoph. birds. 1069> ἑρπετά τε καὶ δάκετα πάνθ' ὅσαπερ
<aristoph. birds. 1070> ἔστιν ὑπ' ἐμᾶς πτέρυγος ἐν φοναῖς ὄλλυται.
<aristoph. birds. 1071> τῇδε μέντοι θἠμέρᾳ μάλιστ' ἐπαναγορεύεται,
<aristoph. birds. 1072> ἢν ἀποκτείνῃ τις ὑμῶν Διαγόραν τὸν Μήλιον,
<aristoph. birds. 1073> λαμβάνειν τάλαντον, ἤν τε τῶν τυράννων τίς τινα
<aristoph. birds. 1075> τῶν τεθνηκότων ἀποκτείνῃ, τάλαντον λαμβάνειν.
<aristoph. birds. 1076> βουλόμεσθ' οὖν νυν ἀνειπεῖν ταὐτὰ χἠμεῖς ἐνθάδε.
<aristoph. birds. 1077> ἢν ἀποκτείνῃ τις ὑμῶν Φιλοκράτη τὸν Στρούθιον,
<aristoph. birds. 1078> λήψεται τάλαντον, ἢν δὲ ζῶντά γ' ἀγάγῃ, τέτταρα,
<aristoph. birds. 1079> ὅτι συνείρων τοὺς σπίνους πωλεῖ καθ' ἑπτὰ τοὐβολοῦ,
<aristoph. birds. 1080> εἶτα φυσῶν τὰς κίχλας δείκνυσι καὶ λυμαίνεται,
<aristoph. birds. 1081> τοῖς τε κοψίχοισιν ἐς τὰς ῥῖνας ἐγχεῖ τὰ πτερά,
<aristoph. birds. 1082> τὰς περιστεράς θ' ὁμοίως ξυλλαβὼν εἵρξας ἔχει,
<aristoph. birds. 1083> κἀπαναγκάζει παλεύειν δεδεμένας ἐν δικτύῳ.
<aristoph. birds. 1084> ταῦτα βουλόμεσθ' ἀνειπεῖν: κεἴ τις ὄρνιθας τρέφει
<aristoph. birds. 1085> εἱργμένους ὑμῶν ἐν αὐλῇ, φράζομεν μεθιέναι.
<aristoph. birds. 1086> ἢν δὲ μὴ πίθησθε, συλληφθέντες ὑπὸ τῶν ὀρνέων
<aristoph. birds. 1087> αὖθις ὑμεῖς αὖ παρ' ἡμῖν δεδεμένοι παλεύσετε.
<aristoph. birds. 1088> εὔδαιμον φῦλον πτηνῶν
<aristoph. birds. 1089> οἰωνῶν, οἳ χειμῶνος μὲν
<aristoph. birds. 1090> χλαίνας οὐκ ἀμπισχνοῦνται:
<aristoph. birds. 1091> οὐδ' αὖ θερμὴ πνίγους ἡμᾶς
<aristoph. birds. 1092> ἀκτὶς τηλαυγὴς θάλπει:
<aristoph. birds. 1093> ἀλλ' ἀνθηρῶν λειμώνων
<aristoph. birds. 1094> φύλλων τ' ἐν κόλποις ναίω,
<aristoph. birds. 1095> ἡνίκ' ἂν ὁ θεσπέσιος ὀξὺ μέλος ἀχέτας
<aristoph. birds. 1096> θάλπεσι μεσημβρινοῖς ἡλιομανὴς βοᾷ.
<aristoph. birds. 1097> χειμάζω δ' ἐν κοίλοις ἄντροις
<aristoph. birds. 1098> νύμφαοις οὐρείαις ξυμπαίζων:
<aristoph. birds. 1099> ἠρινά τε βοσκόμεθα παρθένια
<aristoph. birds. 1100> λευκότροφα μύρτα Χαρίτων τε κηπεύματα.
<aristoph. birds. 1101> τοῖς κριταῖς εἰπεῖν τι βουλόμεσθα τῆς νίκης πέρι,
<aristoph. birds. 1102> ὅς' ἀγάθ', ἢν κρίνωσιν ἡμᾶς, πᾶσιν αὐτοῖς δώσομεν,
<aristoph. birds. 1103> ὥστε κρείττω δῶρα πολλῷ τῶν ̓Αλεξάνδρου λαβεῖν.
<aristoph. birds. 1105> πρῶτα μὲν γὰρ οὗ μάλιστα πᾶς κριτὴς ἐφίεται,
<aristoph. birds. 1106> γλαῦκες ὑμᾶς οὔποτ' ἐπιλείψουσι Λαυρειωτικαί:
<aristoph. birds. 1107> ἀλλ' ἐνοικήσουσιν ἔνδον, ἔν τε τοῖς βαλλαντίοις
<aristoph. birds. 1108> ἐννεοττεύσουσι κἀκλέψουσι μικρὰ κέρματα.
<aristoph. birds. 1109> εἶτα πρὸς τούτοισιν ὥσπερ ἐν ἱεροῖς οἰκήσετε:
<aristoph. birds. 1110> τὰς γὰρ ὑμῶν οἰκίας ἐρέψομεν πρὸς αἰετόν:
<aristoph. birds. 1111> κἂν λαχόντες ἀρχίδιον εἶθ' ἁρπάσαι βούλησθέ τι,
<aristoph. birds. 1112> ὀξὺν ἱερακίσκον ἐς τὰς χεῖρας ὑμῖν δώσομεν.
<aristoph. birds. 1113> ἢν δέ που δειπνῆτε, πρηγορεῶνας ὑμῖν πέμψομεν.
<aristoph. birds. 1114> ἢν δὲ μὴ κρίνητε, χαλκεύεσθε μηνίσκους φορεῖν
<aristoph. birds. 1115> ὥσπερ ἀνδριάντες: ὡς ὑμῶν ὃς ἂν μὴ μῆν' ἔχῃ,
<aristoph. birds. 1116> ὅταν ἔχητε χλανίδα λευκήν, τότε μάλισθ' οὕτω δίκην
<aristoph. birds. 1117> δώσεθ' ἡμῖν, πᾶσι τοῖς ὄρνισι κατατιλώμενοι.
<aristoph. birds. 1118> τὰ μὲν ἱέρ' ἡμῖν ἐστιν ὦρνιθες καλά:
<aristoph. birds. 1119> ἀλλ' ὡς ἀπὸ τοῦ τείχους πάρεστιν ἄγγελος
<aristoph. birds. 1120> οὐδείς, ὅτου πευσόμεθα τἀκεῖ πράγματα.
<aristoph. birds. 1121> ἀλλ' οὑτοσὶ τρέχει τις ̓Αλφειὸν πνέων.
<aristoph. birds. 1122> ποῦ ποῦ 'στι, ποῦ ποῦ ποῦ 'στι, ποῦ ποῦ ποῦ 'στι ποῦ,
<aristoph. birds. 1123> ποῦ Πισθέταιρός ἐστιν ἅρχων;   οὑτοσί.
<aristoph. birds. 1124> ἐξῳκοδόμηταί σοι τὸ τεῖχος.   εὖ λέγεις.
<aristoph. birds. 1125> κάλλιστον ἔργον καὶ μεγαλοπρεπέστατον:
<aristoph. birds. 1126> ὥστ' ἂν ἐπάνω μὲν Προξενίδης ὁ Κομπασεὺς
<aristoph. birds. 1127> καὶ Θεογένης ἐναντίω δύ' ἅρματε,
<aristoph. birds. 1128> ἵππων ὑπόντων μέγεθος ὅσον ὁ δούριος,
<aristoph. birds. 1129> ὑπὸ τοῦ πλάτους ἂν παρελασαίτην.   ̔Ηράκλεις.
<aristoph. birds. 1130> τὸ δὲ μῆκός ἐστι, καὶ γὰρ ἐμέτρης' αὔτ' ἐγώ,
<aristoph. birds. 1131> ἑκατοντορόγυιον.   ὦ Πόσειδον τοῦ μάκρους.
<aristoph. birds. 1132> τίνες ᾠκοδόμησαν αὐτὸ τηλικουτονί;
<aristoph. birds. 1133> ὄρνιθες, οὐδεὶς ἄλλος, οὐκ Αἰγύπτιος
<aristoph. birds. 1134> πλινθοφόρος, οὐ λιθουργός, οὐ τέκτων παρῆν,
<aristoph. birds. 1135> ἀλλ' αὐτόχειρες, ὥστε θαυμάζειν ἐμέ.
<aristoph. birds. 1136> ἐκ μέν γε Λιβύης ἧκον ὡς τρισμύριαι
<aristoph. birds. 1137> γέρανοι θεμελίους καταπεπωκυῖαι λίθους.
<aristoph. birds. 1138> τούτους δ' ἐτύκιζον αἱ κρέκες τοῖς ῥύγχεσιν.
<aristoph. birds. 1139> ἕτεροι δ' ἐπλινθοφόρουν πελαργοὶ μύριοι:
<aristoph. birds. 1140> ὕδωρ δ' ἐφόρουν κάτωθεν ἐς τὸν ἀέρα
<aristoph. birds. 1141> οἱ χαραδριοὶ καὶ τἄλλα ποτόμι' ὄρνεα.
<aristoph. birds. 1142> ἐπηλοφόρουν δ' αὐτοῖσι τίνες;   ἐρωδιοὶ
<aristoph. birds. 1143> λεκάναισι.   τὸν δὲ πηλὸν ἐνεβάλλοντο πῶς;
<aristoph. birds. 1144> τοῦτ' ὦγάθ' ἐξηύρητο καὶ σοφώτατα:
<aristoph. birds. 1145> οἱ χῆνες ὑποτύπτοντες ὥσπερ ταῖς ἄμαις
<aristoph. birds. 1146> ἐς τὰς λεκάνας ἐνέβαλλον αὐτοῖς τοῖν ποδοῖν.
<aristoph. birds. 1147> τί δῆτα πόδες ἂν οὐκ ἂν ἐργασαίατο;
<aristoph. birds. 1148> καὶ νὴ Δί' αἱ νῆτταί γε περιεζωσμέναι
<aristoph. birds. 1149> ἐπλινθοφόρουν: ἄνω δὲ τὸν ὑπαγωγέα
<aristoph. birds. 1150> ἐπέτοντ' ἔχουσαι κατόπιν †ὥσπερ παιδία
<aristoph. birds. 1151> τὸν πηλὸν ἐν τοῖς στόμασιν† αἱ χελιδόνες.
<aristoph. birds. 1152> τί δῆτα μισθωτοὺς ἂν ἔτι μισθοῖτό τις;
<aristoph. birds. 1153> φέρ' ἴδω, τί δαί; τὰ ξύλινα τοῦ τείχους τίνες
<aristoph. birds. 1154> ἀπηργάσαντ';   ὄρνιθες ἦσαν τέκτονες
<aristoph. birds. 1155> σοφώτατοι πελεκᾶντες, οἳ τοῖς ῥύγχεσιν
<aristoph. birds. 1156> ἀπεπελέκησαν τὰς πύλας: ἦν δ' ὁ κτύπος
<aristoph. birds. 1157> αὐτῶν πελεκώντων ὥσπερ ἐν ναυπηγίῳ.
<aristoph. birds. 1158> καὶ νῦν ἅπαντ' ἐκεῖνα πεπύλωται πύλαις
<aristoph. birds. 1159> καὶ βεβαλάνωται καὶ φυλάττεται κύκλῳ,
<aristoph. birds. 1160> ἐφοδεύεται, κωδωνοφορεῖται, πανταχῇ,
<aristoph. birds. 1161> φυλακαὶ καθεστήκασι καὶ φρυκτωρίαι
<aristoph. birds. 1162> ἐν τοῖσι πύργοις. ἀλλ' ἐγὼ μὲν ἀποτρέχων
<aristoph. birds. 1163> ἀπονίψομαι: σὺ δ' αὐτὸς ἤδη τἄλλα δρᾶ.
<aristoph. birds. 1164> οὗτος τί ποιεῖς; ἆρα θαυμάζεις ὅτι
<aristoph. birds. 1165> οὕτω τὸ τεῖχος ἐκτετείχισται ταχύ;
<aristoph. birds. 1166> νὴ τοὺς θεοὺς ἔγωγε: καὶ γὰρ ἄξιον:
<aristoph. birds. 1167> ἴσα γὰρ ἀληθῶς φαίνεταί μοι ψεύδεσιν.
<aristoph. birds. 1168> ἀλλ' ὅδε φύλαξ γὰρ τῶν ἐκεῖθεν ἄγγελος
<aristoph. birds. 1169> ἐσθεῖ πρὸς ἡμᾶς δεῦρο πυρρίχην βλέπων.
<aristoph. birds. 1170> ἰοὺ ἰού, ἰοὺ ἰού, ἰοὺ ἰού.
<aristoph. birds. 1171> τί τὸ πρᾶγμα τουτί;   δεινότατα πεπόνθαμεν.
<aristoph. birds. 1172> τῶν γὰρ θεῶν τις ἄρτι τῶν παρὰ τοῦ Διὸς
<aristoph. birds. 1173> διὰ τῶν πυλῶν εἰσέπτετ' ἐς τὸν ἀέρα,
<aristoph. birds. 1174> λαθὼν κολοιοὺς φύλακας ἡμεροσκόπους.
<aristoph. birds. 1175> ὦ δεινὸν ἔργον καὶ σχέτλιον εἰργασμένος.
<aristoph. birds. 1176> τίς τῶν θεῶν;   οὐκ ἴσμεν: ὅτι δ' εἶχε πτερά,
<aristoph. birds. 1177> τοῦτ' ἴσμεν.   οὔκουν δῆτα περιπόλους ἐχρῆν
<aristoph. birds. 1178> πέμψαι κατ' αὐτὸν εὐθύς;   ἀλλ' ἐπέμψαμεν
<aristoph. birds. 1179> τρισμυρίους ἱέρακας ἱπποτοξότας,
<aristoph. birds. 1180> χωρεῖ δὲ πᾶς τις ὄνυχας ἠγκυλωμένος,
<aristoph. birds. 1181> κερχνῂς τριόρχης γὺψ κύμινδις αἰετός:
<aristoph. birds. 1182> ῥύμῃ τε καὶ πτεροῖσι καὶ ῥοιζήμασιν
<aristoph. birds. 1183> αἰθὴρ δονεῖται τοῦ θεοῦ ζητουμένου:
<aristoph. birds. 1184> κἄστ' οὐ μακρὰν ἄπωθεν, ἀλλ' ἐνταῦθά που
<aristoph. birds. 1185> ἤδη 'στίν.   οὔκουν σφενδόνας δεῖ λαμβάνειν
<aristoph. birds. 1186> καὶ τόξα; χώρει δεῦρο πᾶς ὑπηρέτης:
<aristoph. birds. 1187> τόξευε παῖε, σφενδόνην τίς μοι δότω.
<aristoph. birds. 1188> πόλεμος αἴρεται, πόλεμος οὐ φατὸς
<aristoph. birds. 1190> πρὸς ἐμὲ καὶ θεούς. ἀλλὰ φύλαττε πᾶς
<aristoph. birds. 1191> ἀέρα περινέφελον, ὃν ἔρεβος ἐτέκετο,
<aristoph. birds. 1195> μή σε λάθῃ θεῶν τις ταύτῃ περῶν:
<aristoph. birds. 1196> ἄθρει δὲ πᾶς κύκλῳ σκοπῶν,
<aristoph. birds. 1197> ὡς ἐγγὺς ἤδη δαίμονος πεδαρσίου
<aristoph. birds. 1198> δίνης πτερωτὸς φθόγγος ἐξακούεται.
<aristoph. birds. 1199> αὕτη σύ, ποῖ ποῖ ποῖ πέτει; μέν' ἥσυχος,
<aristoph. birds. 1200> ἔχ' ἀτρέμας: αὐτοῦ στῆθ': ἐπίσχες τοῦ δρόμου.
<aristoph. birds. 1201> τίς εἶ; ποδαπή; λέγειν ἐχρῆν ὁπόθεν πότ' εἶ.
<aristoph. birds. 1202> παρὰ τῶν θεῶν ἔγωγε τῶν ̓Ολυμπίων.
<aristoph. birds. 1203> ὄνομα δέ σο. τί ἐστι; πλοῖον ἢ κυνῆ;
<aristoph. birds. 1204> ̓͂Ιρις ταχεῖα.   Πάραλος ἢ Σαλαμινία;
<aristoph. birds. 1205> τί δὲ τοῦτο;   ταυτηνί τις οὐ συλλήψεται
<aristoph. birds. 1206> ἀναπτόμενος τρίορχος;   ἐμὲ συλλήψεται;
<aristoph. birds. 1207> τί ποτ' ἐστὶ τουτὶ τὸ κακόν;   οἰμώξει μακρά.
<aristoph. birds. 1208> ἄτοπόν γε τουτὶ πρᾶγμα.   κατὰ ποίας πύλας
<aristoph. birds. 1209> εἰσῆλθες ἐς τὸ τεῖχος ὦ μιαρωτάτη;
<aristoph. birds. 1210> οὐκ οἶδα μὰ Δί' ἔγωγε κατὰ ποίας πύλας.
<aristoph. birds. 1211> ἤκουσας αὐτῆς οἷον εἰρωνεύεται;
<aristoph. birds. 1212> πρὸς τοὺς κολοιάρχας προσῆλθες; οὐ λέγεις;
<aristoph. birds. 1213> σφραγῖδ' ἔχεις παρὰ τῶν πελαργῶν;   τί τὸ κακόν.
<aristoph. birds. 1214> οὐκ ἔλαβες;   ὑγιαίνεις μέν;   οὐδὲ σύμβολον
<aristoph. birds. 1215> ἐπέβαλεν ὀρνίθαρχος οὐδείς σοι παρών;
<aristoph. birds. 1216> μὰ Δί' οὐκ ἔμοιγ' ἐπέβαλεν οὐδεὶς ὦ μέλε.
<aristoph. birds. 1217> κἄπειτα δῆθ' οὕτω σιωπῇ διαπέτει
<aristoph. birds. 1218> διὰ τῆς πόλεως τῆς ἀλλοτρίας καὶ τοῦ χάους;
<aristoph. birds. 1219> ποίᾳ γὰρ ἄλλῃ χρὴ πέτεσθαι τοὺς θεούς;
<aristoph. birds. 1220> οὐκ οἶδα μὰ Δί' ἔγωγε: τῇδε μὲν γὰρ οὔ.
<aristoph. birds. 1221> ἀδικεῖς δὲ καὶ νῦν. ἆρά γ' οἶσθα τοῦθ' ὅτι
<aristoph. birds. 1222> δικαιότατ' ἂν ληφθεῖσα πασῶν ̓Ιρίδων
<aristoph. birds. 1223> ἀπέθανες, εἰ τῆς ἀξίας ἐτύγχανες;
<aristoph. birds. 1224> ἀλλ' ἀθάνατός εἰμ'.   ἀλλ' ὅμως ἂν ἀπέθανες.
<aristoph. birds. 1225> δεινότατα γάρ τοι πεισόμεσθ', ἐμοὶ δοκεῖ,
<aristoph. birds. 1226> εἰ τῶν μὲν ἄλλων ἄρχομεν, ὑμεῖς δ' οἱ θεοὶ
<aristoph. birds. 1227> ἀκολαστανεῖτε, κοὐδέπω γνώσεσθ' ὅτι
<aristoph. birds. 1228> ἀκροατέον ὑμῖν ἐν μέρει τῶν κρειττόνων.
<aristoph. birds. 1229> φράσον δέ τοί μοι τὼ πτέρυγε ποῖ ναυστολεῖς;
<aristoph. birds. 1230> ἐγώ; πρὸς ἀνθρώπους πέτομαι παρὰ τοῦ πατρὸς
<aristoph. birds. 1231> φράσουσα θύειν τοῖς ̓Ολυμπίοις θεοῖς
<aristoph. birds. 1232> μηλοσφαγεῖν τε βουθύτοις ἐπ' ἐσχάραις
<aristoph. birds. 1233> κνισᾶν τ' ἀγυιάς.   τί σὺ λέγεις; ποίοις θεοῖς;
<aristoph. birds. 1234> ποίοισιν; ἡμῖν τοῖς ἐν οὐρανῷ θεοῖς.
<aristoph. birds. 1235> θεοὶ γὰρ ὑμεῖς;   τίς γάρ ἐστ' ἄλλος θεός;
<aristoph. birds. 1236> ὄρνιθες ἀνθρώποισι νῦν εἰσιν θεοί,
<aristoph. birds. 1237> οἷς θυτέον αὐτούς, ἀλλὰ μὰ Δί' οὐ τῷ Διί.
<aristoph. birds. 1238> ὦ μῶρε μῶρε μὴ θεῶν κίνει φρένας
<aristoph. birds. 1239> δεινάς, ὅπως μή σου γένος πανώλεθρον
<aristoph. birds. 1240> Διὸς μακέλλῃ πᾶν ἀναστρέψῃ Δίκη,
<aristoph. birds. 1241> λιγνὺς δὲ σῶμα καὶ δόμων περιπτυχὰς
<aristoph. birds. 1242> καταιθαλώσῃ σου Λικυμνίαις βολαῖς.
<aristoph. birds. 1243> ἄκουσον αὕτη: παῦε τῶν παφλασμάτων:
<aristoph. birds. 1244> ἔχ' ἀτρέμα. φέρ' ἴδω, πότερα Λυδὸν ἢ Φρύγα
<aristoph. birds. 1245> ταυτὶ λέγουσα μορμολύττεσθαι δοκεῖς;
<aristoph. birds. 1246> ἆρ' οἶσθ' ὅτι Ζεὺς εἴ με λυπήσει πέρα,
<aristoph. birds. 1247> μέλαθρα μὲν αὐτοῦ καὶ δόμους ̓Αμφίονος
<aristoph. birds. 1248> καταιθαλώσω πυρφόροισιν αἰετοῖς;
<aristoph. birds. 1249> πέμψω δὲ πορφυρίωνας ἐς τὸν οὐρανὸν
<aristoph. birds. 1250> ὄρνις ἐπ' αὐτὸν παρδαλᾶς ἐνημμένους
<aristoph. birds. 1251> πλεῖν ἑξακοσίους τὸν ἀριθμόν. καὶ δή ποτε
<aristoph. birds. 1252> εἷς Πορφυρίων αὐτῷ παρέσχε πράγματα.
<aristoph. birds. 1253> σὺ δ' εἴ με λυπήσεις τι, τῆς διακόνου
<aristoph. birds. 1254> πρώτης ἀνατείνας τὼ σκέλει διαμηριῶ
<aristoph. birds. 1255> τὴν ̓͂Ιριν αὐτήν, ὥστε θαυμάζειν ὅπως
<aristoph. birds. 1256> οὕτω γέρων ὢν στύομαι τριέμβολον.
<aristoph. birds. 1257> διαρραγείης ὦ μέλ' αὐτοῖς ῥήμασιν.
<aristoph. birds. 1258> οὐκ ἀποσοβήσεις; οὐ ταχέως; εὐρὰξ πατάξ.
<aristoph. birds. 1259> ἦ μήν σε παύσει τῆς ὕβρεως οὑμὸς πατήρ.
<aristoph. birds. 1260> οἴμοι τάλας. οὔκουν ἑτέρωσε πετομένη
<aristoph. birds. 1261> καταιθαλώσεις τῶν νεωτέρων τινά;
<aristoph. birds. 1262> ἀποκεκλῄκαμεν διογενεῖς θεοὺς
<aristoph. birds. 1263> μηκέτι τὴν ἐμὴν διαπερᾶν πόλιν,
<aristoph. birds. 1265> μηδέ γέ τιν' ἱερόθυτον ἀνὰ δάπεδον ἔτι
<aristoph. birds. 1266> τῇδε βροτῶν θεοῖσι πέμπειν καπνόν.
<aristoph. birds. 1267> δεινόν γε τὸν κήρυκα τὸν παρὰ τοὺς βροτοὺς
<aristoph. birds. 1270> οἰχόμενον, εἰ μηδέποτε νοστήσει πάλιν.
<aristoph. birds. 1271> ὦ Πισθέταιρ' ὦ μακάρι' ὦ σοφώτατε,
<aristoph. birds. 1272> ὦ κλεινότατ' ὦ σοφώτατ' ὦ γλαφυρώτατε,
<aristoph. birds. 1273> ὦ τρισμακάρι' ὦ κατακέλευσον.   τί σὺ λέγεις;
<aristoph. birds. 1274> στεφάνῳ σε χρυσῷ τῷδε σοφίας οὕνεκα
<aristoph. birds. 1275> στεφανοῦσι καὶ τιμῶσιν οἱ πάντες λεῴ.
<aristoph. birds. 1276> δέχομαι. τί δ' οὕτως οἱ λεῲ τιμῶσί με;
<aristoph. birds. 1277> ὦ κλεινοτάτην αἰθέριον οἰκίσας πόλιν,
<aristoph. birds. 1278> οὐκ οἷσθ' ὅσην τιμὴν παρ' ἀνθρώποις φέρει,
<aristoph. birds. 1279> ὅσους τ' ἐραστὰς τῆσδε τῆς χώρας ἔχεις.
<aristoph. birds. 1280> πρὶν μὲν γὰρ οἰκίσαι σε τήνδε τὴν πόλιν,
<aristoph. birds. 1281> ἐλακωνομάνουν ἅπαντες ἄνθρωποι τότε,
<aristoph. birds. 1282> ἐκόμων ἐπείνων ἐρρύπων ἐσωκράτουν
<aristoph. birds. 1283> σκυτάλι' ἐφόρουν, νυνὶ δ' ὑποστρέψαντες αὖ
<aristoph. birds. 1284> ὀρνιθομανοῦσι, πάντα δ' ὑπὸ τῆς ἡδονῆς
<aristoph. birds. 1285> ποιοῦσιν ἅπερ ὄρνιθες ἐκμιμούμενοι:
<aristoph. birds. 1286> πρῶτον μὲν εὐθὺς πάντες ἐξ εὐνῆς ἅμα
<aristoph. birds. 1287> ἐπέτονθ' ἕωθεν ὥσπερ ἡμεῖς ἐπὶ νομόν:
<aristoph. birds. 1288> κἄπειτ' ἂν ἅμα κατῆραν ἐς τὰ βιβλία:
<aristoph. birds. 1289> εἶτ' ἀπενέμοντ' ἐνταῦθα τὰ ψηφίσματα.
<aristoph. birds. 1290> ὠρνιθομάνουν δ' οὕτω περιφανῶς ὥστε καὶ
<aristoph. birds. 1291> πολλοῖσιν ὀρνίθων ὀνόματ' ἦν κείμενα.
<aristoph. birds. 1292> πέρδιξ μὲν εἷς κάπηλος ὠνομάζετο
<aristoph. birds. 1293> χωλός, Μενίππῳ δ' ἦν χελιδὼν τοὔνομα,
<aristoph. birds. 1294> ̓Οπουντίῳ δ' ὀφθαλμὸν οὐκ ἔχων κόραξ,
<aristoph. birds. 1295> κορυδὸς Φιλοκλέει, χηναλώπηξ Θεογένει,
<aristoph. birds. 1296> ἶβις Λυκούργῳ, Χαιρεφῶντι νυκτερίς,
<aristoph. birds. 1297> Συρακοσίῳ δὲ κίττα: Μειδίας δ' ἐκεῖ
<aristoph. birds. 1298> ὄρτυξ ἐκαλεῖτο: καὶ γὰρ ᾔκειν ὄρτυγι
<aristoph. birds. 1299> ὑπὸ στυφοκόπου τὴν κεφαλὴν πεπληγμένῳ.
<aristoph. birds. 1300> ᾖδον δ' ὑπὸ φιλορνιθίας πάντες μέλη,
<aristoph. birds. 1301> ὅπου χελιδὼν ἦν τις ἐμπεποιημένη
<aristoph. birds. 1302> ἢ πηνέλοψ ἢ χήν τις ἢ περιστερὰ
<aristoph. birds. 1303> ἢ πτέρυγες, ἢ πτεροῦ τι καὶ σμικρὸν προσῆν.
<aristoph. birds. 1304> τοιαῦτα μὲν τἀκεῖθεν. ἓν δέ σοι λέγω:
<aristoph. birds. 1305> ἥξους' ἐκεῖθεν δεῦρο πλεῖν ἢ μύριοι
<aristoph. birds. 1306> πτερῶν δεόμενοι καὶ τρόπων γαμψωνύχων:
<aristoph. birds. 1307> ὥστε πτερῶν σοι τοῖς ἐποίκοις δεῖ ποθέν.
<aristoph. birds. 1308> οὐκ ἆρα μὰ Δί' ἡμῖν ἔτ' ἔργον ἑστάναι.
<aristoph. birds. 1309> ἀλλ' ὡς τάχιστα σὺ μὲν ἰὼν τὰς ἀρρίχους
<aristoph. birds. 1310> καὶ τοὺς κοφίνους ἅπαντας ἐμπίμπλη πτερῶν:
<aristoph. birds. 1311> Μανῆς δὲ φερέτω μοι θύραζε τὰ πτερά:
<aristoph. birds. 1312> ἐγὼ δ' ἐκείνων τοὺς προσιόντας δέξομαι.
<aristoph. birds. 1313> ταχὺ δὴ πολυάνορα τάνδε πόλιν
<aristoph. birds. 1314> καλεῖ τις ἀνθρώπων.
<aristoph. birds. 1315> τύχη μόνον προσείη.
<aristoph. birds. 1316> κατέχουσι δ' ἔρωτες ἐμᾶς πόλεως.
<aristoph. birds. 1317> θάττον φέρειν κελεύω.
<aristoph. birds. 1318> τί γὰρ οὐκ ἔνι ταύτῃ
<aristoph. birds. 1319> καλὸν ἀνδρὶ μετοικεῖν;
<aristoph. birds. 1320> Σοφία Πόθος ̓Αμβροσία Χάριτες
<aristoph. birds. 1321> τό τε τῆς ἀγανόφρονος ̔Ησυχίας
<aristoph. birds. 1322> εὐήμερον πρόσωπον.
<aristoph. birds. 1323> ὡς βλακικῶς διακονεῖς: οὐ θᾶττον ἐγκονήσεις;
<aristoph. birds. 1325> φερέτω κάλαθον ταχύ τις πτερύγων,
<aristoph. birds. 1326> σὺ δ' αὖθις ἐξόρμα —
<aristoph. birds. 1327> τύπτων γε τοῦτον ὡδί.
<aristoph. birds. 1328> πάνυ γὰρ βραδύς ἐστί τις ὥσπερ ὄνος.
<aristoph. birds. 1329> Μανῆς γάρ ἐστι δειλός.
<aristoph. birds. 1330> σὺ δὲ τὰ πτερὰ πρῶτον
<aristoph. birds. 1331> διάθες τάδε κόσμῳ,
<aristoph. birds. 1332> τά τε μουσίχ' ὁμοῦ τά τε μαντικὰ καὶ
<aristoph. birds. 1333> τὰ θαλάττι'. ἔπειτα δ' ὅπως φρονίμως
<aristoph. birds. 1334> πρὸς ἄνδρ' ὁρῶν πτερώσεις.
<aristoph. birds. 1335> οὔ τοι μὰ τὰς κερχνῇδας ἔτι σοῦ σχήσομαι,
<aristoph. birds. 1336> οὕτως ὁρῶν σε δειλὸν ὄντα καὶ βραδύν.
<aristoph. birds. 1337> γενοίμαν αἰετὸς ὑψιπέτας,
<aristoph. birds. 1338> ὡς ἀμποταθείην ὑπὲρ ἀτρυγέτου
<aristoph. birds. 1339> γλαυκᾶς ἐπ' οἶδμα λίμνας.
<aristoph. birds. 1340> ἔοικεν οὐ ψευδαγγελήσειν ἅγγελος.
<aristoph. birds. 1341> ᾄδων γὰρ ὅδε τις αἰετοὺς προσέρχεται.
<aristoph. birds. 1342> αἰβοῖ:
<aristoph. birds. 1343> οὐκ ἔστιν οὐδὲν τοῦ πέτεσθαι γλυκύτερον:
<aristoph. birds. 1344> ὀρνιθομανῶ γὰρ καὶ πέτομαι καὶ βούλομαι
<aristoph. birds. 1345> οἰκεῖν μεθ' ὑμῶν κἀπιθυμῶ τῶν νόμων.
<aristoph. birds. 1346> ποίων νόμων; πολλοὶ γὰρ ὀρνίθων νόμοι.
<aristoph. birds. 1347> πάντων: μάλιστα δ' ὅτι καλὸν νομίζεται
<aristoph. birds. 1348> τὸν πατέρα τοῖς ὄρνισιν ἄγχειν καὶ δάκνειν.
<aristoph. birds. 1349> καὶ νὴ Δί' ἀνδρεῖόν γε πάνυ νομιζομεν,
<aristoph. birds. 1350> ὃς ἂν πεπλήγῃ τὸν πατέρα νεοττὸς ὤν.
<aristoph. birds. 1351> διὰ ταῦτα μέντοι δεῦρ' ἀνοικισθεὶς ἐγὼ
<aristoph. birds. 1352> ἄγχειν ἐπιθυμῶ τὸν πατέρα καὶ πάντ' ἔχειν.
<aristoph. birds. 1353> ἀλλ' ἔστιν ἡμῖν τοῖσιν ὄρνισιν νόμος
<aristoph. birds. 1354> παλαιὸς ἐν ταῖς τῶν πελαργῶν κύρβεσιν:
<aristoph. birds. 1355> ἐπὴν ὁ πατὴρ ὁ πελαργὸς ἐκπετησίμους
<aristoph. birds. 1356> πάντας ποιήσῃ τοὺς πελαργιδέας τρέφων,
<aristoph. birds. 1357> δεῖ τοὺς νεοττοὺς τὸν πατέρα πάλιν τρέφειν.
<aristoph. birds. 1358> ἀπέλαυσά τἄρα νὴ Δί' ἐλθὼν ἐνθαδί,
<aristoph. birds. 1359> εἴπερ γέ μοι καὶ τὸν πατέρα βοσκητέον.
<aristoph. birds. 1360> οὐδέν γ'. ἐπειδήπερ γὰρ ἦλθες ὦ μέλε
<aristoph. birds. 1361> εὔνους, πτερώσω ς' ὥσπερ ὄρνιν ὀρφανόν.
<aristoph. birds. 1362> σοὶ δ' ὦ νεανίσκ' οὐ κακῶς ὑποθήσομαι,
<aristoph. birds. 1363> ἀλλ' οἷάπερ αὐτὸς ἔμαθον ὅτε παῖς ἦ. σὺ γὰρ
<aristoph. birds. 1364> τὸν μὲν πατέρα μὴ τύπτε: ταυτηνδὶ λαβὼν
<aristoph. birds. 1365> τὴν πτέρυγα καὶ τουτὶ τὸ πλῆκτρον θἀτέρᾳ,
<aristoph. birds. 1366> νομίσας ἀλεκτρυόνος ἔχειν τονδὶ λόφον,
<aristoph. birds. 1367> φρούρει στρατεύου μισθοφορῶν σαυτὸν τρέφε,
<aristoph. birds. 1368> τὸν πατέρ ἔα ζῆν: ἀλλ' ἐπειδὴ μάχιμος εἶ,
<aristoph. birds. 1369> ἐς τἀπὶ Θρᾴκης ἀποπέτου κἀκεῖ μάχου.
<aristoph. birds. 1370> νὴ τὸν Διόνυσον εὖ γέ μοι δοκεῖς λέγειν,
<aristoph. birds. 1371> καὶ πείσομαί σοι.   νοῦν ἄρ' ἔξεις νὴ Δία.
<aristoph. birds. 1372> ἀναπέτομαι δὴ πρὸς ̓́Ολυμπον πτερύγεσσι κούφαις:
<aristoph. birds. 1373> πέτομαι δ' ὁδὸν ἄλλοτ' ἐπ' ἄλλαν μελέων —
<aristoph. birds. 1375> τουτὶ τὸ πρᾶγμα φορτίου δεῖται πτερῶν.
<aristoph. birds. 1376> ἀφόβῳ φρενὶ σώματί τε νέαν ἐφέπων —
<aristoph. birds. 1377> ἀσπαζόμεσθα φιλύρινον Κινησίαν.
<aristoph. birds. 1378> τί δεῦρο πόδα σὺ κυλλὸν ἀνὰ κύκλον κυκλεῖς;
<aristoph. birds. 1380> ὄρνις γενέσθαι βούλομαι λιγύφθογγος ἀηδών.
<aristoph. birds. 1381> παῦσαι μελῳδῶν, ἀλλ' ὅ τι λέγεις εἰπέ μοι.
<aristoph. birds. 1382> ὑπὸ σοῦ πτερωθεὶς βούλομαι μετάρσιος
<aristoph. birds. 1383> ἀναπτόμενος ἐκ τῶν νεφελῶν καινὰς λαβεῖν
<aristoph. birds. 1385> ἀεροδονήτους καὶ νιφοβόλους ἀναβολάς.
<aristoph. birds. 1386> ἐκ τῶν νεφελῶν γὰρ ἄν τις ἀναβολὰς λάβοι;
<aristoph. birds. 1387> κρέμαται μὲν οὖν ἐντεῦθεν ἡμῶν ἡ τέχνη.
<aristoph. birds. 1388> τῶν διθυράμβων γὰρ τὰ λαμπρὰ γίγνεται
<aristoph. birds. 1389> ἀέρια καὶ σκότιά γε καὶ κυαναυγέα
<aristoph. birds. 1390> καὶ πτεροδόνητα: σὺ δὲ κλύων εἴσει τάχα.
<aristoph. birds. 1391> οὐ δῆτ' ἔγωγε.   νὴ τὸν ̔Ηρακλέα σύ γε.
<aristoph. birds. 1392> ἅπαντα γὰρ δίειμί σοι τὸν ἀέρα.
<aristoph. birds. 1393> εἴδωλα πετεινῶν
<aristoph. birds. 1394> αἰθεροδρόμων
<aristoph. birds. 1395> οἰωνῶν ταναοδείρων —
<aristoph. birds. 1395> ὠόπ.
<aristoph. birds. 1396> τὸν ἁλάδρομον ἁλάμενος
<aristoph. birds. 1397> ἅμ' ἀνεμων πνοαῖσι βαίην.
<aristoph. birds. 1398> νὴ τὸν Δί' ἦ 'γώ σου καταπαύσω τὰς πνοάς.
<aristoph. birds. 1399> τοτὲ μὲν νοτίαν στείχων πρὸς ὁδόν,
<aristoph. birds. 1400> τοτὲ δ' αὖ βορέᾳ σῶμα πελάζων
<aristoph. birds. 1400> ἀλίμενον αἰθέρος αὔλακα τέμνων.
<aristoph. birds. 1401> χαρίεντά γ' ὦ πρεσβῦτ' ἐσοφίσω καὶ σοφά.
<aristoph. birds. 1402> οὐ γὰρ σὺ χαίρεις πτεροδόνητος γενόμενος;
<aristoph. birds. 1403> ταυτὶ πεποίηκας τὸν κυκλιοδιδάσκαλον,
<aristoph. birds. 1404> ὂς ταῖσι φυλαῖς περιμάχητός εἰμ' ἀεί;
<aristoph. birds. 1405> βούλει διδάσκειν καὶ παρ' ἡμῖν οὖν μένων
<aristoph. birds. 1406> Λεωτροφίδῃ χορὸν πετομένων ὀρνέων
<aristoph. birds. 1407> Κεκροπίδα φυλήν;   καταγελᾷς μου, δῆλος εἶ.
<aristoph. birds. 1408> ἀλλ' οὖν ἔγωγ' οὐ παύσομαι, τοῦτ' ἴσθ' ὅτι,
<aristoph. birds. 1409> πρὶν ἂν πτερωθεὶς διαδράμω τὸν ἀέρα.
<aristoph. birds. 1410> ὄρνιθες τίνες οὐδὲν ἔχοντες πτεροποίκιλοι,
<aristoph. birds. 1411> τανυσίπτερε ποικίλα χελιδοῖ;
<aristoph. birds. 1412> τουτὶ τὸ κακὸν οὐ φαῦλον ἐξεγρήγορεν.
<aristoph. birds. 1413> ὅδ' αὖ μινυρίζων δεῦρό τις προσέρχεται.
<aristoph. birds. 1415> τανυσίπτερε ποικίλα μάλ' αὖθις.
<aristoph. birds. 1416> ἐς θοἰμάτιον τὸ σκόλιον ᾄδειν μοι δοκεῖ,
<aristoph. birds. 1417> δεῖσθαι δ' ἔοικεν οὐκ ὀλίγων χελιδόνων.
<aristoph. birds. 1418> τίς ὁ πτερῶν δεῦρ' ἐστὶ τοὺς ἀφικνουμένους;
<aristoph. birds. 1419> ὁδὶ πάρεστιν: ἀλλ' ὅτου δεῖ χρὴ λέγειν.
<aristoph. birds. 1420> πτερῶν πτερῶν δεῖ: μὴ πύθῃ τὸ δεύτερον.
<aristoph. birds. 1421> μῶν εὐθὺ Πελλήνης πέτεσθαι διανοεῖ;
<aristoph. birds. 1422> μὰ Δί' ἀλλὰ κλητήρ εἰμι νησιωτικὸς
<aristoph. birds. 1423> καὶ συκοφάντης —   ὦ μακάριε τῆς τέχνης.
<aristoph. birds. 1424> καὶ πραγματοδίφης. εἶτα δέομαι πτερὰ λαβὼν
<aristoph. birds. 1425> κύκλῳ περισοβεῖν τὰς πόλεις καλούμενος.
<aristoph. birds. 1426> ὑπὸ πτερύγων τι προσκαλεῖ σοφώτερον;
<aristoph. birds. 1427> μὰ Δί' ἀλλ' ἵν' οἱ λῃσταί τε μὴ λυπῶσί με,
<aristoph. birds. 1428> μετὰ τῶν γεράνων τ' ἐκεῖθεν ἀναχωρῶ πάλιν,
<aristoph. birds. 1429> ἀνθ' ἕρματος πολλὰς καταπεπωκὼς δίκας.
<aristoph. birds. 1430> τουτὶ γὰρ ἐργάζει σὺ τοὔργον; εἰπέ μοι,
<aristoph. birds. 1431> νεανίας ὢν συκοφαντεῖς τοὺς ξένους;
<aristoph. birds. 1432> τί γὰρ πάθω; σκάπτειν γὰρ οὐκ ἐπίσταμαι.
<aristoph. birds. 1433> ἀλλ' ἔστιν ἕτερα νὴ Δί' ἔργα σώφρονα,
<aristoph. birds. 1434> ἀφ' ὧν διαζῆν ἄνδρα χρῆν τοσουτονὶ
<aristoph. birds. 1435> ἐκ τοῦ δικαίου μᾶλλον ἢ δικορραφεῖν.
<aristoph. birds. 1436> ὦ δαιμόνιε μὴ νουθέτει μ' ἀλλὰ πτέρου.
<aristoph. birds. 1437> νῦν τοι λέγων πτερῶ σε.   καὶ πῶς ἂν λόγοις
<aristoph. birds. 1438> ἄνδρα πτερώσειας σύ;   πάντες τοῖς λόγοις
<aristoph. birds. 1439> ἀναπτεροῦνται.   πάντες;   οὐκ ἀκήκοας,
<aristoph. birds. 1440> ὅταν λέγωσιν οἱ πατέρες ἑκάστοτε
<aristoph. birds. 1441> τοῖς μειρακίοις ἐν τοῖσι κουρείοις ταδί;
<aristoph. birds. 1442> “δεινῶς γέ μου τὸ μειράκιον Διειτρέφης
<aristoph. birds. 1443> λέγων ἀνεπτέρωκεν ὥσθ' ἱππηλατεῖν.”
<aristoph. birds. 1444> ὁ δέ τις τὸν αὑτοῦ φησιν ἐπὶ τραγῳδίᾳ
<aristoph. birds. 1445> ἀνεπτερῶσθαι καὶ πεποτῆσθαι τὰς φρένας.
<aristoph. birds. 1446> λόγοισί τἄρα καὶ πτεροῦνται;   φήμ' ἐγώ.
<aristoph. birds. 1447> ὑπὸ γὰρ λόγων ὁ νοῦς τε μετεωρίζεται
<aristoph. birds. 1448> ἐπαίρεταί τ' ἄνθρωπος. οὕτω καί ς' ἐγὼ
<aristoph. birds. 1449> ἀναπτερώσας βούλομαι χρηστοῖς λόγοις
<aristoph. birds. 1450> τρέψαι πρὸς ἔργον νόμιμον.   ἀλλ' οὐ βούλομαι.
<aristoph. birds. 1451> τί δαὶ ποιήσεις;   τὸ γένος οὐ καταισχυνῶ.
<aristoph. birds. 1452> παππῷος ὁ βίος συκοφαντεῖν ἐστί μοι.
<aristoph. birds. 1453> ἀλλὰ πτέρου με ταχέσι καὶ κούφοις πτεροῖς
<aristoph. birds. 1454> ἱέρακος ἢ κερχνῇδος, ὡς ἂν τοὺς ξένους
<aristoph. birds. 1455> καλεσάμενος κᾆτ' ἐγκεκληκὼς ἐνθαδὶ
<aristoph. birds. 1456> κατ' αὖ πέτωμαι πάλιν ἐκεῖσε.   μανθάνω.
<aristoph. birds. 1457> ὡδὶ λέγεις: ὅπως ἂν ὠφλήκῃ δίκην
<aristoph. birds. 1458> ἐνθάδε πρὶν ἥκειν ὁ ξένος.   πάνυ μανθάνεις.
<aristoph. birds. 1459> κἄπειθ' ὁ μὲν πλεῖ δεῦρο, σὺ δ' ἐκεῖς' αὖ πέτει
<aristoph. birds. 1460> ἁρπασόμενος τὰ χρήματ' αὐτοῦ.   πάντ' ἔχεις.
<aristoph. birds. 1461> βέμβικος οὐδὲν διαφέρειν δεῖ.   μανθάνω
<aristoph. birds. 1462> βέμβικα: καὶ μὴν ἔστι μοι νὴ τὸν Δία
<aristoph. birds. 1463> κάλλιστα Κορκυραῖα τοιαυτὶ πτερά.
<aristoph. birds. 1464> οἴμοι τάλας μάστιγ' ἔχεις.   πτερὼ μὲν οὖν,
<aristoph. birds. 1465> οἷσί σε ποιήσω τήμερον βεμβικιᾶν.
<aristoph. birds. 1466> οἴμοι τάλας.   οὐ πτερυγιεῖς ἐντευθενί;
<aristoph. birds. 1467> οὐκ ἀπολιβάξεις ὦ κάκιστ' ἀπολούμενος;
<aristoph. birds. 1468> πικρὰν τάχ' ὄψει στρεψοδικοπανουργίαν.
<aristoph. birds. 1469> ἀπίωμεν ἡμεῖς ξυλλαβόντες τὰ πτερά.
<aristoph. birds. 1470> πολλὰ δὴ καὶ καινὰ καὶ θαυμάστ'
<aristoph. birds. 1471> ἐπεπτόμεσθα καὶ
<aristoph. birds. 1472> δεινὰ πράγματ' εἴδομεν.
<aristoph. birds. 1473> ἔστι γὰρ δένδρον πεφυκὸς
<aristoph. birds. 1474> ἔκτοπόν τι Καρδίας ἀ-
<aristoph. birds. 1475> πωτέρω Κλεώνυμος,
<aristoph. birds. 1476> χρήσιμον μὲν οὐδέν, ἄλλως
<aristoph. birds. 1477> δὲ δειλὸν καὶ μέγα.
<aristoph. birds. 1478> τοῦτο τοῦ μὲν ἦρος ἀεὶ
<aristoph. birds. 1479> βλαστάνει καὶ συκοφαντεῖ,
<aristoph. birds. 1480> τοῦ δὲ χειμῶνος πάλιν τὰς
<aristoph. birds. 1481> ἀσπίδας φυλλορροεῖ.
<aristoph. birds. 1482> ἔστι δ' αὗ χώρα πρὸς αὐτῷ
<aristoph. birds. 1483> τῷ σκότῳ πόρρω τις ἐν
<aristoph. birds. 1484> τῇ λύχνων ἐρημίᾳ,
<aristoph. birds. 1485> ἔνθα τοῖς ἥρωσιν ἄνθρωποι
<aristoph. birds. 1486> ξυναριστῶσι καὶ ξύν-
<aristoph. birds. 1487> εισι πλὴν τῆς ἑσπέρας.
<aristoph. birds. 1488> τηνικαῦτα δ' οὐκέτ' ἦν
<aristoph. birds. 1489> ἀσφαλὲς ξυντυγχάνειν.
<aristoph. birds. 1490> εἰ γὰρ ἐντύχοι τις ἥρῳ
<aristoph. birds. 1491> τῶν βροτῶν νύκτωρ ̓Ορέστῃ,
<aristoph. birds. 1492> γυμνὸς ἦν πληγεὶς ὑπ' αὐτοῦ
<aristoph. birds. 1493> πάντα τἀπιδέξια.
<aristoph. birds. 1494> οἴμοι τάλας, ὁ Ζεὺς ὅπως μή μ' ὄψεται.
<aristoph. birds. 1495> ποῦ Πισθέταιρός ἐστ';   ἔα τουτὶ τί ἦν;
<aristoph. birds. 1496> τίς ὁ συγκαλυμμός;   τῶν θεῶν ὁρᾷς τινα
<aristoph. birds. 1497> ἐμοῦ κατόπιν ἐνταῦθα;   μὰ Δί' ἐγὼ μὲν οὔ.
<aristoph. birds. 1498> τίς δ' εἶ σύ;   πηνίκ' ἐστὶν ἄρα τῆς ἡμέρας;
<aristoph. birds. 1499> ὁπηνίκα; σμικρόν τι μετὰ μεσημβρίαν.
<aristoph. birds. 1500> ἀλλὰ σὺ τίς εἶ;   βουλυτὸς ἢ περαιτέρω;
<aristoph. birds. 1501> οἴμ' ὡς βδελύττομαί σε.   τί γὰρ ὁ Ζεὺς ποιεῖ;
<aristoph. birds. 1502> ἀπαιθριάζει τὰς νεφέλας ἢ ξυννέφει;
<aristoph. birds. 1503> οἴμωζε μεγάλ'.   οὕτω μὲν ἐκκεκαλύψομαι.
<aristoph. birds. 1504> ὦ φίλε Προμηθεῦ.   παῦε παῦε, μὴ βόα.
<aristoph. birds. 1505> τί γὰρ ἔστι;   σίγα, μὴ κάλει μου τοὔνομα:
<aristoph. birds. 1506> ἀπὸ γάρ μ' ὀλεῖς, εἴ μ' ἐνθάδ' ὁ Ζεὺς ὄψεται.
<aristoph. birds. 1507> ἀλλ' ἵνα φράσω σοι πάντα τἄνω πράγματα,
<aristoph. birds. 1508> τουτὶ λαβών μου τὸ σκιάδειον ὑπέρεχε
<aristoph. birds. 1509> ἄνωθεν, ὡς ἂν μή μ' ὁρῶσιν οἱ θεοί.
<aristoph. birds. 1510> ἰοὺ ἰού:
<aristoph. birds. 1511> εὖ γ' ἐπενόησας αὐτὸ καὶ προμηθικῶς.
<aristoph. birds. 1512> ὑπόδυθι ταχὺ δὴ κᾆτα θαρρήσας λέγε.
<aristoph. birds. 1513> ἄκουε δή νυν.   ὡς ἀκούοντος λέγε.
<aristoph. birds. 1514> ἀπόλωλεν ὁ Ζεύς.   πηνίκ' ἄττ' ἀπώλετο;
<aristoph. birds. 1515> ἐξ οὗπερ ὑμεῖς ᾠκίσατε τὸν ἀέρα.
<aristoph. birds. 1516> θύει γὰρ οὐδεὶς οὐδὲν ἀνθρώπων ἔτι
<aristoph. birds. 1517> θεοῖσιν, οὐδὲ κνῖσα μηρίων ἄπο
<aristoph. birds. 1518> ἀνῆλθεν ὡς ἡμᾶς ἀπ' ἐκείνου τοῦ χρόνου,
<aristoph. birds. 1519> ἀλλ' ὡσπερεὶ Θεσμοφορίοις νηστεύομεν
<aristoph. birds. 1520> ἄνευ θυηλῶν: οἱ δὲ βάρβαροι θεοὶ
<aristoph. birds. 1521> πεινῶντες ὥσπερ ̓Ιλλυριοὶ κεκριγότες
<aristoph. birds. 1522> ἐπιστρατεύσειν φάς' ἄνωθεν τῷ Διί,
<aristoph. birds. 1523> εἰ μὴ παρέξει τἀμπόρι' ἀνεῳγμένα,
<aristoph. birds. 1524> ἵν' εἰσάγοιτο σπλάγχνα κατατετμημένα.
<aristoph. birds. 1525> εἰσὶν γὰρ ἕτεροι βάρβαροι θεοί τινες
<aristoph. birds. 1526> ἄνωθεν ὑμῶν;   οὐ γάρ εἰσι βάρβαροι,
<aristoph. birds. 1527> ὅθεν ὁ πατρῷός ἐστιν ̓Εξηκεστίδῃ;
<aristoph. birds. 1528> ὄνομα δὲ τούτοις τοῖς θεοῖς τοῖς βαρβάροις
<aristoph. birds. 1529> τί ἔστιν;   ὅ τι ἔστιν; Τριβαλλοί.   μανθάνω.
<aristoph. birds. 1530> ἐντεῦθεν ἆρα τοὐπιτριβείης ἐγένετο;
<aristoph. birds. 1531> μάλιστα πάντων. ἓν δέ σοι λέγω σαφές:
<aristoph. birds. 1532> ἥξουσι πρέσβεις δεῦρο περὶ διαλλαγῶν
<aristoph. birds. 1533> παρὰ τοῦ Διὸς καὶ τῶν Τριβαλλῶν τῶν ἄνω:
<aristoph. birds. 1534> ὑμεῖς δὲ μὴ σπένδεσθ', ἐὰν μὴ παραδιδῷ
<aristoph. birds. 1535> τὸ σκῆπτρον ὁ Ζεὺς τοῖσιν ὄρνισιν πάλιν,
<aristoph. birds. 1536> καὶ τὴν Βασίλειάν σοι γυναῖκ' ἔχειν διδῷ.
<aristoph. birds. 1537> τίς ἐστιν ἡ Βασίλεια;   καλλίστη κόρη,
<aristoph. birds. 1538> ἥπερ ταμιεύει τὸν κεραυνὸν τοῦ Διὸς
<aristoph. birds. 1539> καὶ τἄλλ' ἁπαξάπαντα, τὴν εὐβουλίαν
<aristoph. birds. 1540> τὴν εὐνομίαν τὴν σωφροσύνην τὰ νεώρια,
<aristoph. birds. 1541> τὴν λοιδορίαν τὸν κωλακρέτην τὰ τριώβολα.
<aristoph. birds. 1542> ἅπαντά γ' ἆρ' αὐτῷ ταμιεύει;   φήμ' ἐγώ.
<aristoph. birds. 1543> ἥν γ' ἢν σὺ παρ' ἐκείνου παραλάβῃς, πάντ' ἔχεις.
<aristoph. birds. 1544> τούτων ἕνεκα δεῦρ' ἦλθον, ἵνα φράσαιμί σοι.
<aristoph. birds. 1545> ἀεί ποτ' ἀνθρώποις γὰρ εὔνους εἴμ' ἐγώ.
<aristoph. birds. 1546> μόνον θεῶν γὰρ διὰ ς' ἀπανθρακίζομεν.
<aristoph. birds. 1547> μισῶ δ' ἅπαντας τοὺς θεούς, ὡς οἶσθα σύ.
<aristoph. birds. 1548> νὴ τὸν Δί' ἀεὶ δῆτα θεομισὴς ἔφυς.
<aristoph. birds. 1549> Τίμων καθαρός. ἀλλ' ὡς ἂν ἀποτρέχω πάλιν,
<aristoph. birds. 1550> φέρε τὸ σκιάδειον, ἵνα με κἂν ὁ Ζεὺς ἴδῃ
<aristoph. birds. 1551> ἄνωθεν, ἀκολουθεῖν δοκῶ κανηφόρῳ.
<aristoph. birds. 1552> καὶ τὸν δίφρον γε διφροφόρει τονδὶ λαβών.
<aristoph. birds. 1553> πρὸς δὲ τοῖς Σκιάποσιν λίμνη
<aristoph. birds. 1554> τις ἔστ' ἄλουτος οὗ
<aristoph. birds. 1555> ψυχαγωγεῖ Σωκράτης:
<aristoph. birds. 1556> ἔνθα καὶ Πείσανδρος ἦλθε
<aristoph. birds. 1557> δεόμενος ψυχὴν ἰδεῖν ἣ
<aristoph. birds. 1558> ζῶντ' ἐκεῖνον προὔλιπε,
<aristoph. birds. 1559> σφάγι' ἔχων κάμηλον ἀμνόν
<aristoph. birds. 1560> τιν', ἧς λαιμοὺς τεμὼν ὥσπερ
<aristoph. birds. 1561> ποθ' οὑδυσσεὺς ἀπῆλθε,
<aristoph. birds. 1562> κᾆτ' ἀνῆλθ' αὐτῷ κάτωθεν
<aristoph. birds. 1563> πρὸς τὸ λαῖτμα τῆς καμήλου
<aristoph. birds. 1564> Χαιρεφῶν ἡ νυκτερίς.
<aristoph. birds. 1565> τὸ μὲν πόλισμα τῆς Νεφελοκοκκυγίας
<aristoph. birds. 1566> ὁρᾶν τοδὶ πάρεστιν, οἷ πρεσβεύομεν.
<aristoph. birds. 1567> οὗτος τί δρᾷς; ἐπ' ἀριστέρ' οὕτως ἀμπέχει;
<aristoph. birds. 1568> οὐ μεταβαλεῖς θοἰμάτιον ὧδ' ἐπιδέξια;
<aristoph. birds. 1569> τί ὦ κακόδαιμον; Λαισποδίας εἶ τὴν φύσιν;
<aristoph. birds. 1570> ὦ δημοκρατία ποῖ προβιβᾷς ἡμᾶς ποτε,
<aristoph. birds. 1571> εἰ τουτονί γ' ἐχειροτόνησαν οἱ θεοί;
<aristoph. birds. 1572> ἕξεις ἀτρέμας;   οἴμωζε: πολὺ γὰρ δή ς' ἐγὼ
<aristoph. birds. 1573> ἑόρακα πάντων βαρβαρώτατον θεῶν.
<aristoph. birds. 1574> ἄγε δὴ τί δρῶμεν ̔Ηράκλεις;   ἀκήκοας
<aristoph. birds. 1575> ἐμοῦ γ' ὅτι τὸν ἄνθρωπον ἄγχειν βούλομαι,
<aristoph. birds. 1576> ὅστις ποτ' ἔσθ' ὁ τοὺς θεοὺς ἀποτειχίσας.
<aristoph. birds. 1577> ἀλλ' ὦγάθ' ᾑρήμεσθα περὶ διαλλαγῶν
<aristoph. birds. 1578> πρέσβεις.   διπλασίως μᾶλλον ἄγχειν μοι δοκεῖ.
<aristoph. birds. 1579> τὴν τυρόκνηστίν τις δότω: φέρε σίλφιον:
<aristoph. birds. 1580> τυρὸν φερέτω τις: πυρπόλει τοὺς ἄνθρακας.
<aristoph. birds. 1581> τὸν ἄνδρα χαίρειν οἱ θεοὶ κελεύομεν
<aristoph. birds. 1582> τρεῖς ὄντες ἡμεῖς.   ἀλλ' ἐπικνῶ τὸ σίλφιον.
<aristoph. birds. 1583> τὰ δὲ κρέα τοῦ ταῦτ' ἐστίν;   ὄρνιθές τινες
<aristoph. birds. 1584> ἐπανιστάμενοι τοῖς δημοτικοῖσιν ὀρνέοις
<aristoph. birds. 1585> ἔδοξαν ἀδικεῖν.   εἶτα δῆτα σίλφιον
<aristoph. birds. 1586> εἴπικνῇς πρότερον αὐτοῖσιν;   ὦ χαῖρ' ̔Ηράκλεις.
<aristoph. birds. 1587> τί ἔστι;   πρεσβεύοντες ἡμεῖς ἥκομεν
<aristoph. birds. 1588> παρὰ τῶν θεῶν περὶ πολέμου καταλλαγῆς.
<aristoph. birds. 1589> ἔλαιον οὐκ ἔνεστιν ἐν τῇ ληκύθῳ.
<aristoph. birds. 1590> καὶ μὴν τά γ' ὀρνίθεια λιπάρ' εἶναι πρέπει.
<aristoph. birds. 1591> ἡμεῖς τε γὰρ πολεμοῦντες οὐ κερδαίνομεν,
<aristoph. birds. 1592> ὑμεῖς τ' ἂν ἡμῖν τοῖς θεοῖς ὄντες φίλοι
<aristoph. birds. 1593> ὄμβριον ὕδωρ ἂν εἴχετ' ἐν τοῖς τέλμασιν,
<aristoph. birds. 1594> ἀλκυονίδας τ' ἂν ἤγεθ' ἡμέρας ἀεί.
<aristoph. birds. 1595> τούτων περὶ πάντων αὐτοκράτορες ἥκομεν.
<aristoph. birds. 1596> ἀλλ' οὔτε πρότερον πώποθ' ἡμεῖς ἤρξαμεν
<aristoph. birds. 1597> πολέμου πρὸς ὑμᾶς, νῦν τ' ἐθέλομεν, εἰ δοκεῖ,
<aristoph. birds. 1598> ἐάν τι δίκαιον ἀλλὰ νῦν ἐθέλητε δρᾶν,
<aristoph. birds. 1599> σπονδὰς ποιεῖσθαι. τὰ δὲ δίκαι' ἐστὶν ταδί,
<aristoph. birds. 1600> τὸ σκῆπτρον ἡμῖν τοῖσιν ὄρνισιν πάλιν
<aristoph. birds. 1601> τὸν Δί' ἀποδοῦναι: κἂν διαλλαττώμεθα
<aristoph. birds. 1602> ἐπὶ τοῖσδε, τοὺς πρέσβεις ἐπ' ἄριστον καλῶ.
<aristoph. birds. 1603> ἐμοὶ μὲν ἀπόχρη ταῦτα καὶ ψηφίζομαι.
<aristoph. birds. 1604> τί ὦ κακόδαιμον; ἠλίθιος καὶ γάστρις εἶ.
<aristoph. birds. 1605> ἀποστερεῖς τὸν πατέρα τῆς τυραννίδος;
<aristoph. birds. 1606> ἄληθες; οὐ γὰρ μεῖζον ὑμεῖς οἱ θεοὶ
<aristoph. birds. 1607> ἰσχύσετ', ἢν ὄρνιθες ἄρξωσιν κάτω;
<aristoph. birds. 1608> νῦν μέν γ' ὑπὸ ταῖς νεφέλαισιν ἐγκεκρυμμένοι
<aristoph. birds. 1609> κύψαντες ἐπιορκοῦσιν ὑμᾶς οἱ βροτοί:
<aristoph. birds. 1610> ἐὰν δὲ τοὺς ὄρνις ἔχητε συμμάχους,
<aristoph. birds. 1611> ὅταν ὀμνύῃ τις τὸν κόρακα καὶ τὸν Δία,
<aristoph. birds. 1612> ὁ κόραξ παρελθὼν τοὐπιορκοῦντος λάθρᾳ
<aristoph. birds. 1613> προσπτόμενος ἐκκόψει τὸν ὀφθαλμὸν θενών.
<aristoph. birds. 1614> νὴ τὸν Ποσειδῶ ταῦτά γέ τοι καλῶς λέγεις.
<aristoph. birds. 1615> κἀμοὶ δοκεῖ.   τί δαὶ σὺ φῄς;   ναβαισατρεῦ.
<aristoph. birds. 1616> ὁρᾷς; ἐπαινεῖ χοὖτος. ἕτερόν νυν ἔτι
<aristoph. birds. 1617> ἀκούσαθ' ὅσον ὑμᾶς ἀγαθὸν ποιήσομεν.
<aristoph. birds. 1618> ἐάν τις ἀνθρώπων ἱερεῖόν τῳ θεῶν
<aristoph. birds. 1619> εὐξάμενος εἶτα διασοφίζηται λέγων,
<aristoph. birds. 1620> “μενετοὶ θεοί,” καὶ μἀποδιδῷ μισητίᾳ,
<aristoph. birds. 1621> ἀναπράξομεν καὶ ταῦτα.   φέρ' ἴδω τῷ τρόπῳ;
<aristoph. birds. 1622> ὅταν διαριθμῶν ἀργυρίδιον τύχῃ
<aristoph. birds. 1623> ἅνθρωπος οὗτος, ἢ καθῆται λούμενος,
<aristoph. birds. 1624> καταπτόμενος ἰκτῖνος ἁρπάσας λάθρᾳ
<aristoph. birds. 1625> προβάτοιν δυοῖν τιμὴν ἀνοίσει τῷ θεῷ.
<aristoph. birds. 1626> τὸ σκῆπτρον ἀποδοῦναι πάλιν ψηφίζομαι
<aristoph. birds. 1627> τούτοις ἐγώ.   καὶ τὸν Τριβαλλόν νυν ἐροῦ.
<aristoph. birds. 1628> ὁ Τριβαλλός, οἰμώζειν δοκεῖ σοι;   σαυνάκα
<aristoph. birds. 1629> βακταρικροῦσα.   φησί μ' εὖ λέγειν πάνυ.
<aristoph. birds. 1630> εἴ τοι δοκεῖ σφῷν ταῦτα, κἀμοὶ συνδοκεῖ.
<aristoph. birds. 1631> οὗτος, δοκεῖ δρᾶν ταῦτα τοῦ σκήπτρου πέρι.
<aristoph. birds. 1632> καὶ νὴ Δί' ἕτερόν γ' ἐστὶν οὗ 'μνήσθην ἐγώ.
<aristoph. birds. 1633> τὴν μὲν γὰρ ̔́Ηραν παραδίδωμι τῷ Διί,
<aristoph. birds. 1634> τὴν δὲ Βασίλειαν τὴν κόρην γυναῖκ' ἐμοὶ
<aristoph. birds. 1635> ἐκδοτέον ἐστίν.   οὐ διαλλαγῶν ἐρᾷς.
<aristoph. birds. 1636> ἀπίωμεν οἴκαδ' αὖθις.   ὀλίγον μοι μέλει.
<aristoph. birds. 1637> μάγειρε τὸ κατάχυσμα χρὴ ποιεῖν γλυκύ.
<aristoph. birds. 1638> ὦ δαιμόνι' ἀνθρώπων Πόσειδον ποῖ φέρει;
<aristoph. birds. 1639> ἡμεῖς περὶ γυναικὸς μιᾶς πολεμήσομεν;
<aristoph. birds. 1640> τί δαὶ ποιῶμεν;   ὅ τι; διαλλαττώμεθα.
<aristoph. birds. 1641> τί δ' ᾠζύρ'; οὐκ οἶσθ' ἐξαπατώμενος πάλαι;
<aristoph. birds. 1642> βλάπτεις δέ τοι σὺ σαυτόν. ἢν γὰρ ἀποθάνῃ
<aristoph. birds. 1643> ὁ Ζεὺς παραδοὺς τούτοισι τὴν τυραννίδα,
<aristoph. birds. 1644> πένης ἔσει σύ. σοῦ γὰρ ἅπαντα γίγνεται
<aristoph. birds. 1645> τὰ χρήμαθ', ὅς' ἂν ὁ Ζεὺς ἀποθνῄσκων καταλίπῃ.
<aristoph. birds. 1646> οἴμοι τάλας οἷόν σε περισοφίζεται.
<aristoph. birds. 1647> δεῦρ' ὡς ἔμ' ἀποχώρησον, ἵνα τί σοι φράσω.
<aristoph. birds. 1648> διαβάλλεταί ς' ὁ θεῖος ὦ πόνηρε σύ.
<aristoph. birds. 1649> τῶν γὰρ πατρῴων οὐδ' ἀκαρῆ μέτεστί σοι
<aristoph. birds. 1650> κατὰ τοὺς νόμους: νόθος γὰρ εἶ κοὐ γνήσιος.
<aristoph. birds. 1651> ἐγὼ νόθος; τί λέγεις;   σὺ μέντοι νὴ Δία
<aristoph. birds. 1652> ὤν γε ξένης γυναικός. ἢ πῶς ἄν ποτε
<aristoph. birds. 1653> ἐπίκληρον εἶναι τὴν ̓Αθηναίαν δοκεῖς,
<aristoph. birds. 1654> οὖσαν θυγατέρ', ὄντων ἀδελφῶν γυησίων;
<aristoph. birds. 1655> τί δ' ἢν ὁ πατὴρ ἐμοὶ διδῷ τὰ χρήματα
<aristoph. birds. 1656> νοθεἶ ἀποθνῄσκων;   ὁ νόμος αὐτὸν οὐκ ἐᾷ.
<aristoph. birds. 1657> οὗτος ὁ Ποσειδῶν πρῶτος, ὃς ἐπαίρει σε νῦν,
<aristoph. birds. 1658> ἀνθέξεταί σου τῶν πατρῴων χρημάτων
<aristoph. birds. 1659> φάσκων ἀδελφὸς αὐτὸς εἶναι γνήσιος.
<aristoph. birds. 1660> ἐρῶ δὲ δὴ καὶ τὸν Σόλωνός σοι νόμον:
<aristoph. birds. 1661> “νόθῳ δὲ μὴ εἶναι ἀγχιστείαν παίδων ὄντων
<aristoph. birds. 1665> γνησίων. ἐὰν δὲ παῖδες μὴ ὦσι γνήσιοι, τοῖς
<aristoph. birds. 1666> ἐγγυτάτω γένους μετεῖναι τῶν χρημάτων.”
<aristoph. birds. 1667> ἐμοὶ δ' ἄρ' οὐδὲν τῶν πατρῴων χρημάτων
<aristoph. birds. 1668> μέτεστιν;   οὐ μέντοι μὰ Δία. λέξον δέ μοι,
<aristoph. birds. 1669> ἤδη ς' ὁ πατὴρ εἰσήγαγ' ἐς τοὺς φράτερας;
<aristoph. birds. 1670> οὐ δῆτ' ἐμέ γε. καὶ δῆτ' ἐθαύμαζον πάλαι.
<aristoph. birds. 1671> τί δῆτ' ἄνω κέχηνας αἴκειαν βλέπων;
<aristoph. birds. 1672> ἀλλ' ἢν μεθ' ἡμῶν ᾖς, καταστήσας ς' ἐγὼ
<aristoph. birds. 1673> τύραννον ὀρνίθων παρέξω σοι γάλα.
<aristoph. birds. 1674> δίκαι' ἔμοιγε καὶ πάλαι δοκεῖς λέγειν
<aristoph. birds. 1675> περὶ τῆς κόρης, κἄγωγε παραδίδωμί σοι.
<aristoph. birds. 1676> τί δαὶ σὺ φῄς;   τἀναντία ψηφίζομαι.
<aristoph. birds. 1677> ἐν τῷ Τριβαλλῷ πᾶν τὸ πρᾶγμα. τί σὺ λέγεις;
<aristoph. birds. 1678> καλάνι κόραυνα καὶ μεγάλα βασιλιναῦ
<aristoph. birds. 1679> ὄρνιτο παραδίδωμι.   παραδοῦναι λέγει.
<aristoph. birds. 1680> μὰ τὸν Δί' οὐχ οὗτός γε παραδοῦναι λέγει,
<aristoph. birds. 1681> εἰ μὴ † βαδίζειν † ωἅσπερ αἱ χελιδόσιν λέγει.
<aristoph. birds. 1682> οὐκοῦν παραδοῦναι ταῖς χελιδόσιν λέγει.
<aristoph. birds. 1683> σφὼ νῦν διαλλάττεσθε καὶ ξυμβαίνετε:
<aristoph. birds. 1684> ἐγὼ δ', ἐπειδὴ σφῷν δοκεῖ, σιγήσομαι.
<aristoph. birds. 1685> ἡμῖν ἃ λέγεις σὺ πάντα συγχωρεῖν δοκεῖ.
<aristoph. birds. 1686> ἀλλ' ἴθι μεθ' ἡμῶν αὐτὸς ἐς τὸν οὐρανόν,
<aristoph. birds. 1687> ἵνα τὴν Βασίλειαν καὶ τὰ πάντ' ἐκεῖ λάβῃς.
<aristoph. birds. 1688> ἐς καιρὸν ἆρα κατεκόπησαν οὑτοιὶ
<aristoph. birds. 1689> ἐς τοὺς γάμους.   βούλεσθε δῆτ' ἐγὼ τέως
<aristoph. birds. 1690> ὀπτῶ τὰ κρέα ταυτὶ μένων; ὑμεῖς δ' ἴτε.
<aristoph. birds. 1691> ὀπτᾷς τὰ κρέα; πολλήν γε τενθείαν λέγεις.
<aristoph. birds. 1692> οὐκ εἶ μεθ' ἡμῶν;   εὖ γε μέντἂν διετέθην.
<aristoph. birds. 1693> ἀλλὰ γαμικὴν χλανίδα δότω τις δεῦρό μοι.
<aristoph. birds. 1694> ἔστι δ' ἐν Φαναῖσι πρὸς τῇ
<aristoph. birds. 1695> Κλεψύδρᾳ πανοῦργον ἐγ-
<aristoph. birds. 1696> γλωττογαστόρων γένος,
<aristoph. birds. 1697> οἳ θερίζουσίν τε καὶ σπείρουσι
<aristoph. birds. 1698> καὶ τρυγῶσι ταῖς γλώτταισι
<aristoph. birds. 1699> συκάζουσί τε:
<aristoph. birds. 1700> βάρβαροι δ' εἰσὶν γένος,
<aristoph. birds. 1701> Γοργίαι τε καὶ Φίλιπποι.
<aristoph. birds. 1702> κἀπὸ τῶν ἐγγλωττογαστόρων
<aristoph. birds. 1703> ἐκείνων τῶν Φιλίππων
<aristoph. birds. 1704> πανταχοῦ τῆς ̓Αττικῆς ἡ
<aristoph. birds. 1705> γλῶττα χωρὶς τέμνεται.
<aristoph. birds. 1706> ὦ πάντ' ἀγαθὰ πράττοντες, ὦ μείζω λόγου,
<aristoph. birds. 1707> ὦ τρισμακάριον πτηνὸν ὀρνίθων γένος,
<aristoph. birds. 1708> δέχεσθε τὸν τύραννον ὀλβίοις δόμοις.
<aristoph. birds. 1709> προσέρχεται γὰρ οἷς οὔτε παμφαὴς
<aristoph. birds. 1710> ἀστὴρ ἰδεῖν ἔλαμψε χρυσαυγεῖ δόμῳ,
<aristoph. birds. 1711> οὔθ' ἡλίου τηλαυγὲς ἀκτίνων σέλας
<aristoph. birds. 1712> τοιοῦτον ἐξέλαμψεν, οἶον ἔρχεται
<aristoph. birds. 1713> ἔχων γυναικὸς κάλλος οὐ φατὸν λέγειν,
<aristoph. birds. 1714> πάλλων κεραυνόν, πτεροφόρον Διὸς βέλος:
<aristoph. birds. 1715> ὀσμὴ δ' ἀνωνόμαστος ἐς βάθος κύκλου
<aristoph. birds. 1716> χωρεῖ, καλὸν θέαμα: θυμιαμάτων δ'
<aristoph. birds. 1717> αὖραι διαψαίρουσι πλεκτάνην καπνοῦ.
<aristoph. birds. 1718> ὁδὶ δὲ καὐτός ἐστιν. ἀλλὰ χρὴ θεᾶς
<aristoph. birds. 1719> Μούσης ἀνοίγειν ἱερὸν εὔφημον στόμα.
<aristoph. birds. 1720> ἄναγε δίεχε πάραγε πάρεχε.
<aristoph. birds. 1721> περιπέτεσθε
<aristoph. birds. 1722> τὸν μάκαρα μάκαρι σὺν τύχᾳ.
<aristoph. birds. 1723> ὦ φεῦ φεῦ τῆς ὥρας τοῦ κάλλους.
<aristoph. birds. 1725> ὦ μακαριστὸν σὺ γάμον τῇδε πόλει γημας.
<aristoph. birds. 1726> μεγάλαι μεγάλαι κατέχουσι τύχαι
<aristoph. birds. 1727> γένος ὀρνίθων
<aristoph. birds. 1728> διὰ τόνδε τὸν ἄνδρ'. ἀλλ' ὑμεναίοις
<aristoph. birds. 1729> καὶ νυμφιδίοισι δέχεσθ' ᾠδαῖς
<aristoph. birds. 1730> αὐτὸν καὶ τὴν Βασίλειαν.
<aristoph. birds. 1731> ̔́Ηρᾳ ποτ' ̓Ολυμπίᾳ
<aristoph. birds. 1732> τῶν ἠλιβάτων θρόνων
<aristoph. birds. 1733> ἄρχοντα θεοῖς μέγαν
<aristoph. birds. 1734> Μοῖραι ξυνεκοίμισαν
<aristoph. birds. 1735> ἐν τοιῷδ' ὑμεναίῳ.
<aristoph. birds. 1736> ̔Υμὴν ὦ ̔Υμέναι' ὦ,
<aristoph. birds. 1736b> ̔Υμὴν ὦ ̔Υμέναι' ὦ.
<aristoph. birds. 1737> ὁ δ' ἀμφιθαλὴς ̓́Ερως
<aristoph. birds. 1738> χρυσόπτερος ἡνίας
<aristoph. birds. 1739> ηὔθυνε παλιντόνους,
<aristoph. birds. 1740> Ζηνὸς πάροχος γάμων
<aristoph. birds. 1741> τῆς τ' εὐδαίμονος ̔́Ηρας.
<aristoph. birds. 1742> ̔Υμὴν ὦ ̔Υμέναι' ὦ,
<aristoph. birds. 1742b> ̔Υμὴν ὦ ̔Υμέναι' ὦ.
<aristoph. birds. 1743> ἐχάρην ὕμνοις, ἐχάρην ᾠδαῖς:
<aristoph. birds. 1744> ἄγαμαι δὲ λόγων. ἄγε νυν αὐτοῦ
<aristoph. birds. 1745> καὶ τὰς χθονίας κλῄσατε βροντὰς
<aristoph. birds. 1746> τάς τε πυρώδεις Διὸς ἀστεροπὰς
<aristoph. birds. 1747> δεινόν τ' ἀργῆτα κεραυνόν.
<aristoph. birds. 1748> ὦ μέγα χρύσεον ἀστεροπῆς φάος,
<aristoph. birds. 1749> ὦ Διὸς ἄμβροτον ἔγχος πυρφόρον,
<aristoph. birds. 1750> ὦ χθόνιαι βαρυαχέες
<aristoph. birds. 1751> ὀμβροφόροι θ' ἅμα βρονταί,
<aristoph. birds. 1752> αἷς ὅδε νῦν χθόνα σείει.
<aristoph. birds. 1753> διὰ σὲ τὰ πάντα κρατήσας
<aristoph. birds. 1754> καὶ πάρεδρον Βασίλειαν ἔχει Διός.
<aristoph. birds. 1755> ̔Υμὴν ὦ ̔Υμέναι' ὦ.
<aristoph. birds. 1755> ἔπεσθε νῦν γάμοισιν ὦ
<aristoph. birds. 1756> φῦλα πάντα συννόμων
<aristoph. birds. 1757> πτεροφόρ' ἐπὶ δάπεδον Διὸς
<aristoph. birds. 1758> καὶ λέχος γαμήλιον.
<aristoph. birds. 1759> ὄρεξον ὦ μάκαιρα σὴν
<aristoph. birds. 1760> χεῖρα καὶ πτερῶν ἐμῶν
<aristoph. birds. 1761> λαβοῦσα συγχόρευσον: αἴρων
<aristoph. birds. 1762> δὲ κουφιῶ ς' ἐγώ.
<aristoph. birds. 1763> ἀλαλαλαὶ ἰὴ παιών,
<aristoph. birds. 1764> τήνελλα καλλίνικος, ὦ
<aristoph. birds. 1765> δαιμόνων ὑπέρτατε.